ଆନନ୍ଦପୁର,୦୬/୧୦: ଗଣେଶ ମେଢ଼ ଭସାଣୀ ସମୟରେ ଶୋଭାଯାତ୍ରା ଉପରକୁ କିଛି ଦୁବୃର୍ତ୍ତ କରିଥଲେ ଢେଲାମାଡ । ଫଳରେ ଦିର୍ଘ ଦିନ ପାଇଁ ବନ୍ଦ ହୋଇ ରହିଥିଲା ଭସାଣି । ଶେଷରେ ରାତି ଅଧରେ ଗଣେଶ ମୂର୍ତ୍ତିକୁ ବିସର୍ଜନ କରିଛି ପୋଲିସ । ଏହି ଘଟଣାରେ ସୌମ୍ୟଜିତ ମିଶ୍ର ଓ ଦିଲ୍ଲୀପ କୁମାର ମହାନ୍ତି ଗିରଫ ହୋଇଛନ୍ତି । କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଅଞ୍ଚଳରେ ଏଭଳି ଘଟଣା ଘଟିଛି ।

ସୂଚନା ମୁତବକ, ଗଣେଶ ମେଢ଼ ଭସାଣୀ ସମୟରେ ଆନନ୍ଦପୁର ଥାନା ନିକଟରେ ଶୋଭାଯାତ୍ରା ଉପରକୁ କିଛି ଦୁବୃର୍ତ୍ତ ଢେଲାମାଡ କରିଥଲେ । ଫଳରେ ଘଟଣାସ୍ଥଳରେ ତୀବ୍ର ଉତେଜନା ପ୍ରକାଶ ପାଇଥିଲା । ପୋଲିସ୍ ପକ୍ଷରୁ ବିନା ଶୋଭାଯାତ୍ରାରେ ଠାକୁର ଭସାଣୀ କରିବାକୁ ନିର୍ଦ୍ଦେଶ ପରେ ଉତେଜନା ଅଧିକ ତୀବ୍ର ହୋଇଥିଲା । ଉତେଜନା ଯୋଗୁ ସୃଷ୍ଟି ହୋଇଥିବା ଅପ୍ରିତିକର ପରିସ୍ଥିତିରେ ଅନେକ ଦେଖଣାହାରୀ ସମସ୍ୟାର ସମ୍ମୁଖୀନ ହୋଇଥିଲେ । 

ତେବେ ବିଳମ୍ବିତ ରାତି ପର୍ଯ୍ୟନ୍ତ ଉତେଜନା ଲାଗିରହିଥିବା ବେଳେ ଉଭୟ ପକ୍ଷରୁ ଥାନାରେ ଅଭିଯୋଗ କରାଯାଇଥିଲା । ଗଣେଶ ମେଢ଼ ଭସାଣୀ ବନ୍ଦ ରହିଥିବା ବେଳେ ରାତି ଅଧରେ ପୋଲିସ ଗଣେଶ ମୂର୍ତ୍ତିକୁ ବିସର୍ଜନ କରିଛି । ଗଣେଶ ପୂଜାର ଦୀର୍ଘ ଦିନ ଯାଏଁ ଭସାଣୀ ନହେବା ଓ ପୂର୍ବରୁ ଉତ୍ତେଜନା ଥିବାବେଳେ ପ୍ରଶାସନ ପକ୍ଷରୁ ନିର୍ଦ୍ଧିଷ୍ଟ ସ୍ଥାନରେ ସୁରକ୍ଷା ବ୍ୟବସ୍ଥା ନକରିବା ଭଳି ପ୍ରଶାସନର ତ୍ରୁଟିପୂର୍ଣ୍ଣ ନିଷ୍ପତ୍ତି ଯୋଗୁଁ ଏଭଳି ଘଟଣା ଘଟିଥିବା କୁହାଯାଉଛି । ଘଟଣାକୁ କେନ୍ଦ୍ରକରି ଭଷାଣି କରୁଥିବା କ୍ଲବର ୨ ଜଣ ସଦସ୍ୟ ସୌମ୍ୟଜିତ ମିଶ୍ର ଓ ଦିଲ୍ଲୀପ କୁମାର ମହାନ୍ତିକୁ ଗିରଫ କରିଛି ପୋଲିସ ।