ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ପୂର୍ବତନ କେନ୍ଦ୍ରମନ୍ତ୍ରୀଙ୍କ ପତ୍ନୀଙ୍କୁ ଇଡିର ସମନ୍‌, ମନି ଲଣ୍ଡରିଂ ମାମଲାରେ କରିବ ଜେରା

Image Courtesy: indiatvnews

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) କଂଗ୍ରେସ ନେତା ସଲମାନ ଖୁର୍ସିଦଙ୍କ ପତ୍ନୀ ଲୁଇସ ଖୁର୍ସିଦଙ୍କୁ ସମନ ପଠାଇଛି । ମିଳିଥିବା ସୂଚନା ଅନୁସାରେ, ଫେବୃଆରୀ ୧୫ରେ ହାଜର ହେବାକୁ ଲୁଇସ ଖୁର୍ସିଦଙ୍କୁ ନିର୍ଦ୍ଦେଶ ଦେଇଛି ଇଡି । ଲୁଇସ ଖୁର୍ସିଦଙ୍କ ନେତୃତ୍ବାଧୀନ ଏକ ଟ୍ରଷ୍ଟ ଦ୍ବାରା କୃତ୍ରିମ ଅଙ୍ଗ ଏବଂ ଉପକରଣ ବିତରଣରେ ସରକାରୀ ଅର୍ଥର ଦୁରୂପଯୋଗ ହୋଇଥିବା ଅଭିଯୋଗ ଆଧାରରେ ଇଡି ମାମଲା ଦାୟର କରିଛି ।

 ଲୁଇସଙ୍କ ବିରୁଦ୍ଧରେ ଇଡି ପ୍ରିଭେନ୍ସନ ଅଫ ମନି ଲଣ୍ଡରିଂ ଆକ୍ଟ (ପିଏମଏଲଏ) ଆଧାରରେ ମାମଲା ରୁଜୁ କରିଛି ।  ୨ ଦିନ ପୂର୍ବରୁ ଉତ୍ତର ପ୍ରଦେଶର ବରେଲିରେ ଥିବା ଏମପି-ଏମଏଲଏ କୋର୍ଟ ତାଙ୍କ ବିରୁଦ୍ଧରେ ଓ୍ବାରେଣ୍ଟ ଜାରି କରିବା ସହ ମାମଲାର ପରବର୍ତ୍ତୀ ଶୁଣାଣି ଫେବୃଆରୀ ୧୬ରେ କରିବେ ବୋଲି କହିଛନ୍ତି । ତେବେ ସଲମାନ ଖୁର୍ସିଦ ୟୁପିଏ ସରକାରରେ କେନ୍ଦ୍ରମନ୍ତ୍ରୀ ରହିଥିଲେ । ତାଙ୍କ ପତ୍ନୀଙ୍କ ବିରୁଦ୍ଧରେ ଏହି ମନି ଲଣ୍ଡରିଂ ମାମଲା ୨୦୧୭ରେ ଆରମ୍ଭ ହୋଇଥିଲା।  

୨୦୦୯-୧୦ରେ ଲୁଇସ ଖୁର୍ସିଦଙ୍କ ନେତୃତ୍ବରେ ଜାକିର ହୁସୈନ ମେମୋରିୟଲ ଟ୍ରଷ୍ଟ ପକ୍ଷରୁ ଦିବ୍ୟାଙ୍ଗଙ୍କ ପାଇଁ କୃତ୍ରିମ ଅଙ୍ଗ ଏବଂ ଉପକରଣ ବିତରଣ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ହେଲେ ଏହି କାର୍ଯ୍ୟକ୍ରମରେ ନକଲି ମୋହର ଏବଂ ଦସ୍ତଖତର ବ୍ୟବହାର କରି ସରକାରୀ ଅର୍ଥକୁ ହଡ଼ପ କରାଯାଇଥିବା ନେଇ ଜଣାପଡ଼ିଥିଲା । 

ଏହି ମାମଲାରେ ଟ୍ରଷ୍ଟର ପ୍ରୋଜେକ୍ଟ ମ୍ୟାନେଜର ଲୁଇସ ଖୁର୍ସିଦ, ଟ୍ରଷ୍ଟର ପ୍ରତିନିଧି ପ୍ରତ୍ୟୁଷ ଶୁକ୍ଳା ଏବଂ ସଚିବ ମହମ୍ମଦ ଅତହର ଫାରୁକି ମୁଖ୍ୟ ଅଭିଯୁକ୍ତ ଥିଲେ । ସେମାନଙ୍କ ମଧ୍ୟରୁ ଶୁକ୍ଳାଙ୍କର ୨୦୨୩ ମୃତ୍ୟୁ ହୋଇସାରିଛି । ଇଡି ଶୁକ୍ଳାଙ୍କ ପତ୍ନୀ ଏବଂ ଅନ୍ୟ ପରିବାର ସଦସ୍ୟଙ୍କ ବୟାନ ରେକର୍ଡ କରିଥିବା ବେଳେ ଏବେ ଲୁଇସ ଖୁର୍ସିଦଙ୍କୁ ପଚରା ଉଚରା କରିବାକୁ ସମନ ପଠାଇଛି । 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.