ଆଜିର ସମାଜ ଆମର ପାରମ୍ପରିକ ଖାଦ୍ୟକୁ ଭୁଲି ଫାଷ୍ଟଫୁଡ ପ୍ରତି ଅଗ୍ରସର ହେଉଛି। ଖାସ୍ କରି ଯୁବପିଢି ଏହାକୁ ଖୁବ୍ ଶୀଘ୍ର ଆପଣାଉଛି। ଏସବୁ ଭିତରେ ବର୍ତ୍ତମାନ ମୋମୋ ସମସ୍ତଙ୍କର ପ୍ରିୟ ପାଲଟିଛି। ଏହି ମୋମୋ କେବଳ ପାଟିକୁ ସୁଆଦିଆ ଲଗିଥାଏ କିନ୍ତୁ ଧିରେଧିରେ ଆପଣଙ୍କୁ ଅସୁସ୍ଥ କରିଥାଏ। ଏହି ଚାଇନିଜ୍ ଷ୍ଟ୍ରିଟ୍ ଫଡ୍ରେ ଥିବା ଖାଦ୍ୟ ସାମଗ୍ରୀ ସ୍ୱାସ୍ଥ୍ୟ ଉପରେ କୁପ୍ରଭାବ ପକାଇଥାଏ। ମୋମୋ ବନାଇବା ପାଇଁ ମଇଦାରେ ଏଜୋଡିକାର୍ବୋନାମାଇଡ୍, କ୍ଲୋରୀନ ଗ୍ୟାସ୍, ବେଂଜୋୟଲ୍ ପେରୋକ୍ସାଇଡ୍ ଏବଂ ଅନ୍ୟ ରସାୟନିକ ପଦାର୍ଥ ମିଶାଯାଇଥାଏ। ଏହା ପ୍ୟାନ୍କ୍ରିୟାଜ୍ ପାଇଁ ବହୁତ କ୍ଷତିକାରକ। ଏହା ଶରୀରରେ ଇଂସୁଲିନର ଉତ୍ପନ୍ନକୁ କମାଇଥାଏ।
ଗୋଟିଏ ଥରରେ ହଜାର ହଜାର ମୋମୋ ତିଆରି କରାଯାଇଥାଏ। ସେଗୁଡିକୁ ଡିପ୍ ଫ୍ରିଜ୍ କରି ରଖାଯାଇଥାଏ ଏବଂ ପରେ ବ୍ୟବହାର କରାଯାଇଥାଏ। କିନ୍ତୁ ଏହାକୁ ପ୍ରସ୍ତୁତ କରିବାରେ ବ୍ୟବହାର କରାଯାଉଥିବା କଞ୍ଚା ମଇଦା ଭଲ ଭାବରେ ସିଝି ପାରୁନଥିବାରୁ ଏହା ଶରୀରକୁ କ୍ଷତି ପହଞ୍ଚାଇଥାଏ।
ଡାଏଟିସିୟନଙ୍କ ମତ ଅନୁଯାୟୀ କଞ୍ଚା ମଇଦା ଏପରି ଏକ ରିଫାଇନ୍ଡ ଫ୍ଲାର ଅଟେ, ଯେଉଁଥିରେ ଫାଇବର ନଥାଏ। ଏହି କାରଣରୁ ଏହା ଆମ ଅନ୍ତସ୍ଥଳୀରେ ଲାଖି ରହିଯାଇଥାଏ। ଏଥିରେ ବ୍ୟବହାର ହେଉଥିବା କଞ୍ଚା ପରିବା ମଧ୍ୟ ମାଇକ୍ରୋଆର୍ଗେନିଜ୍ମ ବଢିବାର କାରଣ ହୋଇଥାଏ। ଏହା ସହିତ ଗ୍ରହଣ କରାଯାଉଥିବା ଚଟଣୀ ଯେଉଁ ରଙ୍ଗ ଏବଂ ମସଲା ବ୍ୟବହାର କରାଯାଇଥାଏ, ଉଭୟ ଶରୀରକୁ କ୍ଷତି ପହଞ୍ଚାଇଥାଏ। ଫ୍ରାଏଡ୍ ମୋମୋ ଖାଇବା ଦ୍ୱାରା ଶରୀରରେ ତେଲ ଜମା ହୋଇ ଫ୍ୟାଟ୍ ରେ ପରିଣତ ହୋଇଥାଏ।
ଗ୍ୟାଷ୍ଟ୍ରୋଇଂଟେଷ୍ଟାଇନଲ ଇଂନଫେକ୍ସନ-ଅଧିକ ମୋମୋ ଖାଇବା ଦ୍ୱାରା ପାଚନ ସମ୍ୱନ୍ଧୀୟ ସମସ୍ୟା ଦେଖାଦେଇଥାଏ। ଏହାଦ୍ୱାରା ବ୍ଲୋଟିଙ୍ଗ, ପେଟ କାଟିବା, କୋଷ୍ଠକାଠିନ୍ୟ ସହ ହଜମ ହେବାରେ ସମସ୍ୟା ଉପୁଜିଥାଏ । ଏଥିରେ ବ୍ୟବହାର କରାଯାଉଥିବା କଞ୍ଚା ପରିବା ଏଧିକ ସମୟ ଧରି ଧୁଆ ନହୋଇ ରଖିବା ଦ୍ୱାରା ସେଥିରେ ମାଇକ୍ରୋଅର୍ଗେନିଜ୍ମ ବଢି ଯାଇଥାଏ। ଖରାଦିନେ ଏଗୁଡିକ ଖାଇବା ଦ୍ୱାରା ପେଟରେ ଖରାପ ବ୍ୟାକ୍ଟେରିଆ ବଢିଯାଇଥାନ୍ତି।
ଶୀଘ୍ର ବଢିଥାଏ ଓଜନ-ମୋମୋ ରେ ଥିବା ମୋନୋସୋଡିୟମ୍ ଗ୍ଲୁଟାମେଟ ଶରୀରର ଓଜନ ବଢାଇଥାଏ। ମୋମୋରେ ଅସ୍ୱାସ୍ଥ୍ୟକର ଫ୍ୟାଟ୍ ଏବଂ କ୍ୟାଲୋରୀ ରହିଥାଏ। ଯାହାଦ୍ୱାରା ଓଜନ ବଢିବା ସହ ପାଚନ ସମ୍ୱନ୍ଧୀୟ ସମସ୍ୟା ସୃଷ୍ଚି ହୋଇଥାଏ। ଫ୍ରାଏଡ ମୋମୋ ରେ ବ୍ୟବହାର ହେଉଥିବା ତେଲ ମଧ୍ୟ ଅତ୍ୟନ୍ତ ହାନିକାରକ ଅଟେ। ଏହାଦ୍ୱାରା ଫ୍ୟାଟ୍ ବଢିଥାଏ ଏବଂ ମଧୁମେହର ବିପଦ ମାଡିଆସିଥାଏ।
ମାଡିଆସେ କର୍କଟ ରୋଗ-ଯଦି ଜଣେ ବ୍ୟକ୍ତି ପ୍ରତ୍ୟେକ ଦିନ ମୋମୋ ଖାଉଥାଏ, ତେବେ ସେଥିରେ ଥିବା ମଇଦା ଅନ୍ତସ୍ଥଳୀରେ ଲାଖି ରହିଯାଏ। ଏଥିରେ ବ୍ୟବହାର କରାଯାଉଥିବା ଅଜିନୋମୋଟୋ, ପ୍ରିଜର୍ବେସନ ଏବଂ ମସଲା ସହ ବ୍ୟାକ୍ଟେରିଆ ଯୁକ୍ତ ପରିବା ପେଟରେ କର୍କଟ ରୋଗକୁ ନିମନ୍ତ୍ରଣ ଦେଇଥାଏ। ଏହାର ଚଟଣୀରେ ଥିବା ରଙ୍ଗ ଏବଂ ମସଲାରେ କର୍କଟ ରୋଗ ହେବାର ସମ୍ଭାବନା ରହିଥାଏ।
ବଢିଥାଏ କୋଲେଷ୍ଟ୍ରୋଲ -ଫ୍ରାଏଡ ମୋମୋ ପାଇଁ ବ୍ୟବହାର କରାଯାଉଥିବା ତେଲ ଶରୀରରେ ଅନ୍ହେଲଦି ଫ୍ୟାଟ୍ ଜମା କରାଇଥାଏ। ଏହା ଦ୍ୱାରା ବ୍ୟାଡ୍ କୋଲେଷ୍ଟ୍ରୋଲ ବଢିଥାଏ। ଏଥିରେ ଅଧିକ ସୋଡିୟମ୍ ରହିଥିବାରୁ ରକ୍ତଚାପ ମଧ୍ୟ ବଢିଥାଏ।
ଫୁଡ୍ ପଏଜନିଙ୍ଗ-ରାସ୍ତା କଡରେ ତିଆରି କରାଯାଉଥିବା ମୋମୋ ସ୍ୱାସ୍ଥ୍ୟକର ହୋଇନଥାଏ। ପରିବାକୁ ଭଲ ୟଭାବରେ ଧୁଆ ହେଉନଥିବାରୁ ସେଥିରେ ବ୍ୟାକ୍ଟେରିଆ ଉତ୍ପନ୍ନ ହୋଇଥାଏ। ମୋମୋର ଚଟଣୀ ମଧ୍ୟ ବହୁତ ଅପରିଷ୍କାର ଭାବରେ ପ୍ରସ୍ତୁତ କରାଯାଇଥାଏ। ଏହାଛଡା ମୋମୋକୁ ଛାଣିବାରେ ବ୍ୟବହାର କରାଯାଉଥିବା ତେଲ ମଧ୍ୟ ବାରମ୍ୱାର ବ୍ୟବହାର କରାଯାଇଥାଏ। ଏହାଦ୍ୱାରା ଫୁଡ୍ ପଏଜନିଙ୍ଗର ବିପଦ ରହିଥାଏ।