ଭୁବନେଶ୍ୱର, ୧୦।୩: ଗ୍ୟାସ୍ ଟାଙ୍କି ଫାଟି ଅଘଟଣ । ରୋଷେଇ ଘର ଜଳିଯିବା ସହ ଆସବାପତ୍ର ଜଳିପଡ଼ି ନଷ୍ଟ ହୋଇଯାଇଛି । କେନ୍ଦୁଝର ଜିଲ୍ଲା ପାଟଣା ଥାନା ଉଦୟପୁର ଗ୍ରାମର ପାତ୍ର ସାହିରେ ବିଳମ୍ବିତ ରାତିରେ ଏଭଳି ଅଘଟଣ ଘଟିଥିବା ଜଣାପଡ଼ିଛି । ଗ୍ରାମର ରାମଚନ୍ଦ୍ର ପାତ୍ରଙ୍କ ପରିବାର ଲୋକେ ଶୋଇଥିବା ସମୟରେ ଭୋର ୩ଟା ବେଳେ କୌଣସି କାରଣରୁ ଗ୍ୟାସ ଟାଙ୍କି ଫାଟି ରୋଷେଇ ଘର ଜଳିଯାଇଥିଲା ।
ଏଥିସହ ନିଆଁ ଲାଗି ଘରର ଆସବାବପତ୍ର ଜଳିପୋଡ଼ି ନଷ୍ଟ ହୋଇଯାଇଛି । ବଡ଼ ଅଘଟଣରୁ ପରିବାର ଲୋକେ ଅଳ୍ପକେ ବର୍ତ୍ତି ଯାଇଥିବାବେଳେ ଘର ପୋଡ଼ି ଯାଉଥିବାର ଦେଖି ପରିବାର ଲୋକ ଘରୁ ଦୌଡ଼ି ପଳାଇଥିଲେ । ପରେ ଗ୍ରାମବାସୀଙ୍କୁ ନିଆଁକୁ ଆୟତ୍ତ କରିଥିଲେ । ତେବେ ବର୍ତ୍ତମାନ ପର୍ଯ୍ୟନ୍ତ ଗ୍ୟାସ୍ ଟାଙ୍କି ଫାଟିବାର କାରଣ ଅସ୍ପଷ୍ଟ ରହିଛି ।
