ନୂଆଦିଲ୍ଲୀ, ୫/୧୦ : ଜୁନିୟର ଏନଟିଆର, ସୈଫ ଅଲ୍ଲୀ ଖାନ ଏବଂ ଜାହ୍ନବୀ କପୁରଙ୍କ ଫିଲ୍ମ ‘ଦେବରା ପାର୍ଟ ୧’ ଆଜି ନିଜ ଦ୍ବିତୀୟ ଓ୍ବିକେଣ୍ଡରେ ଏଣ୍ଟ୍ରି କରି ସାରିଛି । ୨୭ସେପ୍ଟେମ୍ବରରେ ରିଲିଜ ହୋଇଥିବା ଫିଲ୍ମ ଭଲ ଓପନିଂ କଲେକ୍ସନ କରିଥିଲା । ପ୍ରଥମ ଦିନ ୮୨.୫କୋଟିରୁ ଖାତା ଖୋଲିଥିବା ଫିଲ୍ମ ଦ୍ବିତୀୟ ଦିନ ୩୮.୨କୋଟି, ତୃତୀୟ ଦିନ ୩୯.୯କୋଟି ଏବଂ ଚତୁର୍ଥ ଦିନ ୧୨.୭୫କୋଟି କଲେକ୍ସନ କରିଥିଲା । ଫିଲ୍ମ ୫ମ, ୬ଷ୍ଠ, ୭ମ ଦିନ ୧୪କୋଟି, ୨୧କୋଟି ଏବଂ ୭.୨୫କୋଟି ଟଙ୍କା କଲେକ୍ସନ କରି ନିଜ ସ୍ଥିତି ମଜବୁତ ରଖିଥିଲା ।
ଫିଲ୍ମର ୮ମ ଦିନ କଲେକ୍ସନର କଥା ଯଦି ଆମେ କହିବା ତେବେ ଫିଲ୍ମ ୬କୋଟି ଟଙ୍କା କଲେକ୍ସନ କରିଥିଲା ଏବଂ ଏହାସହ ବଲିଉଡ଼ ଫିଲ୍ମ ‘ଫାଇଟର’କୁ ଘରୋଇ ବକ୍ସ ଅଫିସର ରେକର୍ଡ଼ ଯାହା ୨୧୨.୫କୋଟି ଥିଲା ତାହାକୁ ଭାଙ୍ଗି ଦେଇଛି ।
‘ଦେବରା-ପାର୍ଟ ୧‘ ମୂଳ ତେଲୁଗୁ ଆକ୍ସନ- ଥ୍ରୀଲର ଫିଲ୍ମ ଅଟେ । ଯାହାକୁ ହିନ୍ଦୀ ସମେତ କେତେକ ଅନ୍ୟ ଭାରତୀୟ ଭାଷା ଯେମିତି କି ତାମିଲ, କନ୍ନଡ଼ ଏବଂ ମାଲାୟଲମରେ ରିଲିଜ କରାଯାଇଛି ।
