ବେଙ୍ଗାଲୁରୁ,୧୫/୦୩: କର୍ଣ୍ଣାଟକରେ ତେଜୁଛି ଅଳିଆ ବିବାଦ । ରାଜଧାନୀ ବେଙ୍ଗାଲୁରୁରେ ଅଳିଆକୁ ନେଇ ରାଜନୀତି ଉଷ୍ମ ହେଉଛି । ରାଜ୍ୟ ସରକାରଙ୍କ ଉପରେ ଆରୋପ ପ୍ରତ୍ୟାରୋପ ଲଗାଯାଉଛି । ଖାଲି ସେତିକି ନୁହେଁ ବିଧାୟକମାନେ ସରକାରଙ୍କୁ ବ୍ଲାକମେଲ କରୁଥିବା ଉପମୁଖ୍ୟମନ୍ତ୍ରୀ ଡିକେ ଶିବକୁମାର ଦାବି କରିଛନ୍ତି । ବିଭିନ୍ନ ରାଜନୈତିକ ଦଳର ବିଧାୟକ ଅଳିଆ ସଙ୍କଟକୁ ନେଇ ରାଜ୍ୟ ସରକାରଙ୍କୁ ବ୍ଲାକମେଲ କରୁଛନ୍ତି । କାହାର ନାଁ ନ ନେଇ ଅଭିଯୋଗ ଆଣିଛନ୍ତି ଉପମୁଖ୍ୟମନ୍ତ୍ରୀ ।
ରାଜଧାନୀ ବେଙ୍ଗାଲୁରୁରେ ବିଭିନ୍ନ ସ୍ଥାନରେ ଅଳିଆ ଆବର୍ଜନା ଗଦା ହୋଇ ରହିଛି । ଅଳିଆ ସଫାରେ ନିୟୋଜିତ ଗାଡି ଫସି ରହିଛି । ତେଣୁ ଅଳିଆ ସଫା ହୋଇପାରୁନାହିଁ । ଏମ ନାଗାରାଜୁଙ୍କ ଏହି ବୟାନର ଜବାବ ଦେଇ ଡେରୁଟୀ ସିଏମ୍ ଅଭିଯୋଗ କରିଛନ୍ତି କି,ଅଳିଆ ପରିଚାଳନାକୁ ନିୟନ୍ତ୍ରଣ କରିବାକୁ ଏକ ମାଫିଆ ଅଛି । ଠିକା ସଂସ୍ଥା ୮୫ପ୍ରତିଶତ ବୃଦ୍ଧି କରିବାକୁ କହିଛି। ଆମକୁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଟକାଇବାକୁ ସେମାନେ କୋର୍ଟର ଦ୍ବାରସ୍ଥ ହୋଇଛନ୍ତି ।
ମୁଁ ନାଁ ନେବାକୁ ଚାହୁଁନାହିଁ- କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡିକେ ଶିବକୁମାର ଅଭିଯୋଗ ଆଣିଛନ୍ତି କି, ବିଭିନ୍ନ ରାଜନୈତିକ ଦଳର ବିଧାୟକ ଆମକୁ ବ୍ଲାକମେଲ କରୁଛନ୍ତି । ମୁଁ କାହାର ନାମ ନେବାକୁ ଚାହୁଁନାହିଁ । ମୁଁ କେବଳ ସମସ୍ତଙ୍କ ଆଗରେ ସତ ଆଣିବାକୁ ଯାଉଛି । ବେଙ୍ଗାଲୁରୁ ବିଧାୟକ ସରକାରଙ୍କୁ ବ୍ଲାକମେଲ କରୁଛନ୍ତି କାରଣ ସେ ଚାହୁଁଛନ୍ତି ସେମାନଙ୍କ ବିକାଶ ନିଧି ୮୦୦କୋଟି ଟଙ୍କା କରାଯାଉ ।
ଅଧିକ ପଡନ୍ତୁ...କର୍ଣ୍ଣାଟକ ସରକାରଙ୍କ ବଡ଼ ନିଷ୍ପତ୍ତି, ମନମାନୀ କରିପାରିବେନି ମଲ୍ଟିପ୍ଲେକ୍ସ !
କାହିଁକି ହୋଇପାରୁ ନାହିଁ ସମାଧାନ- ଅଳିଆ ବିବାଦକୁ ନେଇ ଉପମୁଖ୍ୟମନ୍ତ୍ରୀ ଡିକେ ଶିବକୁମାର କହିଛନ୍ତି, ଆଇନଗତ କାର୍ଯ୍ୟ ପାଇଁ କାମ ଅଟକିଛି । ଏହି ଯୋଜନାରେ ଲାଗିଥିବା ଗାଡି ୩ ଦିନ ହେବ ସହରଠୁ ଦୂର ମହାଦେବପୁରାରେ ଫସି ରହିଛି । ଅଳିଆ ସମସ୍ୟାରୁ ମୁକୁଳିବା କାମ ଖୁବଶୀଘ୍ର ହେବ । ଉପଯୁକ୍ତ ବ୍ୟବସ୍ଥା କରାଯିବ । ସୋମବାର ଗୃହରେ ଏ ନେଇ ବିସ୍ତୁତ ଆଲୋଚନା ହେବ ।
