ନୂଆଦିଲ୍ଲୀ,୨୦/୧୨: ସରିବାକୁ ଯାଉଛି ୨୦୨୪ । ଆଉ ମାତ୍ର ୧୦ ଦିନ ବାକି ରହିଛି ବର୍ଷ ୨୦୨୪ ଶେଷ ହେବାକୁ । ଚାହୁଁଚାହୁଁ ୨୪ ସରିବାକୁ ବସିଲାଣି । ସବୁ ବର୍ଷ ପରି ଏ ବର୍ଷ ମଧ୍ୟ ଅନେକଙ୍କ ପାଇଁ ସ୍ବତନ୍ତ୍ର ଥିଲା । ୨୪ରେ ଅନେକ ସେଲିବ୍ରିଟି ବିବାହ ବନ୍ଧନରେ ବାନ୍ଧି ହୋଇଥିଲେ । ଓଲିଉଡରୁ ନେଇ ବଲିଉଡ ଓ ଟଲିଉଡ ଯାଏ ଅନେକ ସେଲିବ୍ରିଟି ଜୀବନସାଥୀ ପାଇଥିଲେ । ଅନେକ ଷ୍ଟାର ଅଭିନେତା ଅଭିନେତ୍ରୀଙ୍କ ହାତଗଣ୍ଠି ପଡିଛି । ଓଲିଉଡର ଏଲିନା ସାମନ୍ତରାୟଙ୍କଠୁ ନେଇ ବଲିଉଡର ସୋନାକ୍ଷୀ ସିହ୍ନା ଓ ଟଲିଉଟର କ୍ରସ୍ କିର୍ତ୍ତୀ ସୁରେଶଙ୍କ ଯାଏ ଅନେକ ସେଲିବ୍ରିଟିଙ୍କ ସାହାନାଇ ବାଜିଥିଲା । ହାତକୁ ଦୁଇହାତ ହୋଇଥିଲେ ଅନେକ ପ୍ରେମୀ ଯୁଗଳ । ତେବେ ନଜର ପକାନ୍ତୁ ୨୦୨୪ରେ ବନିଥିବା ଯୋଡିଙ୍କ ପୁରା ଲିଷ୍ଟ ଉପରେ...
ଏଲିନା ସାମନ୍ତରାୟ-ଅନୁରାଗ ପଣ୍ଡା
ଓଲିଉଡର ଆଗ ଧାଡିର ନାୟିକା ଏଲିନା ସାମନ୍ତରାୟ । ବିଦାୟୀ ବର୍ଷରେ ଲଭ ଷ୍ଟେସନରେ ପହଞ୍ଚିଥିଲା ଏଲିନାଙ୍କ ଗାଡି । ନଭେମ୍ବର ୧୭ ତାରିଖରେ ହାତକୁ ଦୁଇ ହାତ ହୋଇଥିଲେ ଏଲିନା ସାମନ୍ତରାୟ । ବୟଫ୍ରେଣ୍ଡ ଅନୁରାଗ ପଣ୍ଡାଙ୍କୁ ଜୀବନ ସାଥୀ କରିଥିଲେ ଏଲିନା । ଇଣ୍ଡୋନେସିଆର ବାଲିରେ ପରିବାର ସଦସ୍ୟଙ୍କରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ । ରିଲରୁ ରିୟଲ ଲାଇଫ ପତ୍ନୀ ହୋଇଥିଲେ ଆଉ ବନିଥିଲେ ଏଲିନା ସାମନ୍ତରାୟ ପଣ୍ଡା । ଏଲିନାଙ୍କ ବିବାହକୁ ନେଇ କୌଣସି ସୂଚନା ନଥିଲା । ଅଚାନକ ତାଙ୍କ ବିବାହ ଖବର ଶୁଣି ଫ୍ୟାନ୍ସ ଚକିତ ହୋଇଥିଲେ ।
ତମନ୍ନା ବ୍ୟାସ-ସିଦ୍ଧାର୍ଥ
ଓଲିଉଡ ଅଭିନେତ୍ରୀ ତମନ୍ନା ବ୍ୟାସ ଚଳିତ ବର୍ଷ ବିବାହ ବନ୍ଧନରେ ବାନ୍ଧି ହୋଇଥିଲେ । ଫିଲ୍ମ ନିର୍ମାତା ତଥା ଓଡିଆ କଣ୍ଠଶିଳ୍ପୀ ନମିତା ଅଗ୍ରୱାଲଙ୍କ ପୁଅ ସିଦ୍ଧାର୍ଥଙ୍କୁ ବିବାହ କରିଥିଲେ ତମନ୍ନା । ଜାନୁଆରୀ ୧୬ ତାରିଖରେ ଉଭୟଙ୍କ ବିବାହ ହୋଇଥିଲା ।
ମନୋଜ ମିଶ୍ର- ମମତା ନନ୍ଦ
ବିଦାୟୀ ବର୍ଷ ଦ୍ବିତୀୟ ବିବାହ କରି ସମସ୍ତଙ୍କୁ ଚମକାଇ ଦେଇଥିଲେ ଓଲିଉଡ ଖଳନାୟ ମନୋଜ ମିଶ୍ର । ଟିଭି ସିରିଏଲ ଅଭିନେତ୍ରୀ ମମତା ନନ୍ଦଙ୍କୁ ଜୀବନସାଥୀ କରିଥିଲେ ମନୋଜ ମିଶ୍ର । ସେପ୍ଟେମ୍ବର ୪ ତାରିଖରେ ଉଭୟଙ୍କ ବିବାହ ଖବର ସୋସିଆଲ ମିଡିଆରେ ପ୍ରକାଶ ପାଇଥିଲା । ପୂର୍ବରୁ ମାନା ମିଶ୍ରଙ୍କୁ ବିବାହ କରିଥିଲେ ମନୋଜ । ତାଙ୍କର ଏକ ଝିଅ ଅଛନ୍ତି । ଉଭୟଙ୍କ ଛାଡପତ୍ର ପରେ ମନୋଜଙ୍କ ଜୀବନରେ ଆସିଥିଲେ ମମତା ।
ସୋନାକ୍ଷୀ ସିହ୍ନା-ଜାହିର ଇକବାଲ
ବଲିଉଡର ଦବଙ୍ଗ ଗର୍ଲ ସୋନୀକ୍ଷୀ ସିହ୍ନାଙ୍କର ବିଦାୟୀ ବର୍ଷ ୨୦୨୪ରେ ସାହାନାଇ ବାଜିଥିଲା । ବୟଫ୍ରେଣ୍ଡ ଜାହିର ଇକବାଲଙ୍କୁ ଜୀବନସାଥୀ କରିଥିଲେ ସୋନୀକ୍ଷୀ । ଉଭୟ ପରିବାରଙ୍କ ଗହଣରେ ମୁମ୍ବାଇରେ ଧୁମଧାମରେ ବିବାହ କରିଥିଲେ ଏହି ପ୍ରେମୀଯୁଗଳ । ଉଭୟଙ୍କ ଧର୍ମ ଅଲଗା ଥିବାରୁ ବିବାହ ସହଜ ନଥିଲା । ତଥାପି ପରସ୍ପର ହାତ ଧରିଥିଲେ ସୋନାକ୍ଷୀ ଓ ଜାହିର । ବିବାହ ପରେ ଉଭୟଙ୍କୁ ଟ୍ରୋଲର ଶିକାର ହେବାକୁ ପଡିଥିଲା ।
ଆଦିତି ରାଓ ହାଇଦରୀ- ସିଦ୍ଧାର୍ଥ
ଚଳିତ ବର୍ଷ ବିବାହ କରି ଫ୍ୟାନ୍ସଙ୍କୁ ଚମକାଇ ଦେଇଥିଲେ ବଲିଉଡ ଅଭିନେତ୍ରୀ ଆଦିତି ରାଓ । ଦୀର୍ଘ ଦିନର ବୟଫ୍ରେଣ୍ଡ ତଥା ଅଭିନେତା ସିଦ୍ଧାର୍ଥଙ୍କୁ ସାତ ଜନ୍ମର ସାଥୀ କରିଥିଲେ ଆଦିତି । ସେପ୍ଟେମ୍ବର ୧୬ ତାରିଖରେ ଆଦିତି ଓ ସିଦ୍ଧାର୍ଥଙ୍କ ବିବାହ ହୋଇଥିଲା । ୨୦୨୧ ମହାସମୁଦ୍ର ଫିଲ୍ମରୁ ଦୁହିଁଙ୍କର ଦେଖା ହୋଇଥିଲା । ଉଭୟଙ୍କର ଏହା ଦ୍ବିତୀୟ ବିବାହ ।
ପୁଲକିତ ସମ୍ରାଟ-କ୍ରିତି ଖରବନ୍ଧା
୨୦୨୪ରେ ବଲିଉଡର ଆଉ ଜଣେ ପ୍ରେମୀଯୁଗଳ ପୁଲକିତ ସମ୍ରାଟ ଓ କ୍ରିତି ଖରବନ୍ଧା ବିବାହ ବନ୍ଧନରେ ବାନ୍ଧି ହୋଇଥିଲେ । ମାର୍ଚ୍ଚ ୨୫ ତାରିଖରେ ଉଭୟଙ୍କ ବିବାହ ହୋଇଥିଲା । ପଞ୍ଜାବୀ ରୀତିନିତୀରେ ପରିବାର ଓ ଘନିଷ୍ଠ ସଦସ୍ୟଙ୍କ ଗହଣରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । 'ପାଗଲପନ୍ତୀ' ଫିଲ୍ମ ସେଟରୁ ପରସ୍ପରର ପ୍ରେମରେ ପଡିଥିଲେ । ପ୍ରେମକୁ ବିବାହରୁ ରୂପ ଦେବାକୁ ନିଷ୍ପତ୍ତି ନେଇଥିଲେ । ପୁଲକିତ ସମ୍ରାଟଙ୍କର ଏହା ଦ୍ବିତୀୟ ବିବାହ ଥିଲା ।
ରକୁଲ ପ୍ରୀତି ସିଂହ- ଜ୍ୟାକି ଭଗ୍ନାନୀ
ଦୀର୍ଘ ବର୍ଷର ପ୍ରେମ ଆଉ ପରେ ବିବାହ । ୨୦୨୪ରେ ସଫଳ ହୋଇଥିଲା ରକୁଲ ପ୍ରୀତି ସିଂହ ଓ ଜ୍ୟାକି ଭଗ୍ନାନୀଙ୍କ ଲଭଷ୍ଟୋରୀ । ଫେବୃଆରୀ ୨୧ ତାରିଖରେ ରକୁଲ ଓ ଜ୍ୟାକ ବିବାହ କରିଥିଲେ । ଗୋଆରେ ରାଜକୀୟ ଅନ୍ଦାଜରେ ଉଭୟଙ୍କ ବିବାହ ସମ୍ପର୍ଣ୍ଣ ହୋଇଥିଲା । ଉଭୟ ଗୋଆରେ ଧୁମଧାମରେ ରାଜକୀୟ ଅନ୍ଦାଜରେ ବିବାହ କରିଥିଲେ ।
ହିମାଶଂ କୋହଲି-ବିନି
ବଲିଉଡ ଫିଲ୍ମ ୟାରିଆର ଅଭିନେତା ହିମାଂଶ କୋହଲି ନଭେମ୍ବର ୧୨ ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ । ପ୍ରସିଦ୍ଧ କଣ୍ଠଶିଳ୍ପୀ ନେହା କକ୍କରଙ୍କ ପୂର୍ବତନ ବୟଫ୍ରେଣ୍ଡ ହିମାଶଂ କୋହଲି ବିନିଙ୍କୁ ଜୀବନ ସାଥୀ କରିଥିଲେ ହିମାଂଶ । ଦିଲ୍ଲୀର ଏକ ମନ୍ଦିରରେ ସାତ ଫେରା ନେଇଥିଲେ ହିମାଶଂ। ମନ୍ଦିରରେ ବିବାହକୁ ଚର୍ଚ୍ଚା ହୋଇଥିଲା ।
କୀର୍ତ୍ତୀ ସୁରେଶ-ଆଣ୍ଚୋନୀ
ବିଦାୟୀ ବର୍ଷ ୨୦୨୪ର ଅନ୍ତିମ ମାସ ଅର୍ଥାତ ଡିସେମ୍ବର ୧୨ ତାରିଖରେ ସାଉଥ ସୁନ୍ଦରୀ କୀର୍ତ୍ତୀ ସୁରେଶ ହାତକୁ ଦୁଇ ହାତ ହୋଇଥିଲେ । ୧୫ ବର୍ଷ ଡେଟିଂ କରିବା ପରେ ବୟଫ୍ରେଣ୍ଡ ଆଣ୍ଟୋନୀଙ୍କୁ ବିବାହ କରିଥିଲେ କୀର୍ତ୍ତୀ ସୁରେଶ । ଆଣ୍ଟୋନୀ ଥାଟିଲ ଜଣେ ବ୍ୟବସାୟୀ ।
ନାଗା ଚୈତନ୍ୟ-ଶୋଭିତା
୨୦୨୪ରେ ସାତଜନ୍ମର ସାଥୀ ହୋଇଥିଲେ ସାଉଥର ଚର୍ଚ୍ଚିତ ଯୋଡି ନାଗା ଚୈତନ୍ୟ ଓ ଶୋଭିତା ଧୂଳିପାଲ । ଡିସେମ୍ବର ୪ ତାରିଖରେ ଉଭୟଙ୍କ ବିବାହ ହୋଇଥିଲା । ସାଉଥ ଅଭିନେତ୍ରୀ ସମନ୍ଥାଙ୍କ ସହ ବିବାହ ବିଚ୍ଛେଦ ପରେ ଶୋଭିତାଙ୍କୁ ଜୀବସାଥୀ କରିଥିଲେ ନାଗା ଚୈତନ୍ୟ । ହାଇଦ୍ରାବାଦର ଅନ୍ନପୂର୍ଣ୍ଣା ଷ୍ଟୁଡିଓଜ୍ରେ ଏହି ଦମ୍ପତ୍ତି ପରିବାରର ଉପସ୍ଥିତିରେ ରୀତିନୀତିରେ ପରସ୍ପରର ହାତ ଧରିଥିଲେ ।
ସୁରଭୀ ଚନ୍ଦାନା-କରଣ ଶର୍ମା
ଖାଲି ଫିଲ୍ମ ଇଣ୍ଡଷ୍ଚ୍ରୀ ନୁହେଁ ସିରିଏଲ ଜଗତରେ ମଧ୍ୟ ଅନେକଙ୍କର ସାହାନାଇ ବାଜିଥିଲା । ଘରେ ଘରେ ପରିଚିତ ଟେଲି ଅଭିନେତ୍ରୀ ସୁରଭୀ ଚନ୍ଦାନା ଚଳିତ ବର୍ଷ ବିବାହ ବନ୍ଧନରେ ବାନ୍ଧି ହୋଇଛନ୍ତି । ବୟଫ୍ରେଣ୍ଡ କରନ ଶର୍ମାଙ୍କୁ ବିବାହ କରିଥିଲେ ସୁରଭୀ । ମାର୍ଚ୍ଚ ୨ ତାରିଖରେ ଉଭୟଙ୍କର ବିବାହ ହୋଇଥିଲା ।
ଆରତୀ ସିଂ-ଦୀପକ
ଟେଲିଭିଜନ ଜଗତର ଆଉ ଜଣେ ଅଭିନେତ୍ରୀ ଆରତୀ ସିଂ । ଚଳିତ ବର୍ଷ ବିବାହ କରିଥିଲେ ବଲିଉଡ ଅଭିନେତା ଗୋବିନ୍ଦାଙ୍କ ଭାଣିଜୀ ଆରତୀ । ଏପ୍ରିଲ ୨୫ରେ ବୟଫ୍ରେଣ୍ଡ ଦୀପକଙ୍କୁ ବିବାହ କରିଥିଲେ କମେଡିଆନ କୃଷ୍ଣା ଅଭିଷେକଙ୍କ ଭଉଣୀ ଆରତୀ ସିଂ ।
