ପାଟନା,୧୫।୩: ବିହାରର ମୁଙ୍ଗେର ସ୍ଥିତ ମୁପସିଲ୍ ଥାନାରେ ମୁତୟନ ଏଏସ୍ଆ ସନ୍ତୋଷ କୁମାର ସିଂହଙ୍କ ହତ୍ୟା ମାମଲାରେ ପୋଲିସର ଆକ୍ସନ। ଅଭିଯୁକ୍ତଙ୍କ ମଧ୍ୟରୁ ଜଣକୁ ଗିରଫ କରିଛି ପୋଲିସ, ସେଭଳି ଅନ୍ୟମାନଙ୍କର ତଲାସୀ ଜାରି ରହିଛି। ଗିରଫ ଅଭିଯୁକ୍ତର ଗୁଡ୍ଡୁ ଯାଦବ ବୋଲି ଜଣାପଡିଛି।
ଗୁଡ୍ଡୁକୁ ଯେତେବେଳେ ପୋଲିସ ଗିରଫ କରିକି ନେଉଥିଲା ସେହି ସମୟରେ ପୋଲିସର ଗାଡି ଓଲଟି ପଡିଥିଲା। ସେତେବେଳେ ଅଭିଯୁକ୍ତ ଗୁଡ୍ଡୁ ପଳାଇବାକୁ ଚେଷ୍ଟା କରିବା ବେଳେ ପୋଲିସଠାରୁ ହତିଆର ଛଡାଇବାର ଚେଷ୍ଟା କରିଥିଲା। ଏହାପରେ ପୋଲିସ ଆତ୍ମରକ୍ଷାରେ ଫାୟରିଂ କରିଥିଲା ଓ ଅଭିଯୁକ୍ତର ଗୋଡରେ ଗୁଳି ବାଜିଥିଲା। ଏନକାଉଣ୍ଟର ପୂର୍ବରୁ ପୋଲିସ ଗାଡି ଏକ ଆମ୍ବ ଗଛ ସହ ମାଡ଼ ହୋଇଥିଲା। ଏହାଦ୍ବାରା ଗାଡିର ହୁଟର ଭାଙ୍ଗି ଯାଇଥିଲା। ଫଳରେ ଆଗ ଅଂଶ କ୍ଷତିଗ୍ରସ୍ତ ହୋଇଥିଲା।
ଏହା ଭିତରେ ବିହାରର ଉପ-ମୁଖ୍ୟମନ୍ତ୍ରୀ ବିଜୟ କୁମାର ସିହ୍ନା ପୋଲିସ କର୍ମଚାରୀଙ୍କ ମୃତ୍ୟୁ ଉପରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ଅପରାଧକୁ ଶେଷ କରିବା ପାଇଁ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି। ସୁଶାସନ ପାଇଁ ଆମେ କ୍ଷମତାରେ ଅଛ ଓ ଆକ୍ସନ ନେବୁ। ଅପରାଧିଙ୍କୁ ତାଙ୍କ ଭାଷାରେ ଜବାବ୍ ଦିଅ। ଦରକାର ପଡିଲେ ଏନକାଉଣ୍ଟର କର। ସରକାରଙ୍କ ପକ୍ଷରୁ ଅନୁମତି ରହିଛି।
