ହାଇଦ୍ରାବାଦ: ସାଉଥ ସୁପରଷ୍ଟାର ନାଗାର୍ଜୁନ ଅକ୍କିନେନିଙ୍କ ଫଲୋୟର୍ସଙ୍କ ସଂଖ୍ୟା ଖୁବ ଅଧିକ । ତାଙ୍କର ପ୍ରତିଟି କାର୍ଯ୍ୟକୁ ପ୍ରଶଂସକମାନେ ଅନୁସରଣ ମଧ୍ୟ କରନ୍ତି । ନାଗାର୍ଜୁନଙ୍କ ଗୋଟିଏ ଝଲକ ପାଇବାକୁ ଫ୍ୟାନମାନେ ଚାତକ ପରି ଚାହିଁ ରହିଥାନ୍ତି । ସେ ସାଉଥ ଫିଲ୍ମ ସମେତ ହିନ୍ଦୀ ଚଳଚ୍ଚିତ୍ରରେ ମଧ୍ୟ ନିଜର ଅଭିନୟର ଯାଦୁ ଦେଖାଇଛନ୍ତି । ଏହାରି ମଧ୍ୟରେ ଗୋଟିଏ ଭିଡିଓ ଲାଗି ପୁଣି ଚର୍ଚ୍ଚାକୁ ଆସିଛନ୍ତି ଅଭିନେତା ନାଗାର୍ଜୁନ ।
ନିକଟରେ ନାଗାର୍ଜୁନଙ୍କ ବଡିଗାର୍ଡ (ଅଙ୍ଗରକ୍ଷୀ ) ଏୟାରପୋର୍ଟରେ ତାଙ୍କର ଜଣେ ଦିବ୍ୟାଙ୍ଗ ପ୍ରଶଂସକଙ୍କୁ ଠେଲି ଦେଇଥିଲେ । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଏହା ପରେ ଅଭିନେତାଙ୍କୁ ପ୍ରଶଂସକଙ୍କୁ କ୍ଷମା ମାଗିବାକୁ ପଡ଼ିଛି । ଏକ୍ସରେ ପୋଷ୍ଟ ଲେଖି କ୍ଷମା ମାଗିଛନ୍ତି ନାଗାର୍ଜୁନ୍ ଅକ୍କିନେନି ।
ସୂଚନା ନଅନୁସାରେ, ଅଭିନେତା ନାଗାର୍ଜୁନଙ୍କୁ ଏୟାରପୋର୍ଟରେ ଦେଖିବାକୁ ମିଳିଥିଲା । ସେ ଫିଲ୍ମ ଅନ୍ଦାଜରେ ଚାଲି ଚାଲି ଯାଉଥିଲେ । ଏହି ସମୟରେ ତାଙ୍କର ଜଣେ ବୟସ୍କ ଏବଂ ଦିବ୍ୟାଙ୍ଗ ଫ୍ୟାନ୍ ତାଙ୍କୁ ଦେଖା କରିବାକୁ ଆସୁଥିଲେ । ହେଲେ ତାଙ୍କୁ ନଗାର୍ଜୁନଙ୍କ ବଡିଗାର୍ଡ ଠେଲି ଦେଇଥିଲେ । ତେବେ ନାଗାର୍ଜୁନଙ୍କ ସହ ଆକ୍ଟର ଧନୁଷ ମଧ୍ୟ ଥିଲେ । ସେ ଦିବ୍ୟାଙ୍ଗ ବ୍ୟକ୍ତିଙ୍କୁ ପଛକୁ ବୁଲି ଦେଖିଥିଲେ ହେଁ ଏନେଇ କୌଣସି ପ୍ରତିକ୍ରିୟା ଦେଇନଥିଲେ ।
This just came to my notice … this shouldn’t have happened!!
— Nagarjuna Akkineni (@iamnagarjuna) June 23, 2024
I apologise to the gentleman 🙏and will take necessary precautions that it will not happen in the future !! https://t.co/d8bsIgxfI8
ସେହିଭଳି ନାଗର୍ଜୁନ ଘଟଣା ଉପରେ ଧ୍ୟାନ ନଦେଇ ଆଗକୁ ଚାଲିଯାଇଥିଲେ । ଏସବୁ ଘଟଣା କ୍ୟାମେରାରେ କଏଦ ହେବା ସହ ଭିଡିଓ ଭାଇରାଲ ହୋଇଛି । ଏହା ପରେ ଅଭିନେତାଙ୍କୁ ଲୋକଙ୍କ ଆକ୍ରୋଶର ଶିକାର ହେବାକୁ ପଡ଼ିଛି । ବିବାଦ ତୀବ୍ରରୂପ ନେବା ପରେ ଅଭିନେତା କ୍ଷମା ମାଗିବା ସହ ଆଗକୁ ଏଭଳି ଘଟଣା ଯେଭଳି ନଘଟେ ତା ଉପରେ ଧ୍ୟାନ ଦେବେ ବୋଲି କହିଛନ୍ତି ।