ଆଣ୍ଟିଗୁଆ: ଟି-୨- ବିଶ୍ବକପ ୨୦୨୪ରେ ସୁପର-୮ ମୁକାବିଲା ଆଜିଠୁ ଆରମ୍ଭ ହୋଇଛି । ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକା ବିଜୟୀ ହୋଇଛି । ୧୮ ରନ୍ ବିଜୟୀ ହେବା ସହ ଆମେରିକାକୁ ପରାସ୍ତ କରିଛି ଦକ୍ଷିଣ ଆଫ୍ରିକା । ଆମେରିକା ଦଳ ସଂଘର୍ଷ କରିଥିଲେ ସୁଦ୍ଧା ୨୦ ଓଭର ସୁଦ୍ଧା ୬ ଓ୍ବିକେଟ ହରାଇ ୧୭୬ ରନ୍ ସଂଗ୍ରହ କରିପାରିଛି ।
ଆମେରିକାର ଓ୍ବିକେଟ କିପର ଆଣ୍ଡ୍ରିଜ୍ ଗୋସ୍ ସର୍ବାଧିକ ୮୦ ରନ୍ କରିଛନ୍ତି । ତାଙ୍କ ବ୍ୟତୀତ ହରମିତ ସିଂହ ୩୮ ରନ୍ କରିଥିବା ବେଳେ ଷ୍ଟିଭେନ୍ ଟେଲର ୨୪ ରନ୍ କରିଛନ୍ତି । ହେଲେ ଅନ୍ୟମାନେ ଭଲ ପ୍ରଦର୍ଶନ କରିପାରି ନାହାନ୍ତି । ସେପଟେ ଦକ୍ଷିଣ ଆଫ୍ରିକାର କାଗିସୋ ରାବାଡା ସର୍ବାଧିକ ୩ଟି ଓ୍ବିକେଟ ନେଇଛନ୍ତି । ସେହିଭଳି କେଶବ ମହାରାଜ, ଏନରିଚ୍ ନୋର୍ତଜେ ଏବଂ ତାବରିଜ୍ ଶାମସି ଗୋଟିଏ ଲେଖାଏଁ ଓ୍ବିକେଟ ଅକ୍ତିଆର କରିଛନ୍ତି ।
ସୁପର-୮ର ପ୍ରଥମ ମ୍ୟାଚ୍ରେ ମୁହାଁମୁହିଁ ହୋଇଥିଲେ ଦକ୍ଷିଣ ଆଫ୍ରିକା ଓ ଆମେରିକା। ପ୍ରଥମେ ବ୍ୟାଟିଂ କରିଥିବା ଦକ୍ଷିଣ ଆଫ୍ରିକା ୪ ଓ୍ଵିକେଟ୍ ହରାଇ ୧୯୪ ରନର ବିଶାଳ ସ୍କୋର କରିଥିଲା । କ୍ଵିଣ୍ଟନ ଡି କକ୍ ୭୪ ରନର ବିସ୍ଫୋରକ ଇନିଂସ ଖେଳିଥିବା ବେଳେ ଆଡନ ମାରକ୍ରମ ୪୬ ଓ ହେନରିଚ କ୍ଲାସେନ ୩୬ ରନର ଅପରାଜିତ ଇନିଂସ ଖେଳିଥିଲେ । ଡେଥ ଓଭରରେ କ୍ଲାସେନ ଓ ଟ୍ରିଷ୍ଟାନ ଷ୍ଟବ୍ସ ୫୦ ରନ ଯୋଡ଼ି ଦକ୍ଷିଣ ଆଫ୍ରିକା ସ୍କୋରକୁ ୧୯୦ ପାର କରିଥିଲେ । ଆମେରିକା ପକ୍ଷରୁ ସୌରଭ ନେତ୍ରାଭଲକର ଓ ହରମୀତ ସିଂ ପ୍ରତ୍ୟେକ ଦୁଇଟି ଲେଖାଏଁ ଓ୍ଵିକେଟ୍ ନେଇଥିଲେ ।