ନୂଆଦିଲ୍ଲୀ, ୧୪/୦୯: ଆସନ୍ତା ମାସ ପହିଲାରୁ ଦେଶରେ ଜନ୍ମ ଓ ମୃତ୍ୟୁ ପଞ୍ଜିକରଣ ସଂଶୋଧିତ ଅଧିନିୟମ ଲାଗୁ ହେବ । ଏନେଇ ଗୃହ ମନ୍ତ୍ରଣାଳୟ ପକ୍ଷରୁ ଅଧିସୂଚନା ଜାରି ହୋଇଛି । କୌଣସି ଶିକ୍ଷାନୁଷ୍ଠାନରେ ନାମଲେଖା, ଡ୍ରାଇଭିଂ ଲାଇସେନ୍ସ, ଭୋଟର ଲିଷ୍ଟ, ଆଧାର, ବିବାହ ପଞ୍ଜିକରଣ ଓ ସରକାରୀ ଚାକିରି ଲାଗି ଏକମାତ୍ର ଦସ୍ତାବିଜ୍ ଭାବେ ଜନ୍ମପ୍ରମାଣ ପତ୍ର ବ୍ୟବହାର କରାଯିବ ।
ଅକ୍ଟୋବର ପହିଲାରୁ ନୂଆ ନିୟମ କାର୍ଯ୍ୟକାରୀ ହେବ । ଗତ ମାସରେ ସଂସଦର ଉଭୟ ଗୃହରେ ଜନ୍ମ ଓ ମୃତ୍ୟୁ ପଞ୍ଜିକରଣ (ସଂଶୋଧନ) ବିଲ୍ ୨୦୨୩ ପାରିତ ହୋଇଥିଲା । ରାଜ୍ୟସଭାରେ ଏହି ବିଲ୍ ଅଗଷ୍ଟ ୭ରେ ପାରିତ ହୋଇଥିବା ବେଳେ ଲୋକସଭାରେ ୧ ଅଗଷ୍ଟରେ ପାସ୍ ହୋଇଥିଲା ।
ଜନ୍ମ ଓ ମୃତ୍ୟୁ ପଞ୍ଜିକରଣ ପଛର ମୁଖ୍ୟ ଉଦ୍ଦେଶ୍ୟ ହେଉଛି, କେନ୍ଦ୍ର ଓ ରାଜ୍ୟ ସ୍ତରରେ ଜନ୍ମ ଓ ମୃତ୍ୟୁ ଡାଟାବେସ୍ ପ୍ରସ୍ତୁତ କରିବା । ଏହି ନିୟମ ଲାଗୁ ହେବା ପରେ ରାଜ୍ୟ ଓ କେନ୍ଦ୍ର ସରକାର ଜନ୍ମ ଓ ମୃତ୍ୟୁ ତଥ୍ୟ ସହଜରେ ଦେଇ ପାରିବେ ।
ଏଥିସହ ରାଜ୍ୟ ପକ୍ଷରୁ ମୁଖ୍ୟ ରେଜିଷ୍ଟ୍ରାରଙ୍କୁ ନିଯୁକ୍ତି ଦିଆଯିବ । ଚିଫ୍ ରେଜିଷ୍ଟ୍ରାର ରାଜ୍ୟସ୍ତରରେ ତଥ୍ୟରୁ ସଂରକ୍ଷିତ ରଖିବେ । ବ୍ଲକ ସ୍ତରରେ ଏହି କାମ ରେଜିଷ୍ଟ୍ରର କରିବେ । ଏହାଦ୍ୱାରା ଦେଶବ୍ୟାପୀ ଜନ୍ମ ଓ ମୃତ୍ୟୁ ଡାଟାବେସ୍ ପ୍ରସ୍ତୁତ ହୋଇ ପାରିବ । ରାସନ କାର୍ଡ, ଭୋଟର ପରିଚୟପତ୍ର ଆଦି ପ୍ରସ୍ତୁତ ସହଜ ହୋଇଯିବ ।
ଅନଲୋଡ୍ ବେଳେ ଫାଟିଲା ଅକ୍ସିଜେନ୍ ସିଲିଣ୍ଡର, ଉଡ଼ିଗଲା ୨ କର୍ମଚାରୀଙ୍କ ହାତ ପାପୁଲି
