ନୂଆଦିଲ୍ଲୀ: ଗୁରୁବାର ସନ୍ଧ୍ୟାରେ ଲାହୋରର କୃଷ୍ଣ ମନ୍ଦିରରେ ପାକିସ୍ତାନର ହିନ୍ଦୁ ସମ୍ପ୍ରଦାୟ ଉତ୍ସାହ ଏବଂ ଉଲ୍ଲାସର ସହିତ ହୋଲି ପର୍ବ ପାଳନ କରିଛନ୍ତି। ଏହି ଅବସରରେ, ମନ୍ଦିରକୁ ରଙ୍ଗୀନ ଆଲୋକ ମାଳାରେ ସଜାଯାଇଥିଲା, ଯାହା ସେଠାକାର ପରିବେଶକୁ ବହୁତ ମନୋରମ କରିଥିଲା। ଏହି ସ୍ୱତନ୍ତ୍ର କାର୍ଯ୍ୟକ୍ରମଟି ଇଭାକ୍ୟୁ ଟ୍ରଷ୍ଟ ପ୍ରପର୍ଟି ବୋର୍ଡ (ETPB) ଦ୍ୱାରା ଆୟୋଜିତ ହୋଇଥିଲା, ଯାହାକି ପାକିସ୍ତାନରେ  ସଂଖ୍ୟାଲଘୁ ପୂଜାସ୍ଥଳ ପରିଚାଳନା କରିଥାଏ । 

ଏହି ସମୟରେ, କେକ୍ କାଟିବା ଉତ୍ସବ ଅନୁଷ୍ଠିତ ହୋଇଥିଲା ଏବଂ ଅତିଥି ମାନଙ୍କୁ ପାରମ୍ପରିକ ମିଠା ଏବଂ ପ୍ରସାଦ ବଣ୍ଟନ କରାଯାଇଥିଲା। ଏହି ଅବସରରେ ମହିଳା ମାନେ ହିନ୍ଦୁ ଭକ୍ତି ଗୀତ ଏବଂ ବଲିଉଡ୍ ଗୀତରେ ଜୋରଦାର ନୃତ୍ୟ କରିଥିଲେ। ବିଶେଷକରି ଚଳଚ୍ଚିତ୍ର ଅଭିନେତା ଅମିତାଭ ବଚ୍ଚନଙ୍କ ଗୀତ "ରଙ୍ଗ ବରସେ ଭିଗେ ଚୁନରୱାଲି" ଉପରେ ବହୁତ ନାଚ ମଜା ହୋଇଥିଲା । 

ଇଟିପିବିର ଅତିରିକ୍ତ ସଚିବ ସୈଫୁଲ୍ଲା ଖୋଖର କହିଛନ୍ତି ଯେ ଦେଶର ଅନ୍ୟ ମନ୍ଦିର ଗୁଡ଼ିକରେ ମଧ୍ୟ ବିଶେଷ ପ୍ରାର୍ଥନା ଏବଂ ଉତ୍ସବ ଅନୁଷ୍ଠିତ ହୋଇଥିଲା। ଏହି ପବିତ୍ର ହୋଲି ପର୍ବରେ ଲୋକମାନେ ଯେପରି ଭୟଭୀତ ନ ହୋଇ ଖୁସି ଏବଂ ସୌହାର୍ଦ୍ଦ୍ୟର ରଙ୍ଗରେ ନିଜକୁ ବୁଡ଼େଇ ପାରିବେ ସେଥିପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା।