ଭୁବନେଶ୍ୱର ୦୮/୦୯: ଆଜିକାଲି ପ୍ରାୟ ଯୁବବର୍ଗ ନିଜର ଓଜନ କମାଇବା ପାଇଁ ଭେଗାନ୍ ଡାଏଟ୍ ବା ପ୍ଲାଣ୍ଟ ବେସଡ୍ ଡାଏଟ୍ କିମ୍ବା ଉଦ୍ଭିଦଜାତ ଖାଦ୍ୟକୁ ପ୍ରାଥମିକତା ଦେଉଛନ୍ତି । କିନ୍ତୁ କେବେ ଭାବିଛନ୍ତି କି ଏହି ଖାଦ୍ୟ ଶରୀର ପାଇଁ କେତେ ଲାଭଦାୟକ?
ଏହି ଖାଦ୍ୟ ସ୍ୱାସ୍ଥ୍ୟକର । କିନ୍ତୁ ସ୍ୱାସ୍ଥ୍ୟ ଉପରେ ଏହାର ପ୍ରଭାବକୁ ନେଇ କୌଣସି ଗ୍ୟାରେଣ୍ଟି ନଥାଏ । ତେଣୁ ଉଦ୍ଭିଦଜାତ ଖାଦ୍ୟ ଖାଉଥିବା ବ୍ୟକ୍ତିମାନେ ସାବଧାନ ହେବା ଉଚିତ୍ । ଚାଲନ୍ତୁ ଜାଣିବା ଏହାର ନକାରତ୍ମକ ପ୍ରଭାବ ବିଷୟରେ... ଭେଗାନ୍ ଡାଏଟ୍ ଅନୁସରଣ କରୁଥିବା ଲୋକମାନେ ଧୀରେ ଧୀରେ ଉଦ୍ଭିଦଜାତ ଖାଦ୍ୟ ଉପରେ ନିର୍ଭରଶୀଳ ହୋଇପଡନ୍ତି । ଏମାନେ ଆମିଷ, ଅଣ୍ଡା, ସହିତ ମହୁ, ଡାଏରୀ ଉତ୍ପାଦଠାରୁ ମଧ୍ୟ ଦୂରେଇ ଯାଇଥାନ୍ତି । କେବଳ ଶସ୍ୟଜାତୀୟ, ପରିବାପତ୍ର, ଫଳମୂଳ, ଡାଲି, ନଟସ୍, ହର୍ବସ୍, ମସଲା ଓ ଡାଏରୀ ଉତ୍ପାଦ ପରିବର୍ତ୍ତେ ସୋୟା ମିଲ୍କ ଆଦି ଖାଦ୍ୟକୁ ଡାଏଟ୍ରେ ସାମିଲ୍ କରିଥାନ୍ତି । ଏହି ଡାଏଟ୍ ଖୁବ୍ ଟ୍ରେଣ୍ଡରେ ରହୁଥିବା ସତ୍ତେ୍ୱ ମଧ୍ୟ ଏହାର ଅନେକ ପାଶ୍ୱର୍ ପ୍ରତିକ୍ରିୟା ରହିଥାଏ ।
ପୋଷକ ତତ୍ତ୍ୱର ଅଭାବ :
ଉଦ୍ଭିଦଜାତ ଖାଦ୍ୟ ଖାଇବା ଦ୍ୱାରା ଶରୀରରେ କିଛି ପୋଷକ ତତ୍ତ୍ୱର ଅଭାବ ଦେଖା ଦେଇଥାଏ । ଯେପରିକି ଭିଟାମିନ୍ ବି୧୨, ଆଇରନ୍, କ୍ୟାଲସିୟମ୍, ଓମେଗା ୩, ଫ୍ୟାଟି ଏସିଡ୍ କମ୍ ରହିଥାଏ । ଏସବୁ ରେଡ୍ ମିଟ୍, ଅଣ୍ଡା, ମାଛ ଓ ଦୁଗ୍ଧରୁ ଭରପୂର ମାତ୍ରାରେ ମିଳିଥାଏ । ଉଦ୍ଭିଦଜାତ ଖାଦ୍ୟରୁ ମଧ୍ୟ ଆଲର୍ଜି ହୋଇଥାଏ । ଏହି ସମୟରେ ଲୋକମାନେ ବିଭିନ୍ନ ନୂଆ ଖାଦ୍ୟକୁ ଡାଏଟ୍ରେ ସାମିଲ୍ କରିଥାନ୍ତି । ତେଣୁ ଆଲର୍ଜିର ସମ୍ଭାବନା ବଢିଥାଏ ।
ବ୍ଲୋଟିଂ ଏବଂ ଗ୍ୟାସ୍ :
ଉଦ୍ଭିଦଜାତ ଖାଦ୍ୟ ଖାଇବା ସମୟରେ ଫାଇବର ପାଇଁ ଏକା ସହିତ ଫଳ, ପରିବା ଏବଂ ଶସ୍ୟଜାତୀୟ ଖାଦ୍ୟ ଖାଇବାକୁ ପଡିଥାଏ । ଫଳରେ ଲୋକମାନଙ୍କ ଗଟ୍ ସ୍ୱାସ୍ଥ୍ୟ ବିଗିଡି ଯାଏ । ଫଳରେ ଗ୍ୟାସ୍ ଓ ବ୍ଲୋଟିଂ ସମସ୍ୟା ଉପୁଜେ । ଏହି ସ୍ଥିତିରେ ଅଚାନକ୍ ପରିବର୍ତ୍ତେ ଧୀରେ ଧୀରେ ଫାଇବର ମାତ୍ରାକୁ ବଢାଇବା ଆବଶ୍ୟକ ।
ଅଧିକ ଭୋକ ଲାଗିବା :
ଅଚାନକ୍ ଭାବେ ଆମିଷ ପରି ଅଧିକ କ୍ୟାଲୋରୀ ଖାଦ୍ୟ ନ ଖାଇବା ଏକ ଚ୍ୟାଲେଞ୍ଜ ହୋଇପଡେ । ତେଣୁ ବାରମ୍ବାର ଭୋକ ଲାଗିଥାଏ । ତେଣୁ ଡାଏଟ୍ରେ ଅଧିକ ପ୍ରୋଟିନ୍ ଓ ସ୍ୱାସ୍ଥ୍ୟକର ଚର୍ବିର ମାତ୍ରା ବଢାଇବାକୁ ପଡିଥାଏ । ଏପରି କରିବ ଦ୍ୱାରା ଅଧିକ ସମୟ ଯାଏ ଭୋକ ଲାଗି ନଥାଏ ।
