ଭୁବନେଶ୍ୱର,୨୪/୦୬: ବିଡିଏ ସଚିବ ଭାବେ କବିନ୍ଦ୍ର ସାହୁ ଦୀର୍ଘ ଦିନ ଧରି ଗାଦି ମାଡ଼ି ବସିଥିଲେ । ନିର୍ବାଚନ ସମୟରେ ତାଙ୍କୁ ବାଧ୍ୟ ହୋଇ ସରକାର ବଦଳି କରିଥିଲେ । ସେବେଠୁ ଏହି ସିଟ୍ ଫାଙ୍କା ପଡିଛି । ବିଡିଏର ଅଧିକାରୀ ବିଶ୍ୱରଞ୍ଜନ ରଥଙ୍କୁ ଭାରପ୍ରାପ୍ତ ଦାୟିତ୍ୱ ମିଳିଛି । ବିଡିଏ ଭଳି ଗୁରୁତ୍ୱପୂର୍ଣ୍ଣ ବିଭାଗରେ ସଚିବ ପଦ କାହିଁକି ଫାଙ୍କା ପଡିଛି । ଏ ତ ଗଲା ଗୋଟିଏ ଉଦାହରଣ । ଏମିତି ଏକାଧିକ ବିଭାଗରେ ନିର୍ବାଚନ ପରେ ସିଟ୍ ରିଜର୍ଭ ରଖାଯାଇଛି । ସେପଟେ ନୂଆ ସରକାର ଆସିବା ପରେ ଗେହ୍ଲା ପୁଅ ଫେରାଇବାକୁ ଯେଉଁ ଯୋଜନା ହୋଇଥିଲା ତାହା ଫିକା ପଡିଛି ।
ବିଡିଏରେ ଏବେ ଅନେକ ଗୁଡିଏ ପ୍ରକଳ୍ପ ଚାଲୁଛି । ନୂଆ ସରକାର ଆସିବା ପରେ ଚଳଚଞ୍ଚଳ ହୋଇଛି ବିଭାଗ । ଏହି ସମୟରେ ବିଡିଏ ସଚିବ ଫାଙ୍କା ପଡିଛି । ନୂଆ କରି ଦାୟିତ୍ୱ ନେଇଥିବା ଅଧିକାରୀ ଅନ୍ୟ ବିଭାଗର ଦାୟିତ୍ୱରେ ରହିଛନ୍ତି । ଫଳରେ ବିଡିଏର ଅନେକ ଗୁଡିଏ କାମ ଠିକ୍ ଭାବରେ ହୋଇ ପାରୁନି । ନିର୍ବାଚନ ପରେ ମଧ୍ୟ ବିଡିଏକୁ ନୂଆ ଅଧିକାରୀ ମିଳିପାରିଲେ ନାହିଁ ।