ଶ୍ରୀନଗର, ୧୬/୦୯: ଜମ୍ମୁକାଶ୍ମୀରର ବାରମୂଳା ଏଲଓସି ନିକଟ ଉରି, ହଥଲଙ୍ଗାରେ ଶନିବାର ୨ ଆତଙ୍କବାଦୀ ନିହତ ହୋଇଛନ୍ତି । ଏନକାଉଣ୍ଟରରେ ସୁରକ୍ଷାକର୍ମୀ ୨ ଆତଙ୍କୀଙ୍କୁ ନିପାତ କରିଛନ୍ତି । ଆଉ ୨ ଜଣ ଆତଙ୍କବାଦୀ ଲୁଚି ରହିଥିବା ଆଶଙ୍କା କରି ସର୍ଚ୍ଚ ଅପରେସନ୍ ଜାରି ରହିଛି ।
ସକାଳେ ଅଞ୍ଚଳରେ ଆତଙ୍କବାଦୀ ଥିବା ଜଣା ପଡ଼ିବା ପରେ ପୋଲିସ ଓ ସେନା ଯବାନ ମିଳିତ ଅଭିଯାନ ଆରମ୍ଭ କରିଥିଲେ । ପ୍ରଥମେ ଆତଙ୍କବାଦୀ ଗୁଳିମାଡ଼ ଆରମ୍ଭ କରିବା ପରେ ଜବାବ ଦେଇଥିଲେ ସୁରକ୍ଷାକର୍ମୀ । ଯବାନଙ୍କ ଗୁଳିରେ ୨ ଆତଙ୍କବାଦୀ ଟଳି ପଡ଼ିଛନ୍ତି ।
ଅନନ୍ତନାଗ ଏନ୍କାଉଣ୍ଟର: ଘଞ୍ଚ ଜଙ୍ଗଲରେ ରକ୍ତାକ୍ତ ଅବସ୍ଥାରେ ୧୦ ଘଣ୍ଟା ଲଢ଼ିଥିଲେ ମେଜର ଆଶିଷ
ବିଗତ ୬ ଦିନ ମଧ୍ୟରେ ଜମ୍ମୁକାଶ୍ମୀରରେ ଏହା ତୃତୀୟ ଗୁଳିବିନିମୟ । ସେପ୍ଟେମ୍ବର ୧୧ରେ ରାଜୌରିରେ ୨ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ଯବାନ ସହିଦ ହୋଇଥିଲେ । ଅନନ୍ତନାଗର କାକେରନାଗ ଜଙ୍ଗଲରେ ସେପ୍ଟେମ୍ବର ୧୩ରୁ ୪ ଦିନ ହେଲା ଏନକାଉଣ୍ଟର ଜାରି ରହିଛି । ଗୁଳିବିନିମୟରେ ୪ ଜଣ ଯବାନ ସହିଦ ହୋଇଥିବା ବେଳେ ସେନାର ଅପରେସନ୍ ଜାରି ରହିଛି ।
ଏଠାରେ ମଙ୍ଗଳବାର ସନ୍ଧ୍ୟାରେ ଗୁଳିବିନିମୟ ଆରମ୍ଭ ହୋଇଥିବା ବେଳେ ଏବେବି ଜାରି ରହିଛି । ଅନନ୍ତନାଗର ଘଞ୍ଚ ଜଙ୍ଗଲରେ ଆତଙ୍କବାଦୀ ଲୁଚି ରହିଛନ୍ତି । ଆତଙ୍କବାଦୀଙ୍କୁ ଖୋଜିବାକୁ ପ୍ରାୟ ୨ ହଜାର ଯବାନ ମୁତୟନ ହୋଇଛନ୍ତି । ଆତଙ୍କବାଦୀଙ୍କୁ ଧରିବାକୁ ଡ୍ରୋନ୍ ସର୍ଭେଲାନ୍ସ କରାଯାଉଥିବା ବେଳେ ରକେଟ୍ ଲଞ୍ଚରରୁ ଆକ୍ରମଣ କରାଯାଉଛି ।
ଖୋଲିଲା ହୀରାକୁଦ ଡ୍ୟାମ୍ର ଆଉ ୪ଟି ଗେଟ୍, ୨୬ଟି ଗେଟ୍ ଦେଇ ଜଳ ନିଷ୍କାସନ ଜାରି