ବାସୁଦେବପୁର,୦୬/୧୦: ବାସୁଦେବପୁର ବ୍ଲକର ଅଢୁଆଁ, ପଢ଼ୁଆଁ, କୁମାରପୁର ଆଦି ପଞ୍ଚାୟତରେ ଚଢ଼ାଉ କରିଛି ଅବକାରୀ ବିଭାଗ । ଏହି ଚଢ଼ାଉରେ ବିପୁଳ ପରିମାଣରେ ଦେଶୀ ଓ ବିଦେଶୀ ମଦ ସହ ବ୍ୟବହୃତ ହେଉଥିବା ଗୋଟିଏ ମୋଟର ସାଇକେଲକୁ ଜବତ କରାଯାଇଛି । ଏହା ସହ ୫ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ । ଅନୁଗୁଳ ଜିଲ୍ଲା ବାସୁଦେବପୁର ବ୍ଲକରେ ଏଭଳି ଘଟଣା ଘଟିିଛି । 

ସୂଚନା ମୁତାବକ, ବାସୁଦେବପୁର ବ୍ଲକରେ ଦିନକୁ ଦିନ ଚୋରା ମଦ କାରବାର ବଢ଼ିବାରେ ଲାଗିଛି । ବାରମ୍ବାର ଚଢ଼ାଉ ପରେ ମଧ୍ୟ ଚୋରା ମଦ ବିକ୍ରି ବନ୍ଦ ହେଉ ନାହିଁ । ତେବେ ଏହି ବ୍ଲକର ଅଢୁଆଁ, ପଢ଼ୁଆଁ, କୁମାରପୁର ଆଦି ପଞ୍ଚାୟତରେ ଚୋରା ମଦ ବିକ୍ରି ହେଉଥିବା ନେଇ ଅବକାରୀ ବିଭାଗରେ ଅଭିଯୋଗ ହେଇଥିଲା । ଉକ୍ତ ଅଭିଯୋଗ ଆଧାରରେ ଅଚାନକ ଅବକାରୀ ବିଭାଗ ପକ୍ଷରୁ ଚଢ଼ାଉ ହୋଇଥିଲା । ଏହି ଚଢ଼ାଉ ସମୟରେ ଜଣେ ଚୋରା ମଦ ବେପାରୀ ଗାଡି ଛାଡି ଫେରାର ହେଇଯାଇଥିବା ବେଳେ ୫ଜଣକୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ । ଅନ୍ୟପଟରେ ପ୍ରତିଦିନ ଏହି ଚଢ଼ାଉ ଜାରି ରହିବ ବୋଲି ସୂଚନା ଦେଇଛନ୍ତି ଅବକାରୀ ଅଧିକାରୀ ।