ଭୁବନେଶ୍ୱର ୧୬/୦୬: ଭଦ୍ରକର ବାବୁଲି ବାରିକଙ୍କୁ ତୁରନ୍ତ ସ୍ୱାସ୍ଥ୍ୟ ସହାୟତା ପ୍ରଦାନ କରିବାକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଭଦ୍ରକର ଜିଲ୍ଲା ପ୍ରଶାସନକୁ ନିର୍ଦ୍ଦେଶ। ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ପରିବାରକୁ ତୁରନ୍ତ ୩୦ ହଜାର ଟଙ୍କା ସହାୟତା ପ୍ରଧାନ କରିବାକୁ କୁହାଯାଇଛି।  ଗରିବ ପିଲାଟି ବିରଳ ରୋଗ ରେ ପୀଡିଥିବା ନେଇ ବିଭିନ୍ନ ସୋସିଆଲ ମିଡିଆ  ଏବଂ ଅନ୍ୟାନ୍ୟ ଗଣମାଧ୍ୟମ ସୂତ୍ରରୁ ମୁଖ୍ୟମନ୍ତ୍ରୀଙ୍କ ଜାଣିବାକୁ  ପାଇଥିଲେ।

ଭଦ୍ରକ ଜିଲ୍ଲାର ଚାନ୍ଦବାଲିର ମାଧପୁର ଗାଁର ୧୪ ବର୍ଷର ବାବୁଲି ବାରିକଙ୍କ ବାପା ଚିନ୍ତାମଣି ଏବଂ ମା’ ଝରଣା ବାରିକ ଅତ୍ୟନ୍ତ ଗରିବ। ବାବୁଲି ଟ୍ରମାଟିକ୍ ନ୍ୟୁରୋ ମୋଟର ଡିସଅର୍ଡର  ନାମକ  ଏକ ବିରଳ ରୋଗରେ ପୀଡିତ। ଚିିକିତ୍ସା ପାଇଁ ଆର୍ଥି ସାଜିଛି ବାଧକ।  ଏ ବିଷୟରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୋସିଆଲ ମିଡିଆରୁ ଜାଣିବାକୁ ପାଇବା ପରେ ଦେଇଛନ୍ତି ସହାୟତା।  

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ବାବୁଲିର ପରୀକ୍ଷା କରିବା ପାଇଁ ମାଧପୁର ଗ୍ରାମରେ ଥିବା ତାଙ୍କ ଘରକୁ ଏକ ଡାକ୍ତର ଦଳ ପଠାଯାଇଥିଲା। ଚେକ୍ ଅପ୍ ପରେ ପିଲାଟିକୁ ଅଧିକ ଚିକିତ୍ସା ପାଇଁ କଟକସ୍ଥିତ ଏସସିବି ମେଡିକାଲକୁ ପଠାଯାଇଛି। ଆବଶ୍ୟକୀୟ ସହାୟତା ଯୋଗାଇବା ପାଇଁ ଜିଲ୍ଲା ପ୍ରଶାସନ ପରିବାର ସହିତ ଯୋଗାଯୋଗ କରିବ।