ବିଞ୍ଝାରପୁର,୨୦/୧୧ : କ୍ରିକେଟ ଖେଳ ହେଲା କାଳ। ଭାରତର ପରାଜୟକୁ ସହି ପାରିଲେନି ଯୁବକ । ଜୀବନ ହାରିଲେ ୨୩ବର୍ଷୀୟ ଯୁବକ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ବିଞ୍ଝାରପୁର ଥାନା ଅନ୍ତର୍ଗତ ଜରୀ ପଞ୍ଚାୟତ କୁଳସାହି ଗାଁରେ । 

ଗ୍ରାମର ନୀଳମଣି ଦାସଙ୍କ ସାନ ପୁଅ ଦେବରଞ୍ଜନ ଦାସଙ୍କ ମୃତଦେହ ପଡ଼ୋଶୀ ଛାତରେ ଥିବା ଏକ ରଡ଼ରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ପରିବାର ବର୍ଗ ଜରି ବିଟ ହାଉସକୁ ଖବର ଦେଇଥିଲେ ଖବରପାଇ ଜରି ବିଟ ହାଉସର ଅଧିକାରୀ ପହଞ୍ଚି ଶବ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ଦେବରଞ୍ଜନ ମଧ୍ୟ ମାନସିକ ବିକାରଗସ୍ତ ଥିବା ପରିବାର ଲୋକେ ସୂଚନା ଦେଇଛନ୍ତି । ସେ କ୍ରିକେଟ ପ୍ରେମୀ ଥିବା ବେଳେ କାଲି ଭାରତର ପରାଜୟ ସହି ନ ପାରି ଏପରି କରିଥିବା ପରିବାର ବର୍ଗଙ୍କ ପକ୍ଷରୁ ସୂଚନା ମିଳିଛି ।