ନୂଆଦିଲ୍ଲୀ,୨୯/୫ : ସାଉଥ ଅଭିନେତ୍ରୀ ବରଲକ୍ଷ୍ମୀ ସରଥକୁମାର ନିଜ ଭାବୀ ସ୍ବାମୀ ଗ୍ୟାଲରିଷ୍ଟ ନିକୋଲାଇ ସଚଦେବାଙ୍କ ସହ ଆଜି ଦିଲ୍ଲୀରେ ପିଏମ୍ ମୋଦୀଙ୍କୁ ଭେଟିଛନ୍ତି । ଅଭିନେତ୍ରୀ ପିଏମ୍ ମୋଦୀଙ୍କୁ ନିଜ ବିବାହରେ ସାମିଲ ହେବା ଲାଗି ନିମନ୍ତ୍ରଣ କରିଛନ୍ତି । ଏହି ସମୟରେ ଅଭିନେତ୍ରୀଙ୍କ ସହ ବାପା ସରଥକୁମାର ଏବଂ ଭଉଣୀ ରାଧିକା ସରଥକୁମାର ବି ଉପସ୍ଥିତ ଥିଲେ । ବରଲକ୍ଷ୍ମୀ ପିଏମ୍ ମୋଦୀଙ୍କ ସହ ପୋଜ ଦେଇଥିବା କେତେକ ଫଟୋ ନିଜ ଏକ୍ସ ଆକାଉଣ୍ଟରେ ସେୟାର କରିଛନ୍ତି । ବରଲକ୍ଷ୍ମୀ ଏବଂ ନିକୋଲାସଙ୍କ ବିବାହରେ ବହୁ ବିଶିଷ୍ଟ ଲୋକଙ୍କ ସମାଗମ ହୋଇପାରେ । ଏହାପୂର୍ବରୁ ଅଭିନେତ୍ରୀ ନିଜ ବିବାହରେ ସାମନ୍ଥା ଋଥ ପ୍ରଭୁ, ରଜନୀକାନ୍ତ, କମଲ ହାସନ ଏବଂ ଅନୁପମ ଖେରଙ୍କୁ ବି ବ୍ୟକ୍ତିଗତ ଭାବେ ନିମନ୍ତ୍ରଣ କରିସାରିଛନ୍ତି। ତେଲୁଗୁ ୧୨୩ର ରିପୋର୍ଟ ଅନୁସାରେ ବରଲକ୍ଷ୍ମୀ ସରଥକୁମାର ୨ଜୁଲାଇରେ ଥାଇଲ୍ୟାଣ୍ଡରେ ନିକୋଲାଇ ସଚଦେବଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।

ସାଉଥ ଅଭିନେତ୍ରୀ ବରଲକ୍ଷ୍ମୀ ସରଥକୁମାର ପିଏମ ମୋଦୀଙ୍କ ସହ ଖାସ୍ ଭେଟଘାଟର କେତେକ ଫଟୋ ସୋସିଆଲ ମିଡ଼ିଆରେ ସେୟାର କରିଛନ୍ତି । ନିଜ ଏକ୍ସ ହ୍ୟାଣ୍ଡେଲରେ ପିଏମ୍ ମୋଦୀଙ୍କ ସହ ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି କି, ଆମ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ତାଙ୍କୁ ରିସେପ୍ଶନ ଲାଗି ନିମନ୍ତ୍ରଣ କରିବା ସୋଭାଗ୍ୟର କଥା । ନିଜ ବ୍ୟସ୍ତ ବହୁଳ କାର୍ଯ୍ୟକ୍ରମ ଭିତରେ ବି ନିଜର ବହୁମୂଲ୍ୟ ସମୟ ଆମ ସହ ବିତାଇବା ବାସ୍ତବରେ ସମ୍ମାନର କଥା ସାର୍... ଧନ୍ୟବାଦ ଡାଡି(ସରଥକୁମାର) ଏଭଳି କରିବା ଲାଗି...’।

What a privilege it was to have met Our Hon'ble Prime Minister Shri @narendramodi ji and invited him for our reception..thank you for being so warm & welcoming.. spending so much of your valuable time with us despite your very busy schedule.. truly an honour sir..thank you daddy… pic.twitter.com/guqu6D8poG

— 𝑽𝒂𝒓𝒂𝒍𝒂𝒙𝒎𝒊 𝑺𝒂𝒓𝒂𝒕𝒉𝒌𝒖𝒎𝒂𝒓 (@varusarath5) June 29, 2024