ଭୁବନେଶ୍ଵର, ୨୮/୦୬ : ନିଟ୍ ପରୀକ୍ଷାରେ ହୋଇଥିବା ଦୁର୍ନୀତି ଏବଂ ଅନିୟମିତତାକୁ ନେଇ ଆଜି ସଂସଦରେ ବିଜେଡି ରାଜ୍ୟସଭା ସାଂସଦମାନେ ବିରୋଧ କରିଛନ୍ତି। ଗୃହର ମଧ୍ୟଭାଗକୁ ଯାଇ ସାଂସଦମାନେ ଏହି ପ୍ରସଙ୍ଗରେ ଆଲୋଚନା କରିବାକୁ ଦାବି କରିଛନ୍ତି।
ନିଟ୍ ପରୀକ୍ଷାରେ ହୋଇଥିବା ଦୁର୍ନୀତି ଏବଂ ଅନିୟମିତତା ଯୋଗୁଁ ଭାରତରେ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଜୀବନ ଉପରେ ପ୍ରଭାବ ପକାଇଛି। ବିଜେଡି ସାଂସଦମାନେ ଏହାକୁ ଦୃଢ ନିନ୍ଦା କରିଛନ୍ତି। ପରୀକ୍ଷାରେ ଅନିୟମିତତା ହେତୁ ଓଡ଼ିଶାର ଛାତ୍ର ତଥା ଅଭିଭାବକଙ୍କୁ ନେଇ ସାଂସଦମାନେ ଚିନ୍ତା ପ୍ରକଟ କରିଛନ୍ତି।