ନୂଆଦିଲ୍ଲୀ,୦୧/୦୭: ଆଜି କେନ୍ଦ୍ର ସରକାର ସିବିଆଇ ଓ ଇଡି ଭଳି କେନ୍ଦ୍ରୀୟ ସଂସ୍ଥାର ଦୁରୁପଯୋଗ ପ୍ରତିବାଦରେ ଇଣ୍ଡିଆ ମେଣ୍ଟର ସଦସ୍ୟମାନେ ସଂସଦ ପରିସରରେ ବିକ୍ଷୋଭ କରିବେ। ଏହି ସୂଚନା ଦେଇଛନ୍ତି ଆପ୍ ସାଂସଦ ସଞ୍ଜୟ ସିଂହ ।
ଦିଲ୍ଲୀ ଆପ୍ କାର୍ଯ୍ୟାଳୟରେ ଗଣମାଧ୍ୟମକୁ ସେ କହିଛନ୍ତି ଯେ ସୋମବାର ପୂର୍ବାହ୍ନ ୧୦ଟା ୩୦ରେ ବିକ୍ଷୋଭ କରିବା ଲାଗି ସର୍ବସମ୍ମତିକ୍ରମେ ନିଷ୍ପତ୍ତି ହୋଇଛି । ମଦନୀତି ମାମଲାରେ ଇଡି ପାଖରେ କୌଣସି ପ୍ରମାଣ ନଥିଲେ ମଧ୍ୟ କେନ୍ଦ୍ର ସରକାର ଜାଣିଶୁଣି ସିବିଆଇକୁ ଲଗାଇ ଆପ୍ ମୁଖ୍ୟ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଛନ୍ତି । ତଳକୋର୍ଟ କେଜ୍ରିୱାଲଙ୍କୁ ଜାମିନ ପ୍ରଦାନ କରିଥିଲା ବେଳେ ଇଡି ଅଫିସରମାନେ ବିନା କୋର୍ଟ ଅର୍ଡର କପିରେ ହାଇକୋର୍ଟକୁ ଯାଇ ଏହା ଉପରେ ରହିତାଦେଶ ଆଣିଛନ୍ତି ।
ସୂଚନାଯୋଗ୍ୟ ଯେ କେଜରିୱାଲଙ୍କ ବିରୋଧରେ କୌଣସି ପ୍ରମାଣ ନଥିବା ଦର୍ଶାଇ ଦିଲ୍ଲୀର ରାଉଜ ଆଭେନ୍ୟୁ କୋର୍ଟ ତାଙ୍କୁ ଜାମିନ ଦେଇଥିଲେ । କିନ୍ତୁ ଦିଲ୍ଲୀ ହାଇକୋର୍ଟ ଏହା ଉପରେ ରହିତାଦେଶ ଜାରି କରିବା ପରେ ତିହାର ଜେଲ୍ରେ ସିବିଆଇ କେଜରିୱାଲଙ୍କୁ ଗିରଫ କରିଥିଲା । ଗିରଫ ପରେ ତାଙ୍କୁ ଆସନ୍ତା ଜୁଲାଇ ୧୨ ଯାଏ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।