ନୂଆଦିଲ୍ଲୀ,୩୧/୦୫: ଯେକୌଣସି ଚଳଚ୍ଚିତ୍ରର କାହାଣୀ ପରି, କ୍ରିକେଟ୍ ମ୍ୟାଚ୍ରେ ଡ୍ରାମା ଏବଂ ସସପେନ୍ସ ମାମଲା ଅନେକ ରହିଛି। ପୂର୍ବରୁ କୌଣସି ଡିଆର୍ଏସ୍ ନଥିଲା, ତେଣୁ ଖେଳାଳିମାନେ ଅମ୍ପାୟାରଙ୍କ ନିଷ୍ପତ୍ତି ଅନୁସରଣ କରିବାକୁ ବାଧ୍ୟ ହେଉଥିଲେ। କିନ୍ତୁ ଯଦିଓ ଗତ କିଛି ବର୍ଷ ମଧ୍ୟରେ ଟେକ୍ନୋଲୋଜିର ଉନ୍ନତି ହୋଇଛି, ତଥାପି ଅମ୍ପାୟାରଙ୍କ ନିଷ୍ପତ୍ତିକୁ ନେଇ ଅନେକ ଥର ବିବାଦ ଉପୁଜିଛି। ଏହା ବ୍ୟତୀତ, ବେଳେବେଳେ ନୋ ବଲ୍ ତ ଆଉ କେଳେବେଳେ ଖେଳାଳିମାନେ ଦୁଷ୍କର୍ମ ମାମଲାରେ ବିବାଦ ଭିତରକୁ ଆସିଛନ୍ତି। ବିଶେଷକରି ଟି -୨୦ ବିଶ୍ୱକପ ୨୦୨୨ ବିବାଦୀୟ ଘଟଣା ଦ୍ୱାରା ଘେରି ରହିଥିଲା। ତେବେ କହିରଖୁଛୁ ଯେ, ୨୦୨୨ ରେ ବିଶ୍ୱକପ୍ର ପାଞ୍ଚଟି ବିବାଦୀୟ ଘଟଣା ସମସ୍ତଙ୍କୁ ଚକିତ କରିଥିଲା।
ସାକିବ୍ ଅଲ୍ ହସନ୍ଙ୍କ ଏଊ୍ବିଡବ୍ଳୁ ଆଉଟ୍:
୬ ନଭେମ୍ବର ୨୦୨୨ ରେ, ଟି ୨୦ ବିଶ୍ୱକପ ୨୦୨୪ରେ ଗ୍ରୁପ୍ ୨ର ବାଂଲାଦେଶ ବନାମ ପାକିସ୍ତାନ ମ୍ୟାଚ୍ ଖେଳାଯାଉଥିଲା। ବାଂଲାଦେଶ ପ୍ରଥମେ ବ୍ୟାଟିଂ କରୁଥିଲା, କିନ୍ତୁ ଯେତେବେଳେ ଦଳର ଅଧିନାୟକ ଶାକିବ ଅଲ ହସନ କ୍ରିଜକୁ ଆସିଥିଲେ, ସେତେବେଳେ ସେ ତାଙ୍କର ପ୍ରଥମ ବଲରେ ଏଲବିଡବ୍ଲୁ ଆଉଟ୍ ହୋଇଥିଲେ। ସେ ଭାବିଲେ ଯେ, ବଲ୍ ତାଙ୍କ ବ୍ୟାଟ୍ରେ ବାଜିଛି, ତେଣୁ ସେ ତୁରନ୍ତ ଡିଆର୍ଏସ୍ ନେଇଥିଲେ। ଶାକିବ ଭାବିଥିଲେ ଯେ, ବଲ୍ ପ୍ରଥମେ ବ୍ୟାଟ୍ ଏବଂ ପରେ ପ୍ୟାଡ୍ରେ ବାଜିଥିଲା। କିନ୍ତୁ ସେହି ସମୟରେ ଯେତେବେଳେ ବଲ୍ ବ୍ୟାଟ୍ରେ ବାଜିଥିଲା, ସେତେବଳେ ବ୍ୟାଟ୍ ମାଟିକୁ ଲାଗିଥିଲା। ଟିବି ଅମ୍ପାୟାର ଦୀର୍ଘ ସମୟ ଧରି ରିପ୍ଲେ ଦେଖୁଥିଲେ ଏବଂ ସ୍ନିକୋମିଟରର ସାହାଯ୍ୟ ମଧ୍ୟ ନେଇଥିଲେ। ତୃତୀୟ ଅମ୍ପାୟାର କହିଛନ୍ତି ଯେ ବଲ୍ ବ୍ୟାଟ୍ରେ ବାଜିନଥିଲା, ଏବଂ ସ୍ନିକୋମିଟରରେ ବ୍ୟାଟ ଓ ମାଟିରେ ବାଜିବା ହେତୁ ସ୍ପାଇକ୍ ହୋଇଥିଲା। ଏହି କାରଣରୁ ଶାକିବଙ୍କୁ ଆଉଟ୍ କରାଯାଇଥିଲା, କିନ୍ତୁ ବଲ୍ରେ ବ୍ୟାଟ୍ ବାଜିଥିବା ନେଇ ସେ ଦୃଢ଼ ଯୁକ୍ତି ବାଢ଼ିଥିଲେ। ତେଣୁ ଏହି ନିଷ୍ପତ୍ତି ହେତୁ ଶାକିବ ଗ୍ରାଉଣ୍ଡ ଅମ୍ପାୟାରଙ୍କ ସହ ଯୁକ୍ତତର୍କ କରିଥିଲେ।
ବିରାଟ କୋହଲିଙ୍କ ଫେକ୍ ଫିଲ୍ଡିଂ:
୨୦୨୨ ବିଶ୍ୱକପରେ ଭାରତ ବନାମ ବାଂଲାଦେଶ ମ୍ୟାଚ୍ ଅନୁଷ୍ଠିତ ହୋଇଥିଲା ଯେଉଁଥିରେ ଭାରତୀୟ ଦଳ ୫ ରନ୍ରେ ଜିତିଥିଲା। ତେବେ ଘଟଣାଟି ବାଂଲାଦେଶ ଇନିଂସର ସପ୍ତମ ଓଭରରେ ଘଟିଥିଲା, ଯେଉଁଥିରେ ଲିଟନ୍ ଦାସ ଅଫ୍ ସାଇଡ୍ ଆଡ଼କୁ ବଲ୍ ଖେଳିଥିଲେ। ଏଭଳି ପରିସ୍ଥିତିରେ ଅର୍ଶଦୀପ ସିଂ ସ୍କ୍ବାୟର ପୋଜିସନ୍ରେ ବହୁତ ଗଭୀର ଭାବରେ ଠିଆ ହୋଇଥିଲେ। ବଲ୍ ଅର୍ଶଦୀପଙ୍କ ପାଖକୁ ଯାଉଥିଲା, କିନ୍ତୁ ପଏଣ୍ଟ ସ୍ଥିତିରେ ଠିଆ ହୋଇଥିବା ବିରାଟ କୋହଲି ତାଙ୍କୁ ହାତରେ ବଲ୍ ନଥାଇ ବଲ୍ ଫିଙ୍ଗିବାକୁ ସଙ୍କେତ ଦେଇଥିଲେ। ମ୍ୟାଚ୍ ପରେ ବାଂଲାଦେଶୀ ଖେଳାଳି ନୁରୁଲ ହାସନ କହିଛନ୍ତି ଯେ ଯଦି ଗ୍ରାଉଣ୍ଡ ଅମ୍ପାୟାରମାନେ କୋହଲିଙ୍କ ଏହି କାର୍ଯ୍ୟକଳାପ ଦେଖିଥିବେ ତେବେ ଆମକୁ ଅତିରିକ୍ତ ୫ ରନ୍ ମିଳିବାର ଥିଲା।ତେବେ କମେଣ୍ଟ୍ରି କରିବା ବେଳେ ମଧ୍ୟ ଆକାଶ ଚୋପ୍ରା କହିଥିଲେ ଯେ କୋହଲି ଫେକ୍ ଫିଲ୍ଡିଂ କରିଛନ୍ତି।
ବିରାଟଙ୍କ ନୋ ବଲ୍ ବିବାଦ:
ଟି ୨୦ ବିଶ୍ୱକପରେ ଭାରତ ଏକ ରୋମାଞ୍ଚକର ମ୍ୟାଚରେ ପାକିସ୍ତାନକୁ ୪ ୱିକେଟରେ ପରାସ୍ତ କରିଥିଲା। ଭାରତର ଇନିଂସ ୨୦ ଓଭରରେ ପହଞ୍ଚିଥିଲା ଏବଂ ଶେଷ ୩ ବଲରେ ଦଳକୁ ୧୩ ରନ୍ର ଆବଶ୍ୟକ ଥିଲା। ଏହି ସମୟରେ ମହମ୍ମଦ ନୱାଜ ଫୁଲ୍ ଟସ୍ ବୋଲିଂ କରିଥିଲେ, ଯେଉଁଥିରେ କୋହଲି ଏକ ଛକା ମାରିଥିଲେ। ପରେ କୋହଲି ଏହାକୁ ନୋ ବଲ୍ ଦାବି କରିଥିଲେ ଏବଂ ଏହାକୁ ନୋ ବଲ୍ ବୋଲି ମଧ୍ୟ ଘୋଷଣା କରାଯାଇଥିଲା। ବାବର ଆଜାମ ମଧ୍ୟ ଅମ୍ପାୟାରଙ୍କ ସହିତ ବିରାଟଙ୍କ ଅପିଲକୁ ଭୁଲ ଦର୍ଶାଇ ଝଗଡ଼ା କରିଥିଲେ କିନ୍ତୁ କୌଣସି ସମୀକ୍ଷା କରାଯାଇ ନଥିଲା। ବଲର ଉଚ୍ଚତାକୁ ଦେଖିଲେ ଏହା କୋହଲିଙ୍କ ଅଣ୍ଟା ଉପରକୁ ଥିଲା ବୋଲି ସ୍ପଷ୍ଟ କରିବା କଷ୍ଟସାଧ୍ୟ ଥିଲା। ବିରାଟ କ୍ରିଜରୁ ବାହାରି ଥିବାରୁ ଏହି ବିବାଦ ମଧ୍ୟ ବଢ଼ିଥିଲା। ପାକିସ୍ତାନୀ ଖେଳାଳିମାନେ ତଥାପି କହୁଥିଲେ ଯେ, ଏହା ନୋ ବଲ୍ ନଥିଲା।