ୱାଶିଂଟନ,୧୫/୦୩: ଘରକୁ ଫେରବେ ସୁନୀତା ୱିଲିୟମ୍ସ । ଫିଟିଲା ବାଟ । ୯ ମାସ ଧରି ମହାକାଶରେ ଫସିଥିବା ଭାରତୀୟ ବଂଶଭୋବ ସୁନୀତି ୱିଲିୟମ୍ସ ଓ ତାଙ୍କ ଟିମ୍ ଖୁବଶୀଘ୍ର ଫେରିବେ । ସ୍ପେସେକ୍ସ ମିଶନ କ୍ରୁ-୧୦ରେ ମହାକାଶ ଗଲା ପାଲକନ ୯ ରକେଟ୍ । ସ୍ଥାନୀୟ ସମୟ ଅନୁସାରେ ଶୁକ୍ରବାର ସନ୍ଧ୍ୟା ୭ଟା ୩ ମିନିଟରେ ମିଶନ ଲଞ୍ଚ ହୋଇଛି । ମାର୍ଚ୍ଚ ୧୯ କିମ୍ବା ୨୦ ତାରିଖରେ ପୃଥିବୀକୁ ସୁନୀତା ଫେରିବେ ବୋଲି ଆଶା କରାଯାଉଛି । କ୍ରୁ-୧୦ ମିଶନରେ ଡ୍ରାଗନ ସ୍ପେସକ୍ରାଫ୍ଟରେ ଫେରିବେ ଦୁଇ ମହାକାଶଚାରୀ ।
ଗୁରୁବାର ଫେଲ ହୋଇଥିଲା କ୍ରୁ-୧୦- ସୁନୀତା ୱିଲିୟମ୍ସଙ୍କର ମହାକାଶରୁ ଫେରିବା ବିଳମ୍ବ ହୋଇଛି । ସ୍ପେସ୍ଏକ୍ସ ତାର କ୍ରୁ-୧୦ ମିଶନ ଉତକ୍ଷେପଣକୁ ବାତିଲ କରିବା ପରେ ଫେରିବା ଆହୁରି ବିଳମ୍ବ ହୋଇଛି । ଗୁରୁବାର ରକେଟ୍ ପାଇଁ ଗ୍ରାଉଣ୍ଡ ସପୋର୍ଟ କ୍ଲାମ୍ପ ଆର୍ମରେ ବୈଷୟିକ ତ୍ରୁଟି ଯୋଗୁଁ ଏହି ଉତକ୍ଷେପଣକୁ ବାତିଲ କରାଯାଇଥିଲା । ଶନିବାର ପୁଣି ଏହାର ଉତକ୍ଷେପଣ ହୋଇଛି । ସ୍ପେସେକ୍ସରେ ଫାଲକନ ୯ ରକେଟରେ ଗ୍ରାଉଣ୍ଡ ସପୋର୍ଟ କ୍ଲାମ୍ପ ଆର୍ମ ସହିତ ଲଞ୍ଚ ହୋଇଛି । ତେଣୁ ଖୁବଶୀଘ୍ର ସୁନୀତା ୱିଲିୟମ୍ସ ଓ ତାଙ୍କ ସାଥୀ ପୃଥିବୀପୃଷ୍ଠକୁ ଫେରିବା ନେଇ ଆଶା କରାଯାଉଛି ।
ଅଧିକ ପଢନ୍ତୁ...ମହାକାଶରୁ କେବେ ଫେରିବେ ସୁନୀତା ୱିଲିୟମ୍ସ ? ନୂଆ ତାରିଖ ଦେଲା ନାସା
କେଉଁ ମିଶନରେ ଯାଇଥିଲେ ସୁନୀତା ? ଅନ୍ତର୍ଜାତୀୟ ମହାକାଶ କେନ୍ଦ୍ର (ଆଇଏସଏସ)ରୁ ନାସା ମହାକାଶଚାରୀ ପାଖାପାଖି ୯ ମାସ ହେବ (୨୮୦ ଦିନ) ଫସି ରହିଛନ୍ତି ସୁନୀତାଙ୍କ ସମେତ ତାଙ୍କ ଟିମ୍ । ବୋଇଂରେ ତ୍ରୁଟିପୂର୍ଣ୍ଣ ଷ୍ଟାରଲାଇନର ମହାକାଶଯାନରେ ଯାତ୍ରା କରିବା ପରେ ୱିଲିୟମ୍ସ ସାଥୀ ମହାକାଶଚାରୀ ବୁଚ୍ ୱିଲ୍ମୋରଙ୍କ ସହ ୯ ମାସ ଧରି ଫସି ରହିଛନ୍ତି । ମାତ୍ର ୮ ଦିନ ରହିବାକୁ ସ୍ଥିର ହୋଇଥିଲା । ମାତ୍ର ୯ ମାସ ହେବ ଫସି ରହିଛନ୍ତି । ୨୦୨୪ ଜୁନ ୫ ତାରିଖରେ ନାସାର ବୋଇଂ କ୍ରୁ ଫ୍ଲାଇଟ ଟେଷ୍ଟ ମିଶନ ଲଞ୍ଚ ହୋଇଥିଲା । ଏହି ମିଶନ ଜରିଆରେ ନାସା ତାର ଦୁଇ ମହାକାଶଚାରୀ ସୁନୀତା ୱିଲିୟମ୍ସ ଓ ବୁଚ୍ ୱିଲ୍ମୋର ୮ ଦିନରେ ଯାତ୍ରାରେ ପଠାଇଥିଲା ।
