ନୂଆଦିଲ୍ଲୀ, ୨୦/୧୧: ଇଣ୍ଟରନ୍ୟାସନାଲ୍ କ୍ରିକେଟ୍ କାଉନସିଲ୍ (ICC) ବିଶ୍ୱକପ୍-୨୦୨୩ର ପ୍ଲେଇଂ-୧୧ ଘୋଷଣା କରିଛି । ପ୍ରାୟ ଦେଢ଼ ମାସ ଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ଶ୍ରେଷ୍ଠ ପ୍ରଦର୍ଶନ ଆଧାରରେ ଆଇସିସି ଘୋଷଣା କରିଛି ପ୍ଲେଇଂ-୧୧ । ଯେଉଁଥିରେ ୬ ଭାରତୀୟ ଖେଳାଳିଙ୍କୁ ସ୍ଥାନ ମିଳିଛି ।
ତେବେ ଆଶ୍ଚର୍ଯ୍ୟର କଥା ହେଉଛି, ଏଥିରେ ଅଷ୍ଟ୍ରେଲିଆ କ୍ରିକେଟ୍ ଦଳର ଅଧିନାୟକ ପ୍ୟାଟ କମିନ୍ସଙ୍କୁ ସ୍ଥାନ ମିଳି ନାହିଁ । ଆଇସିସିର ପ୍ଲେଇଂ-୧୧ରେ ରୋହିତ ଶର୍ମାଙ୍କୁ ଅଧିନାୟକ କରାଯାଇଛି । ରୋହିତଙ୍କ ସହ ୫ ଭାରତୀୟ ଖେଳାଳି ବିରାଟ କୋହଲି, କେଏଲ୍ ରାହୁଲ୍, ରବୀନ୍ଦ୍ର ଜାଡ଼େଜା, ଯଶପ୍ରୀତ ବୁମରା ଓ ମୋହମ୍ମଦ ଶାମିଙ୍କୁ ସ୍ଥାନ ମିଳିଛି । ତାଲିକାରେ ୧୨ତମ ଖେଳାଳି ଭାବେ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ୍ ଗେଲାର୍ଡ କୋଏତ୍ଜିଙ୍କୁ ସ୍ଥାନ ମିଳିଛି ।
Best of the best 😍
— ICC (@ICC) November 20, 2023
Revealing the official CWC23 Team of the Tournament 👇https://t.co/WBmJnsdZ0e
ଆଇସିସିର ପ୍ଲେଇଂ-୧୧ରେ ଭାରତୀୟଙ୍କ ସହ ଦକ୍ଷିଣ ଆଫ୍ରିକାର ୱିକେଟ୍ ରକ୍ଷକ ଓପନର୍ କ୍ୱିଣ୍ଟନ୍ ଡିକକଙ୍କୁ ସ୍ଥାନ ମିଳିଛି । ବିଶ୍ୱକପ୍ ଚାମ୍ପିଅନ୍ ଅଷ୍ଟ୍ରେଲିଆ ଦଳର ୨ ଖେଳାଳିଙ୍କୁ ପ୍ଲେଇଂ-୧୧ରେ ସ୍ଥାନ ମିଳିଛି । ସ୍ପିନର୍ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ୍ ଓ ସ୍ପିନର ଏଡମ୍ ଜାମ୍ପାଙ୍କୁ ସ୍ଥାନ ମିଳିଛି ।
ଏଥିସହ ନ୍ୟୁଜିଲାଣ୍ଡର ଡେରେଲ୍ ମିଚେଲ ଓ ଶ୍ରୀଲଙ୍କାର ବ୍ୟାଟ୍ସମ୍ୟାନ ଦିଲଶାନ ମଦୁଶଙ୍କାଙ୍କୁ ସ୍ଥାନ ମିଳିଛି । ଅନ୍ୟପଟେ ପାକିସ୍ତାନ, ଆଫଗାନିସ୍ତାନ, ଇଂଲଣ୍ଡ, ନେଦରଲ୍ୟାଣ୍ଡ୍ସ ଓ ବାଂଲାଦେଶ ଟିମର ଜଣେ ବି ଖେଳାଳିଙ୍କୁ ପ୍ଲେଇଂ-୧୧ରେ ଜାଗା ମିଳିନି । ଖେଳାଳିଙ୍କ ପ୍ରଦର୍ଶନ ଆଧାରରେ ଆଇସିସି ପ୍ଲେଇଂ-୧୧ରେ ସ୍ଥାନିତ କରିଛି । ଏଥିପାଇଁ ହିଁ ସବୁଠୁ ଅଧିକ ୱିକେଟ୍ ନେଇଥିବା ଟପ୍-୫ ଖେଳାଳିଙ୍କୁ ସ୍ଥାନ ମିଳିଛି । ଅଲରାଉଣ୍ଡ ପ୍ରଦର୍ଶନ ପାଇଁ ସ୍ଥାନ ପାଇଛନ୍ତି ରବୀନ୍ଦ୍ର ଜାଡ଼େଜା ।