ନୂଆଦିଲ୍ଲୀ: ଆଜି ସଂସଦରେ ବିରୋଧୀ ଦଳ ନେତା ରାହୁଲ ଗାନ୍ଧୀ ସରକାରଙ୍କ ଉପରେ ଖୁବ ବର୍ଷିଛନ୍ତି । ନିଜର ଭାଷଣରେ ସେ ଅନେକ ପ୍ରସଙ୍ଗ ଉପରେ କହିଛନ୍ତି । ଏହି ସମୟରେ ଅଯୋଧ୍ୟା ଲୋକସଭା ଆସନରେ ବିଜେପିର ପରାଜୟ ସଂପର୍କରେ ବି କହିଛନ୍ତି ରାହୁଲ ଗାନ୍ଧୀ । ସେ କହିଛନ୍ତି ଯେ, ‘ଅଯୋଧ୍ୟ-ଫୈଜାବାଦର ସପା ସାଂସଦ ଅବଧେଶ ପ୍ରସାଦ କହୁଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଯୋଧ୍ୟାରୁ ନିର୍ବାଚନ ଲଢ଼ିବା ଲାଗି ଦୁଇ ଥର ସର୍ଭେ କରାଇଥିଲେ । ସର୍ଭେ କରିଥିବା ଲୋକେ ଅଯୋଧ୍ୟାରୁ ନିର୍ବାଚନ ନଲଢ଼ିବାକୁ ମୋଦୀଙ୍କୁ କହିଥିଲେ । କାରଣ ସେଠାକାର ଲୋକେ ତାଙ୍କୁ ହରାଇ ଦେବେ ବୋଲି ସର୍ଭେରୁ ଜଣାପଡ଼ିଥିଲା । ତେଣୁ ମୋଦୀ ବାରଣାସୀ ଗଲେ ଏବଂ ସେଠାରେ ଜୀବନ ବଞ୍ଚାଇଲେ ।’
ଲୋକସଭାରେ କଂଗ୍ରେସ ସାଂସଦ ଆହୁରି କହିଛନ୍ତି ଯେ, ସପା ସାଂସଦ ଅବଧେଶ ପ୍ରସାଦ ତାଙ୍କୁ କହିଥିଲେ ନିର୍ବାଚନର ପ୍ରଥମ ଦିନରୁ ସେ ଜିତିବେ ବୋଲି ବିଶ୍ବାସ କରୁଥିଲେ । ରାହୁଲ କହିଛନ୍ତି, ଅଯୋଧ୍ୟ-ଫୈଜାବାଦର ସପା ସାଂସଦ ମୋତେ କହିଛନ୍ତି ସେଠାକାର ଲୋକଙ୍କ ଜମିବାଡ଼ି ନେଇଗଲେ । କିନ୍ତୁ ସେମାନଙ୍କୁ କ୍ଷତିପୂରଣ ଦିଆଗଲାନି । ରାହୁଲ ଗାନ୍ଧୀ କହିଛନ୍ତି ଯେ, ଯେଉଁମାନଙ୍କ ଜମି ନିଆଯାଇଛି ସେମାନଙ୍କୁ ମନ୍ଦିର ଉଦଘାଟନ ସମୟରେ ନିମନ୍ତ୍ରଣ ଦିଆଗଲା ନାହିଁ ।
नरेंद्र मोदी ने अयोध्या से चुनाव लड़ने के लिए 2 बार सर्वे करवाया।
— Congress (@INCIndia) July 1, 2024
सर्वे करने वालों ने साफ कह दिया - अयोध्या से चुनाव मत लड़िएगा, अयोध्या की जनता हरा देगी।
इसलिए नरेंद्र मोदी वाराणसी गए और वहां बचकर निकले।
: नेता विपक्ष श्री @RahulGandhi pic.twitter.com/kMT6QhMkAG
ରାହୁଲ ଗାନ୍ଧୀଙ୍କ ଅନୁସାରେ ଅବଧେଶ ପ୍ରସାଦ ତାଙ୍କୁ ଆହୁରି କହିଛନ୍ତି ଯେ, ଛୋଟ ବଡ଼ ଦୋକାନ ଭାଙ୍ଗି ସେମାନଙ୍କୁ ରାସ୍ତାକଡ଼କୁ ନେଇ ଆସିଲେ । ମନ୍ଦିର ଉଦଘାଟନ ଉତ୍ସବରେ ଆଦାନୀ-ଅମ୍ବାନୀ ଥିଲେ କିନ୍ତୁ ଅଯୋଧ୍ୟାର କୌଣସି ଲୋକ ନଥିଲେ । ଅଯୋଧ୍ୟାର ଲୋକମାନଙ୍କ ମନରେ ନରେନ୍ଦ୍ର ମୋଦୀ ଭୟ ସୃଷ୍ଟି କରିଥିଲେ । ସେମାନଙ୍କ ଜମି ନେଇଗଲେ । ସେମାନଙ୍କ ଘର ଭାଙ୍ଗିଦେଲେ । କିନ୍ତୁ ମନ୍ଦିର ଉଦଘାଟନରେ ବି ସାମିଲ ହେବାକୁ ଦେଲେ ନାହିଁ ।