କଟକ,୩୦।୬ : ପୋଲିସ କର୍ମଚାରୀ କାର ଚଳାଇ ଘଟାଇଲେ ସିରିଜ ଦୁର୍ଘଟଣା । ୨ଟି ବାଇକ ଓ କାରକୁ ଧକ୍କା ଦେଲା କାର। କଟକ ନରାଜ ନିକଟରେ ଏହି ଦୁର୍ଘଟଣା ଘଟିଛି। ଏଥିରେ ତିନିଜଣ ଗୁରୁତର ଆହତ ହୋଇଛନ୍ତି।
ସୂଚନା ଅନୁସାରେ ଓଡ଼ିଶା ଷ୍ଟେଟ ଆର୍ମ୍ ଫୋର୍ସ ରେ କାର୍ଯ୍ୟରତ ପୋଲିସ କର୍ମଚାରୀ ନିଜର ଦୁଇଜଣ ସହଯୋଗୀଙ୍କ ସହ ମାରୁତି କାରରେ ନିଶାସକ୍ତ ଅବସ୍ଥାରେ ଦ୍ରୁତଗତିରେ ଯାଉଥିଲେ। ବେଳେ ନରାଜ ରାସ୍ତାରେ ଦୁଇଟି ବାଇକ୍ ଓ ଗୋଟିଏ ସାଇକେଲ କୁ ଧକ୍କା ଦେଇଥିଲେ। ଏହି ଦୁର୍ଘଟଣା ରେ ଦୁଇଜଣ ଆହତ ହୋଇଥିବା ବେଳେ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ଆହତ ମାନଙ୍କୁ ପୋଲିସ ଉଦ୍ଧାର କରି ମେଡ଼ିକାଲ ପଠାଇଥିବା ବେଳେ ଦୁର୍ଘଟଣା ଘଟାଇଥିବା ପୋଲିସ କର୍ମଚାରୀ ଓ ତାଙ୍କ ସହଯୋଗୀ ମାନଙ୍କୁ ଅଟକ ରଖିଛି। ଦୁର୍ଘଟଣାରେ ଉତ୍ତେଜନା ଦେଖା ଦେଇଥିବା ବେଳେ ଦୁର୍ଘଟଣା ଘଟାଇଥିବା ଗାଡ଼ି ଭିତରୁ ୬ ରୁ ଉର୍ଦ୍ଧ ମଦ ବୋତଲ ବାହାରିଛି।
ଆହୁରି ପଢନ୍ତୁ : ପିକଅପ୍ ଭ୍ୟାନ ଧକ୍କାରେ ମହିଳା ମୃତ, ଘଟଣାସ୍ଥଳରେ ଉତ୍ତେଜନା