ମୁମ୍ବାଇ, ୨/୧୦ : ବଲିଉଡ଼ର ସୁପରଷ୍ଟାର ଅମିରଖାନଙ୍କ ଏକ୍ସ ଓ୍ବାଇଫ ରୀନା ଦତ୍ତାଙ୍କ ବାପାଙ୍କ ନିଧନ ହୋଇଯାଇଛି । ଆଜି ୨ଅକ୍ଟୋବରରେ ରୀନାଙ୍କ ବାପା ଶେଷ ନିଶ୍ବାସ ତ୍ୟାଗ କରିଛନ୍ତି । ଏଭଳି ସ୍ଥଳେ ରୀନାଙ୍କ ପରିବାର ଦୁଃଖରେ ଭାଙ୍ଗି ପଡ଼ିଛନ୍ତି। ଏହି ଘଡ଼ି ସନ୍ଧି ମୁହୁର୍ତ୍ତରେ ଅମିର ଖାନ ଏକ୍ସ ଓ୍ବାଇଫ ରୀନା ଦତ୍ତାଙ୍କୁ ଏକାକୀ ଛାଡ଼ି ନାହାନ୍ତି । ସେ ନିଜ ଏକ୍ସ ଶ୍ବଶୁରଙ୍କ ନିଧନ ଖବରପାଇ ରୀନା ଦତ୍ତାଙ୍କ ଘରେ ପହଞ୍ଚିଛନ୍ତି ।
ରୀନାଙ୍କ ଘର ବାହାରେ ଏକ ଭିଡ଼ିଓ ସାମ୍ନାକୁ ଆସିଛି । ଯେଉଁଥିରେ ଅମିର ଖାନ ନିଜ କାରରେ ବସି ରୀନାଙ୍କ ଘରୁ ବାହାରୁଛନ୍ତି । ଏହି ସମୟରେ ଅମିର ନାଲି ଏବଂ ଧଳା କୁର୍ତ୍ତା ସହ ଏକ ଧୋତି ପିନ୍ଧିଥିଲେ । ସେ ନିଜ ହାତ ନିଜ ଛାତି ଉପରେ ରଖିଥିବା ଦେଖାଯାଉଛନ୍ତି । ସେହିଭଳି ଅମିର ଖାନଙ୍କ ମା’ ଜୀନତ ହୁସେନ ବି ନିଜ ଏକ୍ସ ବୋହୁଙ୍କ ଘରେ ତାଙ୍କୁ ସାନ୍ତ୍ବନା ଦେବାକୁ ପହଞ୍ଚିଥିଲେ ।
ଅମିର ଖାନଙ୍କ ମା’ ଜୀନତ ହୁସେନଙ୍କୁ ଧଳା ରଙ୍ଗର ସୁଟ୍ ପିନ୍ଧି ରୀନା ଦତ୍ତାଙ୍କ ଘରକୁ ଯାଉଥିବା ଦେଖାଯାଇଥିଲା । ଏହି ସମୟରେ ତାଙ୍କ ସହ ତାଙ୍କର ହେଲପର ଥିଲେ ଯାହାଙ୍କ ହାତ ଧରି ଅମିରଙ୍କ ମା’ଯାଉଥିବା ନଜର ଆସୁଛନ୍ତି । ପ୍ରକାଶ ଯେ, ଅମିର ଖାନ ଏବଂ ରୀନା ଦତ୍ତା ୧୯୮୬ରେ ବିବାହ ବନ୍ଧନରେ ବାନ୍ଧି ହୋଇଥିଲେ । ତାଙ୍କର ଏକ ଝିଅ ଆୟରା ଖାନ ଏବଂ ତାଙ୍କ ଝିଅ ଜୁନେଦ ଖାନ ବି ଅଛନ୍ତି । ବିବାହର ୧୬ବର୍ଷ ପରେ ଅମିର ଖାନ ରୀନା ଅଲଗା ହେବାକୁ ନିଷ୍ପତ୍ତି ନେଇଥିଲେ ଏବଂ ୨୦୦୨ରେ ସେମାନେ ତଲାକ ନେଇ ନିଜ ରାସ୍ତା ଅଲଗା କରି ନେଇଥିଲେ । ଏହାପରେ ଅମିର ୨୦୦୫ରେ କିରଣ ରାଓଙ୍କୁ ବିବାହ କରିଥିଲେ । କିନ୍ତୁ ବିବାହର ୧୫ବର୍ଷ ପରେ ୨୦୨୧ରେ ତାଙ୍କଠାରୁ ବି ଅଲଗା ହୋଇଯାଇଥିଲେ ।
