ମୁମ୍ବାଇ,୨୭/୬: ଫ୍ୟାନ୍ସଙ୍କ ପାଇଁ ଖୁସି ଖବର । ବରୁଣ ଧୱନଙ୍କ ବହୁ ପ୍ରତିକ୍ଷିତ ଆକ୍ସନ୍ ଡ୍ରାମା ଫିଲ୍ମ 'ବେବି ଜନ'ର ରିଲିଜ୍ ତାରିଖ ଘୋଷଣା ହୋଇଛି । ଅଟଲି କୁମାରଙ୍କ ନିର୍ଦ୍ଦେଶିତ ଏହି ଫିଲ୍ମରେ ଲୋକପ୍ରିୟ ଅଭିନେତା ବରୁଣ ଧୱନ ମୁଖ୍ୟ ଭୂମିକାରେ ନଜର ଆସୁଥିବା ବେଳେ କିର୍ତ୍ତୀ ସୁରେଶ,ଜ୍ୟାକି ଶ୍ରଫ ଏବଂ ରାଜପାଲ ଯାଦବଙ୍କୁ ଦେଖିବାକୁ ପାଇବେ ଦର୍ଶକ । ପୂର୍ବରୁ ଫିଲ୍ମର ଦମଦାର ଟ୍ରେଲର ରିଲିଜ ହୋଇଥିବା ବେଳେ ମେକର୍ସ ଆଜି ଏହି ଫିଲ୍ମର ରିଲିଜ ଡେଟ ଘୋଷଣା କରିଛନ୍ତି । ତେବେ ଆସନ୍ତୁ ଜାଣିବା କେଉଁ ଦିନ ବଡ଼ ପରଦାକୁ ଆସିବାକୁ ଯାଉଛି ଏହି ଫିଲ୍ମ ।
ତେବେ ଆଜି ବେବି ଜନର ନିର୍ମାତାମାନେ ବରୁଣ ଧାୱନଙ୍କ ଚମତ୍କାର ପୋଷ୍ଟର ସେୟାର କରି ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି । ଯେଉଁଥିରେ ଏହି ଫିଲ୍ମ ୨୫ଡିସେମ୍ବରରେ ରିଲିଜ ହେବ ବୋଲି ଲେଖାଅଛି । ବରୁଣଙ୍କ ସହିତ ଫିଲ୍ମରେ ଭାମିକା ଗାବି ନଜର ଆସିବେ ।ସୂଚନା ଥାଉ କି, ବେବି ଜନର କାହାଣୀ କାଲିଶ ଲେଖିଛନ୍ତି । ଅଟଲି କୁମାରଙ୍କ ନିର୍ଦ୍ଦେଶିତ ସାଉଥ ଇଣ୍ଡିଆନ ଫିଲ୍ମ ଥେରିର ଅଫିସିଆଲ୍ ହିନ୍ଦୀ ରିମେକ୍ ହେଉଛି ବେବି ଜନ । ଯାହାକି ୨୦୧୬ ମସିହାରେ ମୁକ୍ତିଲାଭ କରିଥିଲା । ଯେଉଁଥିରେ ସାଉଥ ସୁପରଷ୍ଟାର ବିଜୟ ଏବଂ ସାମନ୍ତରାୟ ରୁଥ ପ୍ରଭୁ ମୁଖ୍ୟ ଭୂମିକାରେ ଅଭିନୟ କରିଥିଲେ ।