ନୂଆପଡ଼ା, ୦୮/୦୭ : କମେଣ୍ଟ ମରାକୁ ନେଇ ଗଣ୍ଡଗୋଳ। ନୂଆପଡ଼ାରେ ଦୁଇ ପଡ଼ା ମଧ୍ୟରେ ଗୋଷ୍ଠୀ ସଂଘର୍ଷ। ଜାଳି ଦେଲେ ତିନି ବାଇକ୍। ଏହି ଘଟଣାରେ ୩ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ନୂଆପଡ଼ା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ସ୍ଥାନୀୟ ସହିସ ପଡ଼ାର କିଛି ଯୁବକ ତେଲି ପଡ଼ାକୁ ଆସି ଦାଦାଗିରି କରୁଥିବା ବେଳେ ପଡ଼ା ଲୋକେ ପ୍ରତିବାଦ କରିଥିଲେ। ପରେ ଉଭୟଙ୍କ ମଧ୍ୟରେ ମାରପିଟ୍ ହୋଇଥିଲା। ଯୁବକମାନେ ସହିସ ପଡ଼ାର ତିନି ବାଇକ୍ ଜାଳି ଦେଇଥିଲେ। ଏହି ଗୋଷ୍ଠି ସଙ୍ଘର୍ଷରେ ୩ ଯୁବକ ଆହତ ହୋଇଛନ୍ତି। ସମସ୍ତ ଆହତଙ୍କୁ ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। କାର୍ଯ୍ୟାନୁଷ୍ଠାନ ଦାବିରେ ତେଲିପଡ଼ାର ଶତାଧିକ ମହିଳା ଓ ପୁରୁଷ ନୂଆପଡା ଥାନା ଘେରାଉ କରିଛନ୍ତି। ଘଟଣା ସ୍ଥଳରେ ନୂଆପଡା ଏସପିଜିଆର ରାଘବେନ୍ଦ୍ର ତଦନ୍ତ କରୁଛନ୍ତି।