ଭୁବନେଶ୍ୱର,୨୭/୦୬: କମିଶନରେଟ୍ ପୁଲିସରେ ଛୋଟ ଧରଣର ଅଦଳବଦଳ ହୋଇଛି । ଭୁବନେଶ୍ୱର ଜୋନ୍-୪ ଏସିପି ଭାବେ ମାନସ କୁମାର ଦେଓଙ୍କୁ ଅବସ୍ଥାପିତ କରାଯାଇଛି । ଏହା ପୂର୍ବରୁ ଶ୍ରୀ ଦେଓ କଟକ ଚୌଦ୍ୱାର ଥାନା ଇନ୍ଚାର୍ଜ ଥିଲେ । ଭୁବନେଶ୍ୱର ଜୋନ୍-୪ ଏସିପି ଥିବା ଶୁଭ୍ରାଂଶୁ ଶେଖର ନାୟକଙ୍କର ପଦୋନ୍ନତି ହୋଇ ତାଙ୍କୁ ବାଲେଶ୍ୱର ଡିଏସ୍ପି ଭାବେ ନିଯୁକ୍ତି ଦିଆ ଯାଇଥିଲା । ତାଙ୍କ ସ୍ଥାନରେ ଜୋନ୍-୪ ଏସିପି ଭାବେ ମାନସ କୁମାର ଦେଓଙ୍କୁ ଅବସ୍ଥାପିତ କରାଯାଇଛି ।
କଟକ ଡିସିପି ଅଫିସରେ କାର୍ଯ୍ୟରତ ଇନ୍ସପେକ୍ଟର ବିଶ୍ୱରଞ୍ଜନ ସାହୁଙ୍କୁ ପୁନର୍ବାର ଚୌଦ୍ୱାର ଥାନା ଅଧିକାରୀ ଭାବେ ଦାୟିତ୍ୱ ଦିଆଯାଇଛି । ନିର୍ବାଚନ ସମୟରେ ଏକ ରାଜନୈତିକ ଦଳର ସଭାରେ ଯୋଗଦେଇ ଭାଷଣ ଦେଇଥିବା ତତ୍କାଳୀନ ଚୌଦ୍ୱାର ଥାନା ଅଧିକାରୀ ଶ୍ରୀ ସାହୁ ବିବାଦୀୟ ହୋଇ ପଡ଼ିଥିଲେ । ତାଙ୍କୁ କଟକ ଡିସିପି ଅଫିସକୁ ସ୍ଥାନାନ୍ତର କରାଯାଇଥିଲା ।
