ମୁମ୍ୱାଇ : ଲୋକପ୍ରିୟ ରିଆଲିଟି ଶୋ’ ବିଗ୍ବସ୍-୧୮ର ଆରମ୍ଭ ହେବାରେ ଏବେ ଆଉ କିଛି ଘଣ୍ଟା ବାକି ଅଛି। ସଲମାନ ଖାନଙ୍କ ଦ୍ୱାରା ହୋଷ୍ଟେଡ୍ ଏହି ଶୋ’ର ପ୍ରିମିୟର ୬ ଅକ୍ଟୋବର ,୨୦୨୪ରେ ହେବାକୁ ଯାଉଛି। ପ୍ରଶଂସକ ଶୋ’ର ଆରମ୍ଭ ନେଇ ଖୁବ୍ ଉତ୍ସାହର ସହ ଅପେକ୍ଷା କରିଛନ୍ତି। ପ୍ରତି ସିଜନରେ ଦେଖିବାକୁ ମିଳିଛି ଯେ, ବିଗ୍ବସ୍ର ମଞ୍ଚରେ ବଲିଉଡ୍ ଷ୍ଟାରମାନେ ଅତିଥି ଭାବେ ପହଞ୍ଚନ୍ତି। ଏହିପରି ଭାବେ ପୁଣି ଥରେ ଶୋ’ରେ ବଲିଉଡ୍ର ଏଭରଗ୍ରିନ୍ ଅଭିନେତ୍ରୀ ରେଖା ମଧ୍ୟ ପହଞ୍ଚି ଥିଲେ। ଏହି ସମୟରେ ରେଖା ସଲମାନଙ୍କ ଶୋ’ରେ ନିଜର ଭୟ ବିଷୟରେ କହିଥିଲେ। ସେ କହିଥିଲେ କି, ସେ ଦୁଇଟି ଜିନିଷକୁ ଡ଼ରନ୍ତି। ଆସନ୍ତୁ ଜାଣିବା ତା କଣ ?
ଉଲ୍ଲେଖନୀୟ ଯେ ,ରେଖା ବିଗ୍ ବସ୍ ସିଜନ-୧୮ରେ ପହଞ୍ଚି ଥିଲେ। ରେଖା ନିଜ ଫିଲ୍ମ ସୁପର ନାନିର ପ୍ରମୋସନ ପାଇଁ ଶୋ’ରେ ସ୍ୱତନ୍ତ୍ର ଭାବେ ସାମିଲ ହୋଇଥିଲେ। ଏହି ସମୟରେ ଏକ କ୍ଲିପ୍କୁ ରେଡିଟ୍ରେ ସେୟାର କରାଯାଇଛି, ଯେଉଁଥିରେ ସଲମାନ ପ୍ରସିଦ୍ଧ ଅଭିନେତ୍ରୀଙ୍କୁ ନିଜ ଫିଲ୍ମ ଦବଙ୍ଗର ଏକ ଡାଏଲଗ୍ କହିବାର ନଜର ଆସୁଛି। ଏହାପରେ ରେଖା କହୁଛନ୍ତି , ଚାପୁଡ଼ାକୁ ଡ଼ର ଲାଗେ ନାହିଁ ସାହେବ। ପ୍ରେମକୁ ବି ଡ଼ର ଲାଗେନି ,ଏହା ତ ମୁଁ ପୂରା ଦମ୍ରେ କରି ପାରିବି। ମୋତେ କେବଳ ଡ଼ର , ବିଗ୍-ବି କୁ , ତାହା ବିଗ୍ ବସ୍ ସହ। ଏହା କହି ରେଖା ହସୁଛନ୍ତି। ଆଉ ସଲମାନଙ୍କ ସହ ମଜା କରୁଛନ୍ତି। ଏହି ଭିଡ଼ିଓକୁ ଖୁବ୍ ପସନ୍ଦ କରାଯାଇଛି। ଆଉ ଭାଇରାଲ ହେଉଛି। https://www.instagram.com/reel/DAYxdrXSivh/?utm_source=ig_web_copy_link
କହି ରଖୁଛୁ କି, ବିଗବସ୍-୧୮ ଶୋ’ରେ ସର୍ବ ପ୍ରଥମେ ଯେଉଁ ନାଁ ସାମନାକୁ ଆସିଛି , ସେ ହେଉଛନ୍ତି ୯୦ ଦଶକର ଜଣାଶୁଣା ଅଭିନେତ୍ରୀ ଶିଳ୍ପା ଶିରୋଡକର । ଦ୍ୱିତୀୟ ପ୍ରତିଯୋଗୀ ୟେ ରିସ୍ତା କହଲାତା ହୈ ର ଶହଜାଦା ଧାମୀ , ୩ୟ ନମ୍ୱରରେ ଟିଭି ଅଭିନେତ୍ରୀ ଚାହତ ପାଣ୍ଡେଙ୍କ ନାଁ ସ୍ପଷ୍ଟ ହୋଇଛି। ଏହା ବ୍ୟତୀତ ଶୋ’ରେ ଭିଭିୟନ ଡିସେନାଙ୍କର ଏଣ୍ଟ୍ରି ହୋଇଛି।
