ନୂଆଦିଲ୍ଲୀ,୨୭/୬: ପରଦାରେ ରିଲିଜ ହେଲା ୨୦୨୪ର ବହୁ ପ୍ରତିକ୍ଷୀତ ଫିଲ୍ମ 'କଲ୍କି 2898AD'। ଏହି ଫିଲ୍ମରେ ପ୍ରଭାସଙ୍କ ସମେତ ଅନେକ ବଲିଉଡ ଏବଂ ସାଉଥର ମଲ୍ଟି ସୁପରଷ୍ଟାର କରିଛନ୍ତି ଅଭିନୟ। ଏହି ଫିଲ୍ମର ଘୋଷଣା ଦିନଠାରୁ ଫ୍ୟାନ୍ସ ଏହାର ରିଲିଜକୁ ଉତ୍ସାହର ସହ ଅପେକ୍ଷା କରିଥିଲେ । ତେବେ ଏହି ଫିଲ୍ମକୁ ନେଇ ଦେଶ ବିଦେଶରେ ଫ୍ୟାନ୍ସଙ୍କ ମଧ୍ୟ ବେଶ କ୍ରେଜ ରହିଥିବା ବେଳେ ବର୍ତ୍ତମାନ ସେହି ଅପେକ୍ଷାର ଅନ୍ତ ହୋଇଛି ଏବଂ ଆଜି ରିଲିଜ ହୋଇଛି ଫିଲ୍ମ । ଏହି ଅବସରରେ କେବଳ ଦେଶ ନୁହେଁ ଦେଶ ବାହାରେ ମଧ୍ୟ ଫିଲ୍ମ ରିଲିଜ ଉତ୍ସବ ଧୁମଧାମରେ ପାଳିଛନ୍ତି ଫ୍ୟାନ୍ସ । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏଥିସହ ବାହୁବଳୀ ତାରକାଙ୍କ ପ୍ରଥମ ଦିନର ସୋ' ପାଇଁ ସିନେମା ଭିଡ଼ ଜମିଥିବା ଦେଖିବାକୁ ମିଳିଛି ।
ତେଲୁଗୁ ଭାଷାଭାଷୀ ରାଜ୍ୟଠାରୁ ଆରମ୍ଭ କରି ସମଗ୍ର ଭାରତ ତଥା ଏହାର କୋଣ ଅନୁକୋଣରେ ଫ୍ୟାନ୍ସ ମାନେ 'କଲ୍କି 2898AD' ରିଲିଜ ସେଲିବ୍ରେସନ କରିଛନ୍ତି । କେବଳ ଦେଶ ନୁହେଁ ବିଦେଶରେ ମଧ୍ୟ ଏହି ଫିଲ୍ମ ବେଶ କ୍ରେଜ୍ ଦେଖିବାକୁ ମିଳିଛି । ସେହିପରି ବ୍ରିଟେନରେ ଫ୍ୟାନ୍ସ ଫିଲ୍ମ ରିଲିଜ ଉତ୍ସବ ପାଳନ କରିଛନ୍ତି । କଲ୍କି 2898ADର ନିର୍ଦ୍ଦେଶନା ଲୋକପ୍ରିୟ ନିର୍ଦ୍ଦେଶକ ନାଗା ଅଶ୍ୱିନ ଦେଇଥିବା ବେଳେ ବୈଜନ୍ତୀ ମୁଭିଜ ଦ୍ବାରା ଏହା ନିର୍ମାଣ ହୋଇଛି । ଏହି ଫିଲ୍ମରେ ସାଉଥ ସୁପରଷ୍ଟାର ପ୍ରଭାସଙ୍କ ସମେତ ଅଭିନେତା କମଲ ହାସନ,ବଲିଉଡ ସୁପରଷ୍ଟାର ଅମିତାଭ ବଚ୍ଚନ ଏବଂ ଅଭିନେତ୍ରୀ ଦୀପିକା ପାଦୁକୋନ, ଦିଶା ପାଟାନୀଙ୍କୁ ଦେଖିବାକୁ ମିଳିଛି । ଏଥିସହ ଫିଲ୍ମରେ ସଲମାନ ଦୁଲେକରଙ୍କୁ ମଧ୍ୟ ଦେଖିବାକୁ ମିଳିଛି । ରିପୋର୍ଟ ଅନୁଯାୟୀ, ଫିଲ୍ମର ବଜେଟ ପ୍ରାୟ ୬୦୦ କୋଟିରେ ନିର୍ମିତ ହୋଇଥିବା ବେଳେ ଏହି ଚଳଚ୍ଚିତ୍ରଟି ସାରା ବିଶ୍ୱରେ ତେଲୁଗୁ, ହିନ୍ଦୀ, ତାମିଲ, ମାଲାୟାଲମ୍, କନ୍ନଡ ଏବଂ ଇଂରାଜୀ ଭାଷାରେ ରିଲିଜ କରିଛି । ପ୍ରଥମ ଦିନରେ ଫିଲ୍ମ ରେକର୍ଡ ସଂଖ୍ୟକ ରୋଜଗାର କରିବ ବୋଲି କୁହାଯାଉଛି ।