ଦୀର୍ଘ ସମୟ ଧରି ସୋନାକ୍ଷୀ ସିହ୍ନା ତାଙ୍କ ବିବାହ ପାଇଁ ଚର୍ଚ୍ଚାରେ ରହିଥିଲେ। ସୋନାକ୍ଷୀ  ଇକବାଲଙ୍କ ସହ ଜୁନ୍ ୨୩ ରେ ବିବାହ କରିଛନ୍ତି। ତେବେ ବିବାହ ପରେ ‘କାକୁଡା’ ସୋନାକ୍ଷୀଙ୍କ ପ୍ରଥମ ସିନେମା, ଯାହାର ସୂଚନା ସେ ଇନଷ୍ଟାଗ୍ରାମରେ ଦେଇଛନ୍ତି । ଯଦିଓ ଏହି ସିନେମାଟି ଓଟିଟି ପ୍ଲାଟଫର୍ମରେ ରିଲିଜ୍ ହେବ କିନ୍ତୁ ଏହାର ପୋଷ୍ଟର ଆପଣଙ୍କୁ ଫିଲ୍ମ ଦେଖିବା ପାଇଁ ବାଧ୍ୟ କରିବ।

କାକୁଡା ଏକ ହରର୍-କମେଡି ଫିଲ୍ମ, ଯେଉଁଥିରେ ସୋନାକ୍ଷୀ ସିହ୍ନା ଏବଂ ରିତେଶ ଦେଶମୁଖ ମୁଖ୍ୟ ଭୂମିକାରେ ନଜର ଆସିବେ। ସେୟାର କରିଥିବା ପୋଷ୍ଟରରେ ସୋନାକ୍ଷୀ ହାତରେ ଏକ ମଶାଲ ଧରି ଠିଆ ହୋଇଛନ୍ତି ଏବଂ ତାଙ୍କ ମୁହଁରେ ଭୟ ଦେଖିବାକୁ ମିଳିଛି । ପୋଷ୍ଟର ସେୟାର କରିବାବେଳେ ସେ କ୍ୟାପସନରେ ଲେଖିଛନ୍ତି, 'ଇନ୍ଦିରା ଭୂତମାନଙ୍କୁ ଭୟ କରନ୍ତି ନାହିଁ କିନ୍ତୁ କାକୁଡାର କ୍ରୋଧ ବ୍ୟକ୍ତିଗତ ହେବାକୁଯାଉଛି। ସେ ଏହି ବିନାଶକୁ ସହି ପାରିବ କି? ବର୍ତ୍ତମାନ ପୁରୁଷ ବିପଦରେ ଅଛନ୍ତି। ଜୁଲାଇ ୧୨ରୁ ଆଦିତ୍ୟ ସରପୋତଦରଙ୍କ ନିର୍ଦ୍ଦେଶିତ ଫିଲ୍ମ କାକୁଡା ଜି୫(ZEE 5) ରେ ଷ୍ଟ୍ରିମ୍ ହେବ । ଫିଲ୍ମରେ ସୋନାକ୍ଷୀ ଏବଂ ରିତେଶଙ୍କ ବ୍ୟତୀତ ସାକିବ ସଲିମ, ଗରଭିଲ ମୋହନଙ୍କ ଭଳି ଅଭିନେତାମାନେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଆପଣ କେବଳ ସଦସ୍ୟତା (subscription) ସହିତ ଜି୫(ZEE5) ରେ ଏହି ସିନେମା ଦେଖିପାରିବେ ।

କୌତୁହଳର ବିଷୟ ହେଉଛି, ଆଦିତ୍ୟ 'ମୁନ୍ଜା' ଫିଲ୍ମର ନିର୍ଦ୍ଦେଶନା ମଧ୍ୟ ଦେଇଥିଲେ। 'ମୁନ୍ଜା' ହେଉଛି ନିକଟରେ ରିଲିଜ୍ ହୋଇଥିବା ଏକ ହରର୍-କମେଡି ଫିଲ୍ମ, ଯାହା ବକ୍ସ ଅଫିସରେ ବିପୁଳ ଅର୍ଥ ଅର୍ଜନ କରିଛି । ଲୋକମାନେ ଫିଲ୍ମର ଗୀତଗୁଡ଼ିକୁ ବହୁତ ପସନ୍ଦ କରିଥିଲେ ଏବଂ ଏହାର କାହାଣୀ ମଧ୍ୟ ଜନତାଙ୍କୁ ବେଶ୍ ଆକୃଷ୍ଟ କରିଛି ।