ଭୁବନେଶ୍ୱର,୨୮/୦୬: ବିଏମ୍ସିରେ ପ୍ରତି ସୋମବାର ସାଧାରଣ ଅଭିଯୋଗ ଶୁଣାଣି ଆରମ୍ଭ ହେବ । ଜନସାଧାରଣଙ୍କ ଆପତ୍ତି ଅଭିଯୋଗ ସିଧାସଳଖ ଶୁଣିବେ କର୍ତ୍ତୃପକ୍ଷ ।
ଚଳିତବର୍ଷର ସାଧାରଣ ନିର୍ବାଚନ ହେତୁ ମାର୍ଚ୍ଚ ୧୬ରୁ ଲାଗୁହୋଇଥିଲା ଆଦର୍ଶ ଆଚରଣ ବିଧି । ସେଥିପାଇଁ ସୋମବାର ଅଭିଯୋଗ ଶୁଣାଣି ବନ୍ଦ ରହିଥିଲା । ତେବେ ସରକାରଙ୍କ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗର ନିର୍ଦେଶକ୍ରମେ ଆସନ୍ତା ସୋମବାର ଠାରୁ ଏହା ପୁନଶ୍ଚ ଚାଲୁହେବ ବୋଲି ସୂଚନା ଦେଇଛନ୍ତି କମିଶନର ରାଜେଶ ପ୍ରଭାକର ପାଟିଲ । ଦିନ ୧୦.୩୦ରୁ ଅପରାହ୍ଣ ୧ଟା ପର୍ଯ୍ୟନ୍ତ କର୍ତ୍ତୃପକ୍ଷ ଅଭିଯୋଗ ଶୁଣିବେ ।
ସୂଚନାଯୋଗ୍ୟ, ବିଏମ୍ସିର ଅଭିଯୋଗ ଶୁଣାଣି ନିମନ୍ତେ ବିଭିନ୍ନ ପ୍ରକାରର ଅନ୍ଲାଇନ୍ ବ୍ୟବସ୍ଥା ରହିଛି । ମାଗଣାରେ ୧୯୨୯କୁ କଲ୍ କରିବା ସହ ସିଟିଜେନ୍ ପୋର୍ଟାଲ୍ରେ ଅଭିଯୋଗ ମଧ୍ୟ କରି ପାରିବେ । ଏହାଦ୍ୱାରା ଅନେକ ଅଭିଯୋଗର ସମାଧାନ ହେବା ସହିତ ବିଭିନ୍ନ ସୂଚନା ନାଗରିକମାନଙ୍କୁ ମିଳିପାରୁଛି । ଏପରିକି ଅଭିଯୋଗର ସ୍ଥିତି ମଧ୍ୟ ଜାଣିହେଉଛି ବୋଲି କହିଛନ୍ତି ଆସିଷ୍ଟାଣ୍ଟ କମିଶନର ଏନ୍. ଗଣେଶ ବାବୁ ।