ହଲ୍ଦ୍ୱାନି(ଉତ୍ତରାଖଣ୍ଡ) ୧୨/୦୨: ହଲ୍ଦ୍ୱାନି ହିଂସାର ମାଷ୍ଟରମାଇଣ୍ଡ ଅବ୍ଦୁଲ ମଲିକକୁ ଦିଲ୍ଲୀରୁ ଗିରଫ କରାଯାଇଛି । ଦିଲ୍ଲୀ ପୁଲିସ ସୂତ୍ରରୁ ଏହା ଜଣାପଡ଼ିଛି । ଏହା ପୂର୍ବରୁ ହିଂସାକାଣ୍ଡ ସହ ଜଡ଼ିତ ୫ ଜଣଙ୍କୁ ଗିରଫ କରାଯାଇଥିଲା । ଏମାନଙ୍କ ମଧ୍ୟରେ ଦୁଇଜଣ ପୂର୍ବ ପାର୍ଷଦ ଏବଂ ସପା ନେତା ସାମିଲ ।
ରବିବାର ଚତୁର୍ଥ ଦିନରେ ହିଂସା ପ୍ରଭାବିତ ଅଞ୍ଚଳକୁ ଛାଡ଼ି ବାକି ସହରରେ ଇଣ୍ଟରନେଟ୍ ସେବା ସ୍ୱାଭାବିକ ହୋଇଛି । ତେବେ ବନଭୂଲପୁରା ଅଞ୍ଚଳକୁ ଏବେ ବି ସିଲ୍ କରି ରଖାଯାଇଛି । କର୍ଫ୍ୟୁ ଲାଗିଥିବା ଅଞ୍ଚଳରେ କ୍ଷୀର, ପରିବା ଏବଂ ଔଷଧ ଯୋଗାଣ ଆରମ୍ଭ ହୋଇଛି । ପୁଲିସ ଉପଦ୍ରବକାରୀଙ୍କ ଗିରଫଦାରି ପାଇଁ ଘରକୁ ଘର ବୁଲି ସର୍ଚ୍ଚ ଅପରେସନ ଚଳାଇଛି । ସ୍ଥାନୀୟ ପ୍ରଶାସନ ଏହି ଅପରେସନ ଲାଗି ଅର୍ଦ୍ଧସାମରିକ ବାହିନୀର ୪ ଅତିରିକ୍ତ କମ୍ପାନି ମାଗିଛି । ପ୍ରଶାସନ ପର୍ଯ୍ୟାୟକ୍ରମେ ଏହି ଅଞ୍ଚଳରେ କର୍ଫ୍ୟୁକୁ କୋହଳ କରିବା ଲାଗି ଯୋଜନା ବନାଉଛି।
