ଆଠମଲ୍ଲିକ,୧୩/୧୦: ଆଠମଲ୍ଲିକରେ ପୁଣି ହାତୀଙ୍କ ମୃତ୍ୟୁ । ୫ ଦିନରେ ମରିଲେଣି ୨ଟି ହାତୀ । ଅକ୍ଟୋବର ୮ ତାରିଖରେ ଆଠମଲ୍ଲିକ ଧଣ୍ଡାତୋପା ରେଞ୍ଜରେ ଏକ ହାତୀ ବିଦ୍ୟୁତ ଆଘାତରେ ପ୍ରାଣ ହରାଇଥିବା ବେଳେ ରବିବାର ମାଧପୁର ରେଞ୍ଜର ଶଙ୍ଖାମାଳ ଗ୍ରାମରେ ଏକ ମାଈ ହାତୀର ପ୍ରାଣ ଚାଲି ଯାଇଛି । ଏହି ହାତୀଟିର ମୃତ୍ୟୁର କାରଣ ବିଷୟରେ ଡିଏଫଓ ପ୍ରତିକ୍ରିୟା ଦେଉନାହାନ୍ତି । ଏପରିକି ଘଟଣା ସ୍ଥାନକୁ ମିଡିଆକୁ ପ୍ରବେଶ ନିଷେଧ କରିଛନ୍ତି ଆଠମଲ୍ଲିକ ଡିଏଫଓ ।
ଆଠମଲ୍ଲିକ ବନଖଣ୍ଡରେ ହାତୀ ସୁରକ୍ଷିତ କି ନାହିଁ ସେନେଇ ଉଠୁଛି ପ୍ରଶ୍ନ । ତେବେ ବାରହା ଶିକାର ପାଇଁ ବିଛା ଯାଇଥିବା ତାର ସଂସ୍ପର୍ଶରେ ଆସି ହାତୀ ମୃତ୍ୟୁ ଘଟି ଥାଇପାରେ ବୋଲି ଖବର ମିଳିଛି । ଶିକାରୀ ମାନଙ୍କ ସହିତ କର୍ମଚାରୀ ମାନେ ଉତ୍ତମ ସମ୍ପର୍କ ରଖି ସେମାନଙ୍କୁ ପ୍ରଶୟ ଦେଉଥିବା ସାଧାରଣରେ ଚର୍ଚ୍ଚା ହେଉଛି ।
