ଟିଟଲାଗଡ଼, ୦୮/୦୭ : ସଇଁତଲା ଥାନା ଅନ୍ତର୍ଗତ ଭୋରପଡା ଗାଁରେ ଚାଞ୍ଚଲ୍ୟକର ଘଟଣା। ନାବାଳକ ପୁଅକୁ ଗଳାକାଟି ହତ୍ୟା ଉଦ୍ୟମ କଲା ପଡୋଶୀ। ଗୁରୁତର ଅବସ୍ଥାରେ ନାବାଳକଙ୍କୁ ଡାକ୍ତରଖାନାରେ ଭର୍ତ୍ତି। ଘଟଣାସ୍ଥଳରୁ ଅଭିଯୁକ୍ତ ଫେରାର୍।
ସୂଚନାନୁଯାୟୀ, ସଇଁତଲା ଥାନା ଅନ୍ତର୍ଗତ ଭୋରପଡା ଗାଁରେ ଅଭାବନୀୟ ଘଟଣା। ଗାଁର ସୁରଞ୍ଚିତ ଭୋଇ (୪୨ ବର୍ଷ) ଜଣେ ୧୩ ବର୍ଷୀୟ ନାବାଳକଙ୍କୁ ଘରକୁ ଡାକିନେଇ ଗଳା କାଟି ହତ୍ୟା ଉଦ୍ୟମ କରିଛି। ନାବାଳକଙ୍କୁ ପରିବାର ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ସଇଁତଳା ଡାକ୍ତରଖାନାରେ ଭର୍ତ୍ତି କରିଛନ୍ତି। ନାବାଳକଙ୍କ ଅବସ୍ଥା ସଙ୍କଟାପନ୍ନ ରହିଛି। ସେପଟେ ଅଭିଯୁକ୍ତ ଜଣଙ୍କ ଘଟଣାସ୍ଥଳରୁ ଫେରାର୍ ହୋଇଯାଇଛି। ସଇଁନ୍ତଳା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ତେବେ କେଉଁ କାରଣ ପାଇଁ ପଡୋଶୀ ଜଣଙ୍କ ଏଭଳି କାଣ୍ଡ ଭିଆଇଛନ୍ତି ତାହା ତଦନ୍ତ ପରେ ସ୍ପଷ୍ଟ ହେବ।