ପାଟଣା, ୨୪/୦୬ : ରାଇକଳାରେ ମୁଖ୍ୟମନ୍ତ୍ରୀ ମୋହନ ମାଝୀ। ନିଜ ସ୍କୁଲକୁ ଯାଇ ପିଲାଦିନର କଥା ମନେ ପକାଇଲେ ମୁଖ୍ୟମନ୍ତ୍ରୀ। ରାଇକଳାରୁ ଝୁମ୍ପୁରା ରୋଡ ଶୋ କରିବା ସମୟରେ ମୋହନ ମାଝୀ ଝୁମ୍ପୁରା ସରକାରୀ ଉଚ୍ଚ ବିଦ୍ୟାଳୟକୁ ଯାଇ ସ୍କୁଲ ପରିଦର୍ଶନ କରିବା ସହ ସହପାଠୀଙ୍କୁ ଭେଟିଥିଲେ। ସେମାନଙ୍କ ସହ କଥା ହେବା ସହ ଫଟୋ ମଧ୍ୟ ଉଠାଇଥିଲେ।
ସୂଚନାନୁଯାୟୀ, ୧୯୮୭ ବ୍ୟାଚରୁ ଝୁମ୍ପୁରା ସରକାରୀ ଉଚ୍ଚ ବିଦ୍ୟାଳୟରୁ ମାଟ୍ରିକ ପାସ୍ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ। ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ତାଙ୍କ ସହପାଠୀ କହିଛନ୍ତି ଯେ, ଆମେ କେବେ ଭାବିନଥିଲୁ ଯେ ମୁଖ୍ୟମନ୍ତ୍ରୀ ହେବା ପରେ ସେ ଆମକୁ ଏତେ ଗୁରତ୍ଵ ଦେବେ, ଆମ ସହ ମିଶିବେ। ହେଲେ ସେ କାଲି ଯେମିତି ଥିଲେ ଆଜି ବି ସେମିତି ଅଛନ୍ତି।
