ପ୍ରମୂଖ ଖବର
  • ଭୁବନେଶ୍ୱର : ଘର ଭିତରୁ ପ୍ରେମୀଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ବାଲେଶ୍ୱର : ହୋଲିରେ ଚାଲିଥିଲା ଚୋରାମଦ ବେପାର, ମାଡ଼ି ବସିଲା ନୀଳଗିରି ପୋଲିସ
  • ||
  • ଗଜପତି : ନିଜ ବନ୍ଧୁକରୁ ଗୁଳି ଫୁଟି ଶିକାରୀ ମୃତ
  • ||
  • ୨ ଦିନିଆ ଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବିଭିନ୍ନ କାର୍ଯ୍ୟକ୍ରମରେ ହେବେ ସାମିଲ
  • ||
  • ମୟୂରଭଞ୍ଜ : ସ୍ତ୍ରୀକୁ ପିଟି ପିଟି ହତ୍ୟା କଲା ନିଷ୍ଠୁର ସ୍ୱାମୀ, ଅଭିଯୁକ୍ତ ଅଟକ
  • ||
  • କେନ୍ଦୁଝର : ଜ୍ଵାଇଁ ଘର ସାମ୍ନାରେ ଚଢିଗଲା ଟ୍ରକ୍, ଚାଲିଗଲା ଶାଶୁ, ଶ୍ଵଶୁର ଏବଂ ଶାଳକଙ୍କ ଜୀବନ
  • ||
  • ଶ୍ରୀକ୍ଷେତ୍ରରେ ଡ୍ରିମ୍‌ଗାର୍ଲ୍, ଦେଶର ମଙ୍ଗଳ ପାଇଁ ମହାପ୍ରଭୁଙ୍କୁ କଲେ ପ୍ରାର୍ଥନା
  • ||
  • କଟକ : ସାଇକେଲ୍‌ ଆରୋହୀଙ୍କୁ ପଛପଟୁ ଧକ୍କା ଦେଲା ଟ୍ରକ୍‌, ଚାଲିଗଲା ଜୀବନ
  • ||
  • ଢେଙ୍କାନାଳ : ଟ୍ରକ୍ ଧକ୍କାରେ ଚାଲିଗଲା ଯୁବକଙ୍କ ଜୀବନ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତାରୋକ
  • ||

ନଦୀରେ ଓଲଟିଲା ଡଙ୍ଗା; ଅନ୍ତିମ ସଂସ୍କାରରେ ସାମିଲ ହେବାକୁ ଯାଉଥିଲେ, ଶବ ହୋଇ ଫେରିଲେ

Published By : Tapas Panda | March 15, 2025 4:40 PM

ସୀତାପୁର: ଶବ ସତ୍କାର କରିବାକୁ ଯାଉଥିବା ବେଳେ ନଦୀରେ ଓଲଟି ପଡ଼ିଲା ଡଙ୍ଗା । ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୧୨ ଜଣଙ୍କୁ ଉଦ୍ଧାର କରାଯାଇଥିବା ଜଣାପଡ଼ିଛି । ଉତ୍ତର ପ୍ରଦେଶର ସୀତାପୁର ଜିଲ୍ଲାରେ ଏହି ଦୁର୍ଘଟଣା ଘଟିଛି । ମିଳିଥିବା ସୂଚନା ଅନୁସାରେ, ହୋଲି ଖେଳିସାରିବା ପରେ ଜଣେ ଯୁବକ ନଦୀକୁ ଗାଧୋଇବାକୁ ଯାଇଥିଲେ । ନଦୀରେ ବୁଡ଼ିଯିବାରୁ ତାଙ୍କର ମୃତ୍ୟୁ ହୋଇଥିଲା । ପରେ ଯୁବକଙ୍କ ମୃତଦେହକୁ ନେଇ ତାଙ୍କର ୧୫ ଜଣ ସଂପର୍କୀୟ  ନଦୀର ଅପର ପାର୍ଶ୍ବକୁ ଯାଉଥିଲେ । ଏହି ସମୟରେ ଡଙ୍ଗାଟି ଓଲଟି ପଡ଼ିଥିଲା । ଦୁର୍ଘଟଣାର ଖବର ପ୍ରଚାରିତ ହେବା ମାତ୍ରେ ସ୍ଥାନୀୟ ଲୋକ ଏବଂ ବୁଡ଼ାଳିମାନେ ନଦୀରେ ନିଖୋଜ ଲୋକଙ୍କୁ ଖୋଜାଖୋଜି କରିଥିଲେ । 

ରିପୋର୍ଟ ଅନୁସାରେ, ଶୁକ୍ରବାର ହୋଲିରେ ରଙ୍ଗ ଖେଳିବା ପରେ ନଦୀରେ ଗାଧୋଇବା ପାଇଁ ରତନଗଞ୍ଜର ଅନ୍ୟ ପିଲାମାନଙ୍କ ସହିତ ନାଗେଶ୍ୱରଙ୍କ ପୁଅ ଦିନେଶ (୨୬) ଯାଇଥିଲେ । କିନ୍ତୁ ନଦୀରେ ବୁଡ଼ି ଦିନେଶ ମୃତ୍ୟୁବରଣ କରିଥିଲେ । ମୃତଦେହ ମିଳିବା ପରେ ଶନିବାର ତାଙ୍କ ସମ୍ପର୍କୀୟମାନେ ଅନ୍ତିମ ସଂସ୍କାର ପାଇଁ ଶାରଦା ନଦୀର ଆର ପାର୍ଶ୍ୱକୁ ଯାଇଥିଲେ । ଏହି ସମୟରେ ଡଙ୍ଗାଟି ନିୟନ୍ତ୍ରଣ ହରାଇ ଶାରଦା ନଦୀରେ ଓଲଟି ପଡ଼ିଥିଲା । ସ୍ଥାନୀୟ ଲୋକମାନେ ତୁରନ୍ତ ନଦୀକୁ ଡେଇଁ ପଡ଼ି ଲୋକଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ । 

ଦିନେଶଙ୍କ ସମ୍ପର୍କୀୟ ସଞ୍ଜୟ ଗୁପ୍ତା (୩୨), ଖୁସବୁ (୩୦) ଏବଂ ରତନଗଞ୍ଜ ନିବାସୀ କୁମକୁମ (୧୪)ଙ୍କୁ ପାଣିରୁ ବାହାର କରି ହସ୍ପିଟାଲ ପଠାଯାଇଥିଲା । ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ନଦୀରୁ ଉଦ୍ଧାର ହୋଇଥିବା ବହରାଇଚର ଖଇରିଘାଟ ଗ୍ରାମର ବାସିନ୍ଦା ବନ୍ଦନା (୩୨), ତାଙ୍କ ଏକ ବର୍ଷର ପୁଅ ସାର୍ଥକ, କୃଷ୍ଣ (୩) ଏବଂ ମୋନୁ (୧୮), ଓମକାର (୨୦), ବିଧି (୫), ଭାନୁ (୩୨) ଏବଂ ଲକ୍ଷ୍ମୀ ଦେବୀଙ୍କୁ ସିଏଚସି ପଠାଯାଇଥିଲା । ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି । 

ନଦୀରୁ ଉଦ୍ଧାର ହୋଇଥିବା ତିନି ଜଣଙ୍କ ଚିକିତ୍ସା ସମୟରେ ମୃତ୍ୟୁ ହୋଇଥିଲା । ଅନ୍ୟ ସମସ୍ତେ ଚିକିତ୍ସାଧୀନ ଥିବା ବେଳେ ବିପଦମୁକ୍ତ ଅଛନ୍ତି ବୋଲି ଡାକ୍ତର କରିଛନ୍ତି । ସେପଟେ ଦୁର୍ଘଟଣା ଖବର ପାଇବା ପରେ ସ୍ଥାନୀୟ ବିଧାୟକ ଜ୍ଞାନ ତିୱାରୀ ଘଟଣାସ୍ଥଳରେ ପହଞ୍ଚି ପୀଡିତଙ୍କ ପରିବାରକୁ ସାନ୍ତ୍ୱନା ଦେଇଥିଲେ । ଡିଏମ୍ ଆନନ୍ଦ ଅଭିଷେକ ମଧ୍ୟ ଘଟଣାସ୍ଥଳ ପରିଦର୍ଶନ କରି ସ୍ଥିତି ସମୀକ୍ଷା କରିଛନ୍ତି । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.