ଖଲ୍ଲିକୋଟ, ୧୭।୭ : ଖଲ୍ଲିକୋଟରେ ଆଜି ପବିତ୍ର ବଡ଼ ଏକାଦଶୀ ତିଥିରେ ରଥ ଉପରେ ତିନି ଠାକୁରଙ୍କ ସୁନାବେଶ ଅନୁଷ୍ଠିତ ହୋଇ ଯାଇଛି । ଆଜି ସକାଳୁ ବଡ଼ ଏକାଦଶୀରେ ପୂଜା କରିବା ପାଇଁ ରଥ ନିକଟରେ ହଜାର ହଜାର ଭକ୍ତଙ୍କ ଭିଡ ପରିଲକ୍ଷିତ ହୋଇଥିଲା ।
ଭିଡ଼ ଭିତରେ ୩ ଜଣ ମହିଳାଙ୍କ ବେକରୁ ୯୦ ଗ୍ରାମ ଓଜନ ର ସୁନା ଚେନ ଚୋରି ହୋଇଥିବା ଅଭିଯୋଗ ହୋଇଛି। ଅଙ୍ଗାରଗାଁ ର ଲକ୍ଷ୍ମୀ ନାୟକ, କେଶପୁର ର ସୁଷମା ମହାରଥା,ଗୁରୁଣ୍ଠି ଶାସନ ର ବିଷ୍ନୁପ୍ରିୟ ମିଶ୍ର ରଥ ନିକଟରେ ପୂଜା କରୁଥିବା ସମୟ ରେ ବେକରୁ ସୁନା ଚେନ କେହି ଚୋରି କରି ନେଇଥିବା ଥାନା ରେ ଅଭିଯୋଗ କରିଛନ୍ତି। ଅଭିଯୋଗ ପାଇବା ପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଆଖପାଖ ର ସିସିଟିଭି ଫୁଟେଜ ଯାଞ୍ଚ କରୁଛି ପୋଲିସ।