ଭୁବନେଶ୍ୱର,୨୪/୦୬: ମଙ୍ଗଳବାର ପ୍ରକାଶ ପାଇବ ଯୁକ୍ତ ୩ର ପ୍ରଥମ ଚୟନ ତାଲିକା । ୨୬ରୁ ୨୯ ତାରିଖ ପର୍ଯ୍ୟନ୍ତ ଏହି ରାଉଣ୍ଡରେ ଚୟନ ହୋଇଥିବା ପିଲାମାନେ ନାମ ଲେଖାଇବେ । ଆସନ୍ତା ଜୁଲାଇ ୫ରେ ଦ୍ୱିତୀୟ ରାଉଣ୍ଡ ନାମଲେଖା ପାଇଁ ଚୟନ ତାଲିକା ପ୍ରକାଶ ପାଇବ । ୬ରୁ ୯ ତାରିଖ ମଧ୍ୟରେ ନାମଲେଖା ହେବ । ଜୁଲାଇ ୧୫ରେ ତୃତୀୟ ରାଉଣ୍ଡ ନାମଲେଖା ପାଇଁ ଚୟନ ତାଲିକା ପ୍ରକାଶ ପାଇବ। ୧୮ ତାରିଖ ମଧ୍ୟରେ ନାମଲେଖାଇବେ ଚୟନ ହୋଇଥିବା ଶିକ୍ଷାର୍ଥୀ । ଏନେଇ ସମସ୍ତ ସୂଚନା ସାମ୍ସ ୱେବ୍ସାଇଟ୍ www.samsodisha.gov.in ରେ ରହିଛି । ଦୁଇ ପର୍ଯ୍ୟାୟରେ ନାମଲେଖା ହେବ । କଳା, ବାଣିଜ୍ୟ, ବିଜ୍ଞାନରେ ସ୍ନାତକ ନାମଲେଖା ସହ ୪ ବର୍ଷିଆ ଇଣ୍ଟିଗ୍ରେଟେଡ୍ ବିଏଡ୍, ଏମ୍ଏଡ୍ ଆଦି କରାଯିବ ।
ରାଜ୍ୟର ୧୦୫୬ କଲେଜ ଓ ବିଶ୍ୱବିଦ୍ୟାଳୟରେ ୨ଲକ୍ଷ ୭୪ ହଜାର ୫୦୭ ସିଟ୍ରେ ନାମଲେଖା ହେବ । ମୋଟ ୨ ଲକ୍ଷ ୩୭ ହଜାର ୭୯୫ ଜଣ ଆବେଦନ କରିଥିବା ବେଳେ ୨ ଲକ୍ଷ ୩୩ ହଜାର ୪୫୨ ଜଣ ଅନ୍ଲାଇନ୍ ଫି ଦାଖଲ କରିଛନ୍ତି ।