କେନ୍ଦୁଝର ସଦର, ୨୮/୬ : କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ହଳଦିଆଗୁଣା ଏମ୍ଏସପି କାରଖାନାରେ ଶ୍ରମିକ ମାରଣ ନୀତିକୁ ନେଇ ଗତ ଦୁଇ ତିନି ଦିନ ଧରି ଉତ୍ତେଜନା ଦେଖାଦେଇଛି। ଶୁକ୍ରବାର କାରଖାନାର ଶତାଧିକ ଶ୍ରମିକ ସଦର ଥାନାକୁ ଆସି ନିଜର ହକ୍ ପାଇଁ ଲିଖିତ ଅଭିଯୋଗ କରିଛନ୍ତି।
କାରଖାନା କର୍ତ୍ତୃପକ୍ଷ ଶ୍ରମିକଙ୍କୁ ଗତ ୨୫ ବର୍ଷ ଧରି ବିଭିନ୍ନ ପ୍ରକାରର ନିର୍ଯାତନା ଦେଇଆସୁଛନ୍ତି। ଏହାର ପ୍ରତିବାଦ କଲେ କାରଖାନାରୁ ଶ୍ରମିକଙ୍କୁ ବାହାର କରିଦିଆ ଯାଉଛି। ବେଳେବେଳେ ଶ୍ରମିକଙ୍କୁ କାରଖାନା କତୃପକ୍ଷ ବିଭିନ୍ନ ପ୍ରକାର ଧମକ ଚମକ ମଧ୍ୟ ଦେଉଛନ୍ତି। ଏସବୁ ସମସ୍ୟା ନେଇ ସ୍ଥାନୀୟ ସରପଞ୍ଚ ସମେତ ଶତାଧିକ ଶ୍ରମିକ ଥାନାରେ ଅଭିଯୋଗ ଆଣିଛନ୍ତି।
