ଚୌଦ୍ବାର,୫/୭ : କୂଳରେ ଲାଗିଲେ ମଇଁଷି ପଲ । ଆଜି ହଠାତ୍ କଟକ ମହାନଦୀ ଯୋବ୍ରା ଆନିକଟ ୩୭ନଂ ଗେଟ୍ ନିକଟରେ ଫସି ରହିଥିଲା ଏକ ମଇଁଷି ଗୋଠ । ପ୍ରତ୍ୟେକ ଦିନ ମଇଁଷି ଗୋଠ କଟକ ପଟୁ ଜଗତପୁର ଆଡ଼କୁ ନଦୀ ପାର ହୋଇ ଚରିବା ପାଇଁ ଯାଇଥାଆନ୍ତି l କିନ୍ତୁ ଆଜି ନଦୀରେ ଜଳ ସ୍ତର ଟିକେ ଅଧିକ ଥିବାରୁ ଏବଂ ନଦୀରେ ସ୍ରୋତ ଥିବାରୁ ମଇଁଷି ମାନେ ନିଜ ଠିକଣା ସ୍ଥାନକୁ ଯାଇନପାରି ଆନିକଟ ଆଡ଼କୁ ଭାସି ଆସିଥିଲେ l
ଏହା ଦେଖି ସ୍ଥାନୀୟ ଲୋକେ ଅଗ୍ନିଶମବାହିନୀ ଓ ପୋଲିସକୁ ଖବର ଦେଇଥିଲେ । ଖବରପାଇ ଜଗତପୁର ପୋଲିସ ଆସି ଘଟଣାସ୍ଥଳରେ ପହଞ୍ଚି ଲୋକଙ୍କ ଭିଡ଼ କମାଇବା ସହ କିପରି ମଇଁଷି ଗୋଠ ଉଦ୍ଧାର ହେବ ସେଥିପାଇଁ ଉଦ୍ୟମ କରିଥିଲା l କିଛି ସମୟ ପରେ ପାଣିରେ ଫସି ରହିଥିବା ମଇଁଷି ଗୋଠ ଆସ୍ତେ ଆସ୍ତେ ନଦୀର କୁଳ ଆଡ଼େ ଯାଉଥିବା ଦେଖିବାକୁ ମିଳିଥିଲା l