ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ବିଦେଶୀ ଜାହାଜରୁ ୨୨୦ କୋଟିର କୋକେନ୍‌ ଜବତ ଘଟଣା: ସ୍ଥାନୀୟ ଯୁବକ ସନ୍ଦେହ ଘେରରେ, ପୂରା ତଥ୍ୟ ଖୋଲୁନି କଷ୍ଟମ୍‌ସ୍‌ ବିଭାଗ

ପାରାଦୀପ, ୦୪/୧୨: ପାରାଦୀପ  ବନ୍ଦରର ପିଆଇସିଟି ବର୍ଥରେ ଲାଗିଥିବା ଜାହାଜ ଏମ୍‌ଭି ଦେବୀରୁ ଜବତ ହୋଇଥିବା ୨୨୦ କୋଟି ମୂଲ୍ୟର  କୋକେନ୍‌କୁ କଡ଼ା ସୁରକ୍ଷା ବଳୟ ମଧ୍ୟରେ ଶନିବାର ବିଳମ୍ବିତ ରାତିରେ  ଜାହାଜରୁ ଅଣାଯାଇ ପାରାଦୀପର  କଷ୍ଟମ୍‌ସ୍‌ କାର୍ଯ୍ୟାଳୟରେ ରଖାଯାଇଛି । ସୋମବାର ମାଜିଷ୍ଟ୍ରେଟ୍‌ଙ୍କ ଉପସ୍ଥିତିରେ ଯାଞ୍ଚ୍‌ କରାଯିବା ପରେ କୋର୍ଟକୁ ଜବତ କୋକେନ୍‌ ହସ୍ତାନ୍ତର କରାଯିବ ବୋଲି  ଜଣାପଡ଼ିଛି । ତେବେ ତିନି ଦିନ ଧରି  ଲଗାତାର ଏହି ଘଟଣା ଉପରେ କଷ୍ଟମ୍‌ସ୍‌ ବିଭାଗ ପକ୍ଷରୁ ଖୋଳତାଡ଼  ଚାଲିଥିବା ବେଳେ ବିଭାଗ ପକ୍ଷରୁ  କୌଣସି ସ୍ପଷ୍ଟ ସୂଚନା ଗଣମାଧ୍ୟମକୁ  ପ୍ରଦାନ କରାଯାଉ ନଥିବାରୁ ଦ୍ୱନ୍ଦ୍ୱ ପ୍ରକାଶ ପାଇଛି ।  

ଏହି ଘଟଣା ଉପରେ ନଜର ରଖୁଥିବା ବିଭିନ୍ନ ଗଣମାଧ୍ୟମ, ସ୍ଥାନୀୟ  ପୁଲିସ, ଇଣ୍ଟେଲିଜେନ୍ସ ବିଭାଗ,  ଇମିଗ୍ରେସନ୍‌ ଭଳି ବିଭାଗ ଗୁଡ଼ିକ ମଧ୍ୟ  ଅନ୍ଧାରରେ ରହୁଥିବା ଚର୍ଚ୍ଚାକୁ ଆସିଛି ।  ଏ ବିଷୟରେ କୌଣସି ବିଭାଗ ତଥ୍ୟ  ଦେବାକୁ କୁନ୍ଥକୁନ୍ଥ ହେଉଥିବା ବେଳେ  ତଦନ୍ତ ଦାୟିତ୍ୱରେ ଥିବା କଷ୍ଟମ୍‌ସ୍‌  ବିଭାଗ ଗଣମାଧ୍ୟମଠୁ ଯଥେଷ୍ଟ ଦୂରତା ବଜାୟ ରଖୁଥିବା ଦେଖିବାକୁ ମିଳୁଛି ।  ତେବେ ଏହି ଘଟଣାକୁ ନେଇ କିଛି  ସେକେଣ୍ଡର ଏକ ଭିଡିଓ ଗତକାଲି  ଭାଇରାଲ୍‌ ହେବା ପରେ ଏଥିରେ ଜଣେ  ସ୍ଥାନୀୟ ଯୁବକଙ୍କ ସଂପୃକ୍ତିକୁ ନେଇ ଚର୍ଚ୍ଚା  ହେଉଥିଲା । ଏପରିକି ଉକ୍ତ ଯୁବକ  ଜାହାଜକୁ ମାଛ ଯୋଗାଇବାକୁ ଯାଇଥିବା  କଥା କୁହାଯାଉଥିବା ବେଳେ ତାଙ୍କୁ  କୁଆଡ଼େ ପୁଲିସ ଡାକି ପଚରାଉଚରା  କରି ଛାଡ଼ି ଦେଇଥିବା ଚର୍ଚ୍ଚା ହେଉଛି ।  ପାରାଦୀପ ଆଦର୍ଶ ଥାନା ପକ୍ଷରୁ ଯଦିଓ  ଏ ଘଟଣାକୁ ଖଣ୍ଡନ କରାଯାଇଛି କିନ୍ତୁ  ଯୁବକ ଜଣକ ନୂଆବଜାର ଅଞ୍ଚଳର  ବୋଲି ଜଣାପଡ଼ିଛି । 

ଏପରିକି ଗତ  ଶୁକ୍ରବାର ଦିନ ଗୋଟିଏ ସିଫ୍‌ଟ ଅର୍ଥାତ୍‌  ପାଖାପାଖି ୮ ଘଣ୍ଟା ଧରି ଜାହାଜରେ  ଯିବାକୁ ଥିବା ଷ୍ଟିଲ୍‌ ବୋଝେଇ  କରାଯାଇଥିଲା । ହେଲେ ଯେତେବେଳେ  କୋକେନ୍‌ ବିଷୟରେ ଜଣାପଡ଼ିଥିଲା  ସେତେବେଳେ ଏହି ବୋଝେଇ କାମକୁ  ବନ୍ଦ କରି ଦିଆଯାଇଥିଲା । ଜାହାଜରେ  ପ୍ରାୟ ୩୨ ହଜାର ମେଟ୍ରିକ୍‌ ଟନ୍‌ ଷ୍ଟିଲ୍‌  ବୋଝେଇ ହୋଇଥିବା ଜଣାପଡ଼ିଛି । ଏବେ ଜାହାଜଟି ବର୍ଥରେ ଅଟକ ରହିଥିବା ବେଳେ ଜାହାଜକୁ ଏହା  ପରେ କ’ଣ କରାଯିବ ବା କ’ଣ  ପଦକ୍ଷେପ ନିଆଯିବ ତାହା ସ୍ପଷ୍ଟ  ହୋଇନାହିଁ । ଜାହାଜରୁ ମାଲ୍‌ ଖଲାସ କରାଯିବାର ସମ୍ଭାବନା ମଧ୍ୟ ରହିଛି । କଷ୍ଟମ୍‌ସ୍‌ ବିଭାଗ ପକ୍ଷରୁ ଯାଞ୍ଚ୍‌ ପ୍ରକ୍ରିୟା ଏବେ ବି ଚାଲିଥିବା ବେଳେ ଖୁବ୍‌  ଶୀଘ୍ର ବିଭାଗ ଗିରଫଦାରୀ ବାବଦରେ  ଘୋଷଣା କରିବ ବୋଲି ଜଣାପଡ଼ିଛି ।  ତଦନ୍ତ ଦାୟିତ୍ୱରେ ଥିବା ବିଭାଗର  ଜଣେ ବରିଷ୍ଠ ଅଧିକାରୀଙ୍କୁ ଏନେଇ  ‘ପ୍ରମେୟ’ ତରଫରୁ ପଚରାଯିବାରେ  ନୋ’ କମେଣ୍ଟ କହି ସେ ଫୋନ୍‌  କାଟି ଦେଇଥିଲେ । ପୂରା ଘଟଣାକ୍ରମ  ବିଷୟରେ ବିଭାଗର ସାନରୁ ବଡ଼  ଅଧିକାରୀ କେହି ହେଲେ ମୁହଁ ଖୋଲିବାକୁ ଚାହୁଁନଥିବା ଜଣାପଡ଼ିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.