ନୂଆଦିଲ୍ଲୀ : ଭାରତ ଓ ବାଂଲାଦେଶ ମଧ୍ୟରେ ଦୁଇଟି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ୍ ଶୁକ୍ରବାର ଠାରୁ କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ଖେଳା ଯାଉଛି। ଭାରତ ଟସ୍ ଜିତି ପ୍ରଥମେ ବୋଲିଂର ନିଷ୍ପତ୍ତି ନେଇଛି। ବାଂଲାଦେଶରେ ହେଉଥିବା ସଂଖ୍ୟାଲଘୁଙ୍କ ଉପରେ ହମଲା କାରଣରୁ କ୍ରିକେଟ୍ ଟିମ୍ର ଖେଳାଳିଙ୍କ ପାଇଁ ସୁରକ୍ଷା ବ୍ୟବସ୍ଥାକୁ କଡ଼ା କଡ଼ି କରାଯାଇଛି।
ହେଲେ ମ୍ୟାଚ୍ ବିରୋଧରେ ଶୁକ୍ରବାର ସକାଳେ ଭିଏଚପି ବାଂଲାଦେଶର ପତାକା ଜଳାଇ ହଙ୍ଗାମା କରିଥିଲା। ଏହି ସମୟରେ ରିପୋର୍ଟ ସାମନାକୁ ଆସିଥିଲା ଯେ, ବାଂଲାଦେଶର ପ୍ରଶଂସକ ଟାଇଗର ରବିଙ୍କୁ ଅଭିଯୋଗ ମୁତାବତ କିଛି ଲୋକ ମାରପିଟି କରିଥିଲେ ଏବଂ ତାଙ୍କ ଠାରୁ ପତାକା ଛଡ଼େଇ ନେଇଥିଲେ। ଏହି ସମୟରେ ରବିଙ୍କୁ ଆଘାତ ଲାଗିଛି, ଏହାପରେ ପୁଲିସ ତାଙ୍କୁ ହସ୍ପିଟାଲରେ ଭର୍ତ୍ତି କରାଇଛି। ହେଲେ ସ୍ଥାନୀୟ ପୁଲିସ ବୟାନ ଜାରି କରି କହିଛି କି , ତାଙ୍କ ସହ ମାରପିଟି ହେବାର ଖବର ମିଛ। ରବି ହସ୍ପିଟାଲରୁ ଏକ ଭିଡ଼ିଓ ମାଧ୍ୟମରେ କହିଛନ୍ତି କି ତାଙ୍କ ସ୍ୱାସ୍ଥ୍ୟ ଖରାପ ଥିଲା , ଯେଉଁଥି ପାଇଁ ସେ ଖୁବ୍ ଚିନ୍ତିତ ହୋଇ ଯାଇଥିଲେ।
ରିପୋର୍ଟ ମୁତାବିକ , ବାଂଲାଦେଶର କ୍ରିକେଟ ପ୍ରଶଂସକ ଟାଇଗର ରବିଙ୍କୁ ଶୁକ୍ରବାର ଗ୍ରୀନ ପାର୍କ ଷ୍ଟାଡିୟମରେ କିଛି ଦର୍ଶକଙ୍କ ପାଇଁ ମାରପିଟି କରାଯାଇ ଥିଲା। ତାଙ୍କର ପେଟର ତଳ ଭାଗରେ ଆଘାତ ଲାଗିଥିଲା। ଏହାପରେ ତାଙ୍କୁ ପୁଲିସର ଉପସ୍ଥିତିରେ ହସ୍ପିଟାଲ ନିଆଯାଇଥିଲା।
ଟାଇଗର ରବି ସ୍ପୋର୍ଟ୍ସଷ୍ଟାରକୁ କହିଥିଲେ, ସେମାନେ ମୋର ପିଠି ଏବଂ ପେଟର ତଳ ଭାଗକୁ ମାଡ଼ ମାରିଥିଲେ। ମୁଁ ନିଶ୍ୱାସ ନେବାରେ କଷ୍ଟ ଅନୁଭବ କରୁଛି।
ହେଲେ ଏହି ମାମଲାକୁ ନେଇ ନୂଆ ଅପଡେଟ୍ ସାମନାକୁ ଆସିଛି। ରେଭସ୍ପୋର୍ଟସ ସହ କଥାବାର୍ତ୍ତା ବେଳେ କାନପୁର ପୁଲିସ କହିଛି ଯେ , ମାରପିଟି ଘଟଣା ମିଛ ଏବଂ ତାଙ୍କୁ ହସ୍ପିଟାଲରେ ସ୍ୱାସ୍ଥ୍ୟ ଖରାପ ହେବାର କାରଣରୁ ଭର୍ତ୍ତି କରାଯାଇଛି।
