ମୁମ୍ବାଇ ୨୧/୧୨: କ୍ୟାରିଅର୍ର ଗୁରୁତ୍ୱପୂର୍ଣ୍ଣ ମୋଡ଼ରେ ଅଛନ୍ତି ଅଭିନେତ୍ରୀ ନିଧି ଅଗରୱାଲ । ଦୁଇଟି ପାନ୍ଇଣ୍ଡିଆ ପ୍ରୋଜେକ୍ଟରେ ସେ ଫିମେଲ୍ ଲିଡ୍ ଭାବେ ନଜର ଆସିବେ । ଫିଲ୍ମ ‘ହରି ହରା ଭୀରା ମଲ୍ଲୁ’ରେ ପୱନ କଲ୍ୟାଣଙ୍କ ସହ ସେ ନଜର ଆସିବେ । ନିର୍ଦ୍ଦେଶନା ଦାୟିତ୍ୱରେ ଅଛନ୍ତି କ୍ରିଶ ଜଗରଲାମୁଦି । ନିଧି ଏଥିରେ ପଞ୍ଚମୀ ଚରିତ୍ରରେ ନଜର ଆସିବେ । ଫିଲ୍ମରେ ସେ ଏକମାତ୍ର ନାୟିକା । ଚଳିତ ମାସ ଏହା ମୁକ୍ତିଲାଭ କରିବ ।
Hi fam! This is not a leaked photo from #TheRajaSaab movie.. it’s from an ad shoot i have done.. we will come with updates very soon 🥰 trust me, it’s worth waiting for ☺️❤️ pic.twitter.com/p3ODIIidb0
— Nidhhi Agerwal (@AgerwalNidhhi) December 19, 2024
ଏଥିସହ ପ୍ରଭାସଙ୍କ ସହ ‘ରାଜା ସାବ୍’ରେ ବି ନିଧି ନଜର ଆସିବେ । ଫିଲ୍ମରେ ମାଳବିକା ମୋହନନ ଓ ରିଦ୍ଧି କୁମାର ଅଭିନୟ କରିଛନ୍ତି । ଏବେ ‘ରାଜା ସାବ୍’ର ସୁଟିଂ ସେଟ୍ରୁ ନିଧିଙ୍କର ଏକ ଲିକ୍ ଫଟୋ ଅନ୍ଲାଇନ୍ ଚର୍ଚ୍ଚାର କେନ୍ଦ୍ରବିନ୍ଦୁ ହୋଇଛି । ଫଟୋରେ ଲଙ୍ଗ୍ ସ୍କର୍ଟରେ ସେ ଖୁବ୍ ସୁନ୍ଦର ଦିଶୁଛନ୍ତି । ଅନେକ କହୁଛନ୍ତି, ଫଟୋଟି ଏହି ଫିଲ୍ମର । ତେବେ, ନିଧି ଏ ନେଇ ସ୍ପଷ୍ଟ କରିଛନ୍ତି ଯେ ଫଟୋଟି ବାସ୍ତବରେ ଏକ ବିଜ୍ଞାପନ ସୁଟିଂର । ତାଙ୍କ ଅପ୍କମିଙ୍ଗ ଫିଲ୍ମର ନୁହେଁ । ଏହି ଦ୍ୱନ୍ଦ୍ୱ ଭିତରେ ନିଧିଙ୍କ ଷ୍ଟାଇଲ୍ ଓ ସୌନ୍ଦର୍ଯ୍ୟକୁ ନେଇ ଖୁବ୍ ଚର୍ଚ୍ଚା ହେଉଛି ।
