ମୁମ୍ବାଇ, ୧୯/୧୨ : କପୁର ପରିବାରର କେତେକ ଷ୍ଟାରକିଡ୍ସ ଆଜି ବିଲଉଡ଼ର ସୁପରଷ୍ଟାର ହୋଇଛନ୍ତି । ରଣବୀର କପୁରଙ୍କ ପରେ ଏବେ କପୁର ପରିବାରର ପୁଣି ଏକ ଯୁବକ ଖୁବଶୀଘ୍ର ଓଟିଟିରେ ନିଜର ଯାତ୍ରା ଆରମ୍ଭ କରିବାକୁ ଯାଉଛନ୍ତି । ଏହି ଷ୍ଟାର ଆଉ କେହି ନୁହେଁ ବରଂ ଶଶି କପୁରଙ୍କ ନାତି ଜହାନ କପୁର ଅଟନ୍ତି । ଜହାନ ଏବେ ଖୁବଶୀଘ୍ର ନେଟଫ୍ଲିକ୍ସର ସିରିଜ ‘ବ୍ଲାକ ଓ୍ବାରଣ୍ଟ’ରେ ନଜର ଆସିବେ । ଏହି ସିରିଜକୁ ନିର୍ଦେଶକ ବିକ୍ରମାଦିତ୍ୟ ମୋଟଓ୍ବାନୀ ନିର୍ମାଣ କରୁଛନ୍ତି ।
ଯିଏ ଏହା ପୂର୍ବରୁ ସିକ୍ରେଡ ଗେମ୍ସ ଏବଂ ସିଟିଆରଏଲ ଭଳି ଲୋକପ୍ରିୟ ଫିଲ୍ମ ଏବଂ ସିରିଜ କରି ସାରିଛନ୍ତି । ଏବେ ବିକ୍ରମାଦିତ୍ୟ ମୋଟଓ୍ବାନୀ ଏକ ଜେଲର କାହାଣୀ ସହ ଦର୍ଶକଙ୍କ ସାମ୍ନାକୁ ଆସିବାକୁ ଯାଉଛନ୍ତି । ‘ବ୍ଲାକ ଓ୍ବାରଣ୍ଟ’ର ଟିଜର ଗୁରୁବାର ରିଲିଜ କରାଯାଇଛି । ଏହି ସିରିଜ ୧୦ଜାନୁଆରୀରେ ରିଲିଜ ହେବ । ସିରିଜରେ ଶଶି କପୁରଙ୍କ ନାତି ଜହାନ ମୁଖ୍ୟ ଭୂମିକାରେ ନଜର ଆସୁଛନ୍ତି ।
ସିରିଜର ଟିଜର ଗୁରୁବାର ନେଟଫ୍ଲିକ୍ସରେ ରିଲିଜ ହୋଇସାରିଛି । ଏହି ଟିଜରରେ ସିରିଜର କାହାଣୀ ଝଲକରେ ଦେଖିବାକୁ ମିଳିଛି । କାହାଣୀ ଏସିଆର ସବୁଠାରୁ ବିପଦପୂର୍ଣ୍ଣ ଜେଲର ଅଟେ । ଯେଉଁଠାରେ ବହୁ ଖତରନାକ ଅପରାଧିମାନେ ରହିଥାନ୍ତି । ଏଠାରେ ଜଣେ ନୂଆ ପୋଲିସ ଅଧିକାରୀଙ୍କ ପୋଷ୍ଟିଂ ହୁଏ। ଏହି ଜେଲରେ ଆକ୍ସନରୁ ନେଇ ଡ୍ରାମା ଏବଂ ଦମଦାର କାହାଣୀର ନୂଆ ଏଙ୍ଗେଲ ଦେଖିବାକୁ ମିଳିପାରେ । ସିରିଜର ନିର୍ଦେଶକ ବିକ୍ରମାଦିତ୍ୟ ମୋଟଓ୍ବାନୀ ନିଜ କାହାଣୀର ଭେରାଇଟିକୁ ନେଇ ବେଶ ଜଣାଶୁଣା । ବିକ୍ରମାଦିତ୍ୟ ନିଜ କ୍ୟାରିୟରରେ ଉଡ଼ାନ, ଲୁଟେରା, ଥପ୍ପଡ଼, ଭାବେଶ ଜୋଶୀ, ସିକ୍ରେଡ଼ ଗେମ୍ସ, ଏକେ ଭର୍ସେସ ଏକେ, ଜୁବଲୀ ଏବଂ ସିଟିଆରଏଲ ଭଳି କେତେକ କାହାଣୀରେ ଦର୍ଶକଙ୍କ ହୃଦୟ ଜିତି ସାରିଛନ୍ତି । ଏବେ ପୁଣି ଥରେ ବିକ୍ରମାଦିତ୍ୟ ମୋଟଓ୍ବାନୀ ଏକ ବଡ଼ ଧରଣର ଫେରୁଛନ୍ତି । ଦେଖିବାକୁ ବାକି ରହିଲା ଏହି ନୂଆ ପ୍ରୋଜେକ୍ଟକୁ ଦର୍ଶକ କେତେ ପସନ୍ଦ କରୁଛନ୍ତି ।
