ମୁମ୍ବାଇ, ୯/୩ : ବିକ୍କି କୌଶଲଙ୍କ ଛାବା ନିଜ ଚତୁର୍ଥ ସପ୍ତାହର ଶେଷ ଦିନରେ ପହଞ୍ଚି ସାରିଛି । ଆଜିକୁ ଫିଲ୍ମ ସିନେମା ହଲରେ ପ୍ରାୟ ୨୪ଦିନ ହୋଇଗଲାଣି । କିନ୍ତୁ ଫିଲ୍ମର ଯାଦୁ ଏବେ ବି ହଟିନାହିଁ । ପୂର୍ବ କିଛି ଦିନରୁ ସିଙ୍ଗଲ୍ ଡିଜିଟରେ କଲେକ୍ସନ ପରେ ଫିଲ୍ମ ପୁଣି ଥରେ ତା’ର କଲେକ୍ସନ ଜାରି ରଖିଛି ଏବଂ ଡବଲ୍ ଡିଜିଟ୍ କଲେକ୍ସନ କରିବାକୁ ଲାଗିଛି ।
ଫିଲ୍ମକୁ ଏହି ଓ୍ବିକେଣ୍ଡରେ ତେଲୁଗୁରେ ବି ରିଲିଜ କରାଯାଇଛି ଏବଂ ଏଥିରେ ଫିଲ୍ମର କଲେକ୍ସନରେ ପଜିଟିଭ ପ୍ରଭାବ ପଡ଼ିଛି । ସାଉଥ ଦର୍ଶକ ବି ଫିଲ୍ମକୁ ଦେଖିବା ଲାଗି ସିନେମାହଲରେ ପହଞ୍ଚୁଛନ୍ତି । ତେବେ ଆସନ୍ତୁ ଫିଲ୍ମ କେତେ କଲେକ୍ସନ କରିଛି ଜାଣିବା ।
ଛାବାର ଅଫିସିଆଲ୍ ଡାଟା ଅନୁସାରେ ପ୍ରଥମ ଓ୍ବିକରେ ୨୨୫.୮କୋଟି, ଦ୍ବିତୀୟ ଓ୍ବିକେଣ୍ଡରେ ୧୮୬.୧୮କୋଟି ଏବଂ ତୃତୀୟରେ ୮୪.୯୪କୋଟି କଲେକ୍ସନ କରିଛି । ଚତୁର୍ଥ ଓ୍ବିକର ପ୍ରଥମ ଦିନ ତଥା ୨୨ତମ ଦିନରେ ଫିଲ୍ମର କଲେକ୍ସନ ୬.୩୦କୋଟି ରହିଛି ଏବଂ ୨୩ତମ ଦିନ ଏହି କଲେକ୍ସନରେ ବଢି ୧୩.୭୦କୋଟି ଟଙ୍କା ହୋଇଯାଇଛି ।
ଏହିଭଳି ଭାବେ ଫିଲ୍ମ ୨୩ଦିନରେ ୫୧୬.୪୦କୋଟି ଟଙ୍କା କଲେକ୍ସନ କରିଛି । ଏବେ ଯଦି ଏଥିରେ ତେଲୁଗୁରେ ହୋଇଥିବା ପୂର୍ବ ଦିନର କଲେକ୍ସନ୫.୯୪କୋଟି ଜୋଡ଼ି ଦିଆଯାଏ ତେବେ ଏହି ସଂଖ୍ୟା ୫୨୨.୩୪କୋଟି ଟଙ୍କା ହୋଇଯାଉଛି ।
