କୋଲକାତା,୮।୪: ପଶ୍ଚିମବଙ୍ଗର ମୁର୍ଶିଦାବାଦରେ ନୂତନ ୱାକଫ ଆଇନ ବିରୋଧରେ ହେଉଥିବା ବିକ୍ଷୋଭ ଏବେ ହିଂସାତ୍ମକ ରୂପ ନେଇଛି।। ପୋଲିସ ଏବଂ ପ୍ରଦର୍ଶନକାରୀଙ୍କ ମଧ୍ୟରେ ହୋଇଛି ସଂଘର୍ଷ । ବିକ୍ଷୋଭକାରୀମାନେ ରାସ୍ତା ଅବରୋଧ କରିଥିଲେ ଏବଂ ପୋଲିସ ଗାଡ଼ିଗୁଡ଼ିକୁ ନିଆଁ ଲଗାଇ ଦେଇଥିଲେ। ପ୍ରଥମେ, ପୋଲିସ ବିକ୍ଷୋଭକାରୀଙ୍କୁ ଗୋଟିଏ ସ୍ଥାନରେ ପ୍ରତିବାଦ କରିବାକୁ କହିଥିଲେ, କିନ୍ତୁ ହଠାତ୍ ପ୍ରତିବାଦକାରୀମାନେ ନିର୍ଦ୍ଦିଷ୍ଟ ସ୍ଥାନ ବାହାରକୁ ଯିବା ଆରମ୍ଭ କଲେ। ଏହି ସମୟରେ ପ୍ରଦର୍ଶନକାରୀ ଏବଂ ପୋଲିସ ମଧ୍ୟରେ ଧସ୍ତାଧସ୍ତି ହୋଇଥିଲା।
ବିକ୍ଷୋଭକାରୀମାନେ ବ୍ୟାରିକେଡ୍ ଭାଙ୍ଗି ଆଗକୁ ବଢ଼ିବାକୁ ଚେଷ୍ଟା କରିଥିଲେ। ଏହା ପରେ ପୋଲିସ ମଧ୍ୟ ହାଲକା ବଳ ପ୍ରୟୋଗ କରିଥିଲା। ପୋଲିସ କର୍ମଚାରୀଙ୍କ କହିବା ଅନୁଯାୟୀ, ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଘଟଣାସ୍ଥଳରେ ବହୁ ସଂଖ୍ୟକ ପୋଲିସ ମୁତୟନ କରାଯାଇଛି। ଭିଡ଼କୁ ଘଉଡ଼ାଇବା ପାଇଁ ପୋଲିସକୁ ଲୁହ ବୁହା ଗ୍ୟାସ୍ ପ୍ରୟୋଗ କରିବା କରିଥିଲା। ଏହି ହିଂସାରେ ଅନେକ ପୋଲିସ କର୍ମଚାରୀ ମଧ୍ୟ ଆହତ ହୋଇଥିବା କୁହାଯାଉଛି।
ଓ୍ବାକଫ୍ ଆଇନ ବିରୋଧରେ ଏହି କାର୍ଯ୍ୟକ୍ରମ ପୂର୍ବରୁ ଚାଲିଥିଲା। ହଠାତ ଶାନ୍ତିପୂର୍ଣ୍ଣ ଭାବରେ ହେଉଥିବା ବିରୋଧ ହିଂସାରେ ପରିଣିତ ହୋଇଥିଲା। ପ୍ରଦର୍ଶନକାରୀମାନେ ପୂର୍ବରୁ ପୋଲିସ ସହ ହାତାହାତି ହୋଇଥିଲେ। ପ୍ରଦର୍ଶନକାରୀମାନେ ହାତରେ ଲାଠି-ଆାଡି ନେଇ ଘଟଣାସ୍ଥଳରେ ପହଁଞ୍ଚିଥିଲେ। ଏହି ଘଟଣାକୁ ନେଇ ବିଜେପି ଟିଏମ୍ସି ମୁଖ୍ୟ ମମତା ବାନାର୍ଜୀଙ୍କୁ ଟାର୍ଗେଟ କରିଛି। ବିଜେପି ଆଇଟି ସେଲ୍ ହେଡ୍ ଅମିତ ମାଲବୀୟ କହିଛନ୍ତି, ପଶ୍ଚିମବଙ୍ଗରେ ପୁଣିଥରେ ହିଂସାର ନିଆଁରେ। ପଶ୍ଚିମବଙ୍ଗ ପୋଲିସ ମୁର୍ସିଦାବାଦର ରାସ୍ତାରେ ଉତ୍ପାତ କରୁଥିବା ଉପଦ୍ରବକାରୀଙ୍କ ସହ ଲଢେଇ କରୁଛି। ମମତାଙ୍କ ଉତ୍ତେଜନାକାରୀ ଭାଷଣ ଏହି ଅଶାନ୍ତି ସୃଷ୍ଟି କରିଛି।
