ମୁମ୍ବାଇ ୦୩/୦୮: ବହୁ ପ୍ରତୀକ୍ଷିତ ଫିଲ୍ମ ‘ପୁଷ୍ପା-୨’କୁ ନେଇ ଖବରରେ ଅଛନ୍ତି ସାଉଥ୍ ସୁପରଷ୍ଟାର୍ ଅଲ୍ଲୁ ଅର୍ଜୁନ । ଇତିମଧ୍ୟରେ ସାଉଥ୍ ବନାମ ବଲିଉଡ୍କୁ ନେଇ ଚାଲିଥିବା ବିତର୍କ ପୁଣି ଥରେ ଚର୍ଚ୍ଚାକୁ ଆସିଛି । ବଲିଉଡ୍ ନିର୍ଦ୍ଦେଶକ ନିଖିଲ ଆଡ଼ଭାନି ଏକ ଗଣମାଧ୍ୟମ ସହ ସାକ୍ଷାତକାରରେ କହିଛନ୍ତି, ଅର୍ଜୁନ ଥରେ କହିଥିଲେ ଯେ ବଲିଉଡ୍ରେ ହିରୋ କେମିତି ହେବା କଥା ଆପଣମାନେ ସମସ୍ତେ ଭୁଲିଯାଇଛନ୍ତି । କିନ୍ତୁ ସାଉଥ୍ ଫିଲ୍ମ ହିରୋଇଜମ୍ ବା ନାୟକତ୍ୱର ମୂଳ ଭାବନାକୁ ଭଲଭାବେ ବୁଝିଛି ଏବଂ ତା’ର ପ୍ରଦର୍ଶନରେ ସଫଳ ହୋଇଛି ।
ସାଉଥ୍ ଫିଲ୍ମରେ ସମସ୍ତ ବିଷୟକୁ ଦମ୍ଦାର ଆକ୍ସନ୍ ଓ ନାୟକର ଛବି ସହ ଉପସ୍ଥାପନ କରାଯାଏ, ଯାହାକୁ ଦର୍ଶକ ଖୁବ୍ ପସନ୍ଦ କରନ୍ତି । ଗତ ବର୍ଷ ‘ଯବାନ୍’, ‘ଗଦର-୨’ ଓ ‘ଆନିମଲ୍’ ଭଳି ହିଟ୍ ଫିଲ୍ମ ବଲିଉଡ୍ରେ ଦମ୍ ଦେଖାଇଥିଲା । କିନ୍ତୁ ଏ ବର୍ଷ ବଲିଉଡ୍ରେ କୌଣସି ଫିଲ୍ମ ସଫଳ ହୋଇନାହିଁ । ଚଳିତ ବର୍ଷ ସାଉଥ୍ ଫିଲ୍ମ ‘କଲ୍କୀ ୨୮୯୨ ଏଡି’ ଏପର୍ଯ୍ୟନ୍ତର ସର୍ବାଧିକ ବ୍ୟବସାୟ କରିଥିବା ଫିଲ୍ମ ହୋଇଛି । ଆସନ୍ତା ଡିସେମ୍ବର ୬ ତାରିଖରେ ମୁକ୍ତିଲାଭ କରିବାକୁ ଯାଉଥିବା ଅଲ୍ଲୁଙ୍କ ଅପ୍କମିଙ୍ଗ ଫିଲ୍ମ ‘ପୁଷ୍ପା-୨’କୁ ନେଇ ଦର୍ଶକ ଖୁବ୍ ଉତ୍ସାହିତ ଅଛନ୍ତି ।
